События

Бассейнда зур кунаклар

Бүген, якшәмбе көнне, бассейнга Казаннан зур кунаклар кайтты.

Үзебезнең якташ егет, депутат, Казан Федераль университетының 4 курс студенты Баязит Сәгъдиев, Татарстанның су поло дигән спорт төре буенча федерация призеденты Кирилл Макаров, дөньякүләм су поло спорт төренең барлык титулларын да алган (олимпия алтын медаленнән башка), «Синтез» клубының баш тренеры Ирек Зиннуров бассейнда булып, арчалыларның су поло ярышын карап, уенчыларга су туплары бүләк итеп, киңәшләрен әйтеп, уңышлар теләделәр. Арчада бу спорт төрен җәелдерүдә булышачакларын әйттеләр. Очрашуда район башлыгы Илшат Нуриев катнашты.

"Арча хәбәрләре"