События

Арчаның Шәрык бистәсендә бәйрәм узды

14 август кичендә Арча шәһәренең Шәрык территория үзидарәсе бик матур бәйрәм оештырды. Көн дә әйбәт, халык күп иде.

– Таш йортларда телевизор, компьютер артында утырганчы сезне урамга тартып чыгарырга булдык әле, – диде үзидарә җитәкчесе Ринат Сафин.

Муниципаль район башлыгы Илшат Нуриев та кешенең күплегенә игътибар итте. Ул районда тормышка ашырыла торган программаларны искә төшерде.

Ринат Сафин актив кешеләргә бүләкләр тапшырды. Шәрык территория үзидарәсе быел республика грантына ия булды.

Бәйрәм җыр, биюләр белән дәвам итте. Тәмле чәй, бәлеш белән дә сыйладылар.