События

Алан балалар мәйданчыклы булды

Узган шимбәдә «Курса МТСы» ширкәтенә кергән Алан авылында балалар мәйданчыгын ачу тантанасы булды. 30 хуҗалыклы Алан зур авылларны да көнләштерерлек итеп яши. 

Быел биредә 4 туй булды, тиздән биш сабыйның дөньяга килүен көтәләр. Шунысы игътибарга лаек — мондый балалар мәйданчыклары хуҗалыкка кергән алты авылда да төзелде. «Алар барысы да үзара салым акчасы исәбенә төзелде,  — ди авыл җирлеге башлыгы Рәмзия Вафина. — Без урамнарга таш салып бетердек диярлек, халык балалар мәйданчыклары куюны сораган иде. Хуҗалык җитәкчесе Рәүф Гыйләҗетдинов моны хуплап алды, аның ярдәме зур булды».

http://arskmedia.ru/2018/08/22/alan-balalar-maydanchyiklyi-buldyi/