События

Америкалылар Арчадан канәгать булып китте

8 февраль Арча педагогия көллиятенә Америка мөгаллимнәре килгән иде. Бер атна сизелмичә дә үтеп киткән, америкалыларның китәр вакыты да җитте. Кичә Арча педагогия көллиятендә чит ил кунакларының эшлекле сәфәренә нәтиҗә ясалды. Төшкә кадәр кунаклар Арча районы башлыгы Илшат Нуриев белән очрашса, төштән соң Татарстан Республикасы Фән һәм мәгариф министрлыгы вәкилләре белән очрашты.

Кунаклар районыбыздагы кунакчыллыкны, көллияттәге укытучы һәм студентларның бер-берсенә ихтирамына, ярдәмчеллегенә соклануларын белдерде. Киләчәктә безнең студентларга Америкага барып, ә аларныкына безнең илгә килеп уку мөмкинлеге туар, чөнки җитәкчелек әлеге фикерне хуплап, юлларын табу турында уйланачагын белдерде.