События

Арча төбәге әдипләре иҗатын туплаган 3 китаптан торган хрестоматия дөнья күрде.

«Без бит — Арча яклары» китабы башлангыч сыйныфлар, урта һәм югары сыйныфлар өчен махсус төзелгән, 3 кисәктән тора. Ул Арча муниципаль районы башлыгы Илшат Габделфәрт улы Нуриев һәм Татарстан Дәүләт Советы депутаты, «Таттелеком» компаниясе генераль директоры Лотфулла Нурислам улы Шәфигуллин ярдәме белән бастырылган. 

Бәрәкәтле, илһамлы Арча төбәгеннән чыккан Г.Тукай, Г.Камал, Г.Бәширов, Р.Төхфәтуллин, Г.Ахунов, М.Мәһдиевләрнең, урта һәм яшь буын әдипләрнең, шулай ук биредә яшәүче каләм ияләренең иҗатын чагылдырган серия – мондый үрнәктәге беренче карлыгач. Ул 1 – 4, 5 – 8, 9 – 11 классларга атап чыгарылган.Бу китапта һәр авторның фоторәсеме, иҗаты һәм тормыш юлы турында кыскача тәрҗемәи хәле (биографиясе) тәкъдим ителә.