События

Кыш бабай һәм Кар кызы призына шашка буенча Арча районы беренчелеге булып узды

23 нче декабрь көнне “Ладья” шашка-шахмат клубында Кыш бабай һәм Кар кызы призына шашка буенча  Арча районы беренчелеге  булып узды. Ярышларда барлыгы 11 ир-ат һәм 4 хатын-кыз “Районның иң көчле шашкачысы” исеме өчен көрәште. Чыннан да районыбызның иң көчле шашкачылары җыелган иде бирегә һәм ярыш та бик кискен барды. Нәтиҗәләр түбәндәгечә: ир-атлар арасында беренчелекне Ашытбаштан Галиуллин Сөләйман кулдан ычкындырмады. 2-3 нче урыннарны Арчадан Нугуманов Мәхмүт һәм Рахимов Данил бүлештеләр. Хатын-кызлар арасында Арчадан Зайнуллина Ландыш беренче баскычка күтәрелде. 2 нче урында Арча педагогия көллиятендә белем алучы Хафизова Ләйсән, 3 нче урында Арчадан Давадова Анжела. Шулай итеп 2017 нче елның иң көчле шашкачылары булып Галиуллин Сөләйман һәм Зайнуллина Ландыш танылды.