События

Дүртенче ел рәттән чемпион булып кайттылар

17 – 19 апрельдә Мамадыш шәһәрендә һөнәри уку йортлары арасында көрәш буенча ярышлар булып узды. Арча педагогия көллияте командасы көндәшләреннән зур өстенлек белән I – нче урынны алып, 4 ел рәттән чемпион исеменә лаек булдылар.

Шәхси беренчелектә үз үлчәү авырлыкларында: Корбангалиев Искандер, Габидуллин Насим, Мухаметов Айназ – I нче, Хакимзянов Рамиль – II нче, Фазылзянов Ильшат – III нче , Гайнутдинов Динар – VI нчы урынны яуладылар. Ярышка команданы Зарипов Фәнис әзерләде. Егетләргә алдагы ярышларда да уңышлар телибез.

Физик тәрбия җитәкчесе: З. В. Сәгыйтов