События

30.09.2016

Арчага министр Марат Әхмәтов килде

Арчага Татарстан Республикасы Премьер—министр урынбасары, авыл хуҗалыгы һәм азык—төлек министры Марат Әхмәтов килде. «Кырлай” ширкәтендә Арча, Әтнә, Балтач, Биектау, Кукмара, Саба, Лаеш, Мамадыш районнарының авыл хуҗалыгы һәм азык-төлек идарәсе начальниклары, бәрәңге үстерүче хуҗалыкларның җитәкчеләре белән берлектә зона семинары булды. Семинарда Арча районы башлыгы Илшат Нуриев катнашты.

— Басуларда нигездә урып—җыю эшләре тәмамланса да, хәйран мәшәкатьле эшләр бар әле, — дип сөйләде министр Марат Әхмәтов.

Семинарда бәрәңге һәм яшелчә үстерү, аларны югалтуларсыз җыеп алу, җирне көздән эшкәртеп калдыру мәсьәләләре турында җитди сөйләшенде. Кайбер районнарның авыл хужалыгы һәм азык-төлек идарәсе җитәкчеләренә һәм бәрәңге игүче ширкәт хуҗаларына министр каршында җитди җавап тотарга туры килде.

Чыганак: http://arskmedia.ru/