События

Район башлыгы хисап тотты

15 февральдә Арча район Советының чираттагы 31нче утырышы булды. Анда Татарстан Республикасы Президенты  Аппараты җитәкчесе Әсхәт Сәфәров, РФ Дәүләт Думасы депутаты Илдар Гыйльметдинов һ.б. катнашты.

Утырышта Арча муниципаль район башлыгы, район Советы рәисе Илшат Нуриев “Арча муниципаль районының 2018 елда социаль-икътисадый үсеше йомгаклары һәм 2019 елга бурычлар турында” чыгыш ясады.

ТР Президенты Аппараты җитәкчесе Әсхәт Сәфәров республика ирешкән уңышлар, алда торган бурычлар турында сөйләде. Ул Арча районы хезмәтчәннәренең республика уңышларына лаеклы өлеш кертүләрен билгеләп үтте, шул ук вакытта мөмкинлекләрнең зур булуын ассызыклады.

Әсхәт Сәфәров хезмәт алдынгыларына дәүләт бүләкләре тапшырды.