События

18.05.2019

Үрнәк көллиятендә ачык ишекләр көне

Үрнәк агросәнәгать көллиятендә бүген ачык ишекләр көне булды. Фойега килеп керүгә егетләрне һәм кызларны чәй өстәле янына чакырдылар. Кош теле һәм чәк—чәк белән тәмләп чәй эчтеләр. Аннан залга үттеләр.Үрнәк агросәнәгать көллияте җитәкчесе Рифкать Камалетдинов көллият тарихы белән кыскача гына таныштырып үтте. «Безнең көллият 1944 елны оешкан, — дип сөйләде җитәкчесе.

— Быел мартта көллият ачылганга 75 ел булды». Авыл хуҗалыгына меңнәрчә һөнәр ияләре биргән уку йорты бу! Хезмәт геройлары биргән данлыклы көллият! Анда укыган ир—егет югалмый! Чөнки ул техниканы белә! Ә техниканы белгәннәргә кайда да сорау зур.  Аш—су остасы булырга теләүчеләр дә биредә һөнәр алып чыга. Эретеп ябыштыручыларны да монда әзерлиләр. Укуын дәвам итәргә теләүчеләргә бигрәк тә шәп монда. Казаннан авыл хуҗалыгы академиясеннән кайтып көллиятне тәмамлаучыларга тест үткәрәләр. Тестны уңышлы үткәннәр академиягә укырга керәләр. Бюджет бүлегенә! Шәп бит! Ачык ишекләр көненә килүчеләргә көллияттә укучылар концерт куйды, аннан егетләр һәм кызлар мастерскойларда булдылар.

http://arskmedia.ru/2019/05/17/rnak-k-lliyatenda-achyik-isheklar-k-ne/