События

Урта Курса мәктәбеннән Рәниф — көрәш буенча чемпион!

15-17 нче февраль көннәрендә Алабуга шәһәрендә 2002-2003, 2004-2005 нче елгы егетләр арасында Татарстан беренчелегенә көрәш буенча ярышлар узды. Бу ярышларда Арча районы командасы да катнашты. Урта Курса мәктәбеннән Нурисламов Раниф үз үлчәү категориясендә чемпион калды һәм шуның белән Россия беренчелегенә уздырылачак ярышка юллама алды. Шушы ук мәктәптән Мөхәрләмов Айдар 3 нче урынны яулады. Курса Почмак мәктәбеннән Хөснетдинов Илсаф пьедесталның 3 нче баскычына күтәрелде. Аларның тренерлары – Әхмәдиев Марат Госман улы.

http://arskmedia.ru/2018/02/19/urta-kursa-maktabennan-ranif-k-rash-buencha-chempion/