События

Шурабаш мәктәбе укучылары «Тамчы-шоу»да катнашты

3 нче апрель көнне Арча районы Шурабаш төп гомуми белем бирү мәктәбенең “Дуслык” командасы “ТНВ” каналында уздырыла торган “Тамчы шоу“  интеллектуаль-күңел ачу бәйгесендә катнашты.

Шәйхиева Зәлинә, Мөбаракшина Гөлинә һәм Һадиева Таңсылу көндәшләре-Апас районы укучылары белән “Бөртекле культуралар” темасына көч сынаштылар.

Уен бик кызыклы, шул ук вакытта кискен булды. Шулай да безнең кызлар җиңү яуладылар. Мәктәп коллективына һәм укучыларга уңышлар телибез!