События

Арча сәнгать мәктәбе укучылары «Дулкыннар»дан бүләкләр белән кайтты

14-16 мартта Казан шәһәрендә «Идел» яшьләр үзәге тарафыннан оештырылган, татар халкының мәшһүр җырчысы Әлфия Авзалованың тууына 85 ел тулуга багышланган «Дулкыннар» Республика бәйгесе булып узды.

Конкурста Арча балалар сәнгать мәктәбе укучылары да актив катнашты. «Оркестрлар һәм уен кораллары ансамбльләре» номинациясендә курайчылар дуэты: Айбулат Харисов һәм Булат Ситтиков (җитәкчесе Харисов Р.Р.)  I дәрәҗә лауреат исеменә, «Вокал» номинациясендә Кәрим Закирҗанов (җитәкчесе Гайнуллин Б.М.) кызыксындыру бүләгенә лаек булдылар. Алар кубоклар, дипломнар, истәлекле бүләкләр белән кайттылар.

Резеда Зиннәтуллина фотолары

http://arskmedia.ru/2018/03/20/archa-sangat-maktabe-ukuchyilaryi-dulkyinnar-dan-b-laklar-belan-kaytt...