События

Быел урак кыен булачак

18 июльдә Татарстан Республикасы авыл хуҗалыгы һәм азык-төлек министрының беренче урынбасары Николай Титов Арча районында булды. Ул муниципаль район башлыгы Илшат Нуриев белән комбайннарның урып-җыюга әзерлеген кабул итүдә  катнашты. Аннан соң хуҗалыклар җитәкчеләре белән киңәшмә үткәрде.

— Урып-җыю быел кыен булачак, — диде ул. — Әле вакыт бар, ныклап әзерләнегез.

Николай Титов “Курса МТС”ы  ширкәтенең Сарай-Чокырча авылында яңа төзелгән ашлык чистарту линиясен карады. “Казанка” хуҗалыгы  басуларындагы игеннәрне карап үтте, терлек азыгы әзерләүнең торышы белән кызыксынды, ширкәтнең терлекләр лагеренда булды.