События

Арчаны «Пошалым чаналары-2017» гөрләтте

«Пошалым чаналары-2017» фестивале 27 гыйнвар көнне Урта Пошалым Мәдәният йортында башланган иде, 28е Арча Мәдәният йортында дәвам итте. Конкурска 41 үзешчән җырчыдан гариза килгән, барысы 15 яхшы башкаручы сайлап алынды.

Шулар арасында 4 лауреат. икәү «Тамашачы мәхәббәте» номинациясе җиңүчесе, калган башкаручылар дипломант булды. Лауреатлардан 1 дәрәҗәгә икәү — Зәлия Гайфуллина (Зәлия «Әллүки» җырын оста башкаручы буларак та җиүче булды) һәм Илһам Яруллин, 2 дәрәҗә лауреат — Айрат Кәримуллин, 3 дәрәҗә лауреат Гүзәл Закирова лаек булды. «Тамашач мәхәббәте»н Илзирә Сираҗиева һәм Марат Газизов яулады.

29 гыйнвар көнне райондашларыбыз Казан филармониясе сәхнәсендә чыгыш ясаячак. Аларның һәммәсе оештыручы Рөстәм Закировка рәхмәтле.