События

Президент Арчада

Татарстан Республикасы Президенты Рөстәм Миңнеханов 17 сентябрьдә Арча районында булды.

Рөстәм Миңнеханов башта “Балыкчы авылы” кунакханә–сәламәтләндерү комплексын карады, аннан соң “Кырлай” ширкәте басуында авыл җирлекләре башлыклары һәм хуҗалыклар җитәкчеләре белән очрашты.

Арча муниципаль район башлыгы Илшат Нуриев Президенты быелгы урып–җыю йомгаклары, бәрәңге алуның барышы белән таныштырды.

Президентка бәрәңге уңышын көрәк белән казып, үлчәп тә күрсәттеләр. Гектардан 400 центнерга якын уңыш чыга. Хуҗалык 1 мең  гектар бәрәңге игә, басуларда 4 комбайн эшли.

Рөстәм Миңнехановны ТР Премьер–министры урынбасары–авыл хуҗалыгы һәм азык–төлек министры Марат Әхмәтов озатып йөрде.