События

Рәхмәт сезгә, әниләр!

Арчаның «Шәрык» һәм «Үзәк» төбәкләре үзидарәләре җитәкчеләре Ринат Сафин, Рәмзия Хәмидуллина, «Казан арты» тарих-этнография муее хезмәткәрләре күп балалы әниләргә багышлап бик матур кичә үткәрделәр. Күп балалы әниләр Фәридә Мөхәммәдиярова, Розалина Хәбибуллина, Фәридә Насыйрова, Рамилә Сираева, Дияна Бульмакова, Гүзәлия Сәфәргалиева балалары, оныклары белән очрашуга чакырулы иделәр.

Һәркайсы үз гаиләсе турында сөйләде. Алар турында хезмәттәшләре, якыннары сөйләде. «бердәм Россия» сәяси партиясенең җирле бүлекчәсе башкарма комитеты җитәкчесе Тәлгат Җәләлетдинов әниләрне һәм барлык хатын-кызларны якынлашып килүче 8 март белән котлады. Соңыннан бергәләп фотога төштеләр, үзидарә җитәкчеләре Ринат Сафин, Рәмзия Хәмидуллина бүләкләр, күчтәнәчләр өләште.