События

Арчада үткән «Автобабай»да кемнәр беренче? 23.09.2022 Арчада үткән «Автобабай»да кемнәр беренче?
Арчада "Автобабай" ярышы үткәрелде. Анда 60 яшьтән үткән өлкәннәр көч сынашты. 5 хатын-кыз, 8 ир-егет. Беренче урыннарда Ташкичүдән Тәнзилә Вәлиева, Арчадан Дамир Шакиров.

Арчаның 6нчы мәктәбендә район башлыклары булды 22.09.2022 Арчаның 6нчы мәктәбендә район башлыклары булды
Арчаның 6нчы мәктәбендә (җитәкчесе Дилүс Мостафин) Буа һәм Балык Бистәсе районнары башлыклары Камартдинов Рәнис Рафис улы һәм Исламов Радик Рәмис улы, "Мәгариф идарәсе" җитәкчесе Мөхәммәдияров Рамил Данил улы булды. Алар мәктәптәге шартлар, яңа укыту технологияләре белән таныштылар, дәресләрдә, музейда булдылар һ.б. Соңыннан шундый файдалы һәм эчтәлекле сәяхәт оештырганнары өчен мәктәп җитәкчелегенә рәхмәт әйттеләр.

Хыялый Рөстәмнең сокланырлык эшләре бар 21.09.2022 Хыялый Рөстәмнең сокланырлык эшләре бар
– Болында мең төрле чәчәк бар, алар күплелеге белән шулай матур. Бер генә төрле булсалар, андый матурлык булмас иде, – дияргә ярата иде бер танышым.

Ул бу сүзләрне кешеләр белән  чагыштырып әйтә иде. Чыннан да шулай бит, кешеләр дә бар яклары белән бер-берсенә охшаш булсалар бу дөнья бер дә кызыклы булмас иде.

Менә Югары Пошалым авылында яшәүче Рөстәм Зыятдиновны гына алыйк. Кайберәүләр кебек диванга кырын ятып көнбагыш чертләтеп, телевизор карап ятса ни була инде? Юк, һаман нәрсәдер җитми аңа. Ил гизеп, ерак аралар үтеп мал-туар ташыды ул берзаман. Онытмаган булсагыз, аның юлларда күргән маҗаралары турында язган идем инде. Эчең катып көләрлек хәлләр бар иде анда.

Фәрдүс Хәйертдинов: «Быел 4 яшь гаиләне дәүләт ярдәме көтә» 20.09.2022 Фәрдүс Хәйертдинов: «Быел 4 яшь гаиләне дәүләт ярдәме көтә»

Торак программаларын тормышка ашыру районда ничек тора? Яшь гаиләләргә торак бирү тәртибе нинди?

Бу язмада сүз яшь гаиләләрне фатир белән тәэмин итү өчен дәүләт тарафыннан бирелә торган ярдәм турында барачак. Әңгәмәдәшебез –  яшьләр эшләре, спорт һәм туризм бүлеге баш белгече Фәрдүс Хәйертдинов.

Арча волейболчылары Уржумнан 1нче урынны алып кайтты 19.09.2022 Арча волейболчылары Уржумнан 1нче урынны алып кайтты

Киров өлкәсе Уржум шәһәреннән Арчаның җыелма командасы җиңеп кайтты. 2008-2009 елгы малайлар Әмин, Ислам, Рәзил, Ибраһим, Ислам, Раил, Кәрим Арчаның 2нче мәктәбеннән, Казанбаш мәктәбеннән һәм Иске Кишет мәктәбеннән. Тренерлары Рәшит Сафин һәм Нияз Әмиров.  Молодцы, егетләр! Уңышлар сезгә! 


Президент Яңа Кырлайда «Ат көне» бәйрәмендә булды 19.09.2022 Президент Яңа Кырлайда «Ат көне» бәйрәмендә булды

Президент Рөстәм Миңнеханов Якутия республикасы башлыгы Айсен Николаев белән Яңа Кырлайда "Ат көне" спорт фестивалендә булды. 

"Атчылык буенча безгә Якутиягә ерак әле,- дип сөйләде Президент. - Әмма безнең хәзер үзебезнең нәсел - татар аты бар. Татар аты бу безнең атрибут. Гомер гомергә безнең халык ат тоткан".

“Тукай моңы, Тукай вөҗданы белән яшибез” 18.09.2022 “Тукай моңы, Тукай вөҗданы белән яшибез”

Яшел Үзән районының Г.Тукай исемендәге милли мәдәният үзәге директоры Клара Филиппова җитәкчелегендә бер төркем кунаклар Арчада булып китте.

Бу җәй үзебезнекеләр әлеге районның Мулла Иле авылында булып кайттылар. Клара ханым инициативасы белән 2012 елда ике район арасында “Тукай-күпере, дуслык-күпере” салынган иде. Ел да шулай кунаклар алышып яшәделәр. Пандемия генә бераз тоткарлык ясаган, әмма араларны суытмаган, дуслык күпере үз эшен дәвам итте. Арча җирендә очрашу да  әлеге проект кысаларында оештырылды.

“Мин аның исән икәненә ышандым”, – Бибигайшә Якупова 25 елдан соң югалган улын таба 17.09.2022 “Мин аның исән икәненә ышандым”, – Бибигайшә Якупова 25 елдан соң югалган улын таба
Нинди генә авыр сынаулар белән сынаса да, тәкъдиренә буйсына Бибигайшә апа. Башкортостанда туып-үскән кызны урау юллар олыгайган көнендә Арчага китерә. Башына яулыгын бәйләп, чигүле камзулын киеп каршы алды ул безне үзенең чиста, якты фатирында. Чигүле мендәр тышлары, үзе бәйләгән келәмнәр бүлмәгә ниндидер җылылык өсти.

Авыл хуҗалыгы һәм азык-төлек министры Марат Җәббаров Арча районында булды 16.09.2022 Авыл хуҗалыгы һәм азык-төлек министры Марат Җәббаров Арча районында булды

9 сентябрьдә Татарстан Республикасы Премьер-министры урынбасары – авыл хуҗалыгы һәм азык-төлек министры Марат Җәббаров Арча районында булды. Аны урынбасарлары Ленар Гарипов һәм Рафаэль Фәттахов озатып йөрде. Кунакларны район башлыгы Илшат Нуриев каршы алды.

Министр башта “Северный” ширкәте базасында “Проминтел-Агро” компаниясе оештырган семинарда катнашты. Әлеге компания җитештергән азык әзерләү техникасын басуда эшләтеп күрсәттеләр. “Северный” ширкәтендә мондый техника уңышлы гына эшли дә инде.

Арча кызлары Пермьнән җиңеп кайтты 16.09.2022 Арча кызлары Пермьнән җиңеп кайтты

Пермь шәһәрендә баскетбол буенча төбәкара турнир булды.

Ярышлар 2010-2012 елгы кызлар арасында үтте. Турнир «Балалар - илебезнең киләчәге» дигән девиз белән оештырылды. Ярышларда «Арча» спорт комплексында шөгыльләнүче кызлар командасы да катнашты. Ярышлар бик каты барды. Һәркемнең җиңәсе килде! Һәм... арчалар 1 нче урынны алды! Сөенечтән күккә сикерделәр

Көрәш җене кагылган 15.09.2022 Көрәш җене кагылган
Наласа авылын элегрәк җыр аша гына белә идем. Үзем барып күргәч, кешеләре белән танышкач, бу авылның исеме тагын да матуррак яңгырый башлады сыман. Соклангыч кешеләр күп анда! Шундыйларның берсе – Таһир Лотфуллин. Аның тырышлыгы, ярдәме белән балаларда милли көрәшкә карата мәхәббәт уянган, Сабантуйлар гөрләп узган, малайлар ныгып үскән (»Шәһри Казан», Дания Нәгыйм).

Якташыбыз Рүзәл Абдуллаҗан улы Йосыповны туган көне белән котлыйбыз! 14.09.2022 Якташыбыз Рүзәл Абдуллаҗан улы Йосыповны туган көне белән котлыйбыз!
Бүген, 14 сентябрь көнне якташыбыз Рүзәл Абдуллаҗан улы Йосыповның туган көне! Арча якташлыгы Сезне чын күңелдән туган көне белән тәбрик итә!

Сезгә, хәерле озын гомер, ныклы сәламәтлек тели. Алга таба да шатлыкта, куанычта, бәхеттә яшәргә язсын!

Рүзәл Габдуллаҗан улы Йосыпов – тел галиме, филология фәннәре кандидаты, докторы, ТР фәннәр академиясенең хакыйкый әгъзасы, вице-президенты, Татарстанның атказанган фән эшлеклесе.

Гомер юллары матур 13.09.2022 Гомер юллары матур

Питомникта яшәүче Саймә һәм Салихҗан Зариповлар 70 яшьлек юбилейларын билгеләп үттеләр.

Бергә булуларына 45 ел тулган. Салихҗан минем якташ – Түбән Курса авылыннан. Сирәк кенә булса да, күрешкәләп торабыз. Менә сөйләшеп алыр өчен дә җай чыкты.

Безнекеләр – гармунчылар парадында 12.09.2022 Безнекеләр – гармунчылар парадында

Арча район Мәдәният йортында эшләп килүче вокаль ансамбльләр, фольклор коллективлар бәйге һәм фестивальләрдә катнашып, уңышлы чыгыш ясап киләләр.

Соңгы вакытта гына да берничә коллектив җиңүләргә ия булды. Бу алар өчен зур дәрәҗә дә. Аннан фестиваль, бәйгеләрдә катнашу көч сынашу гына түгел, белем туплау, тәҗрибә уртак-лашу өчен дә зур мөмкинлек бирә. Әлеге бәйгеләр һәм җиңүчеләребез белән таныштырып үтү өчен без Арча Мәдәният йорты сәнгать җитәкчесе Ләйлә Хәкимовага мөрәҗәгать иттек.

Әтиемне алып кайтыгыз әле... 11.09.2022 Әтиемне алып кайтыгыз әле...

Хәдичә апа Сафина белән без озаклап сөйләшеп утырдык. Ул якын итеп истәлекләре белән уртаклашты.

Мирҗәм авылының абыстае ул. Эш белән барганда аның янына да кереп чыгарга уйладым. Елмаеп каршы алды, түргә дәште. Сөйләшер сүзләре бик күп иде. Тик вакыт кына кысанрак булды. Шулай да, сугыш елында үзе күргәннәр турында бәйнә-бәйнә сөйләргә өлгерде ул.

Һәр юнәлеш игътибарда 11.09.2022 Һәр юнәлеш игътибарда
Арча муниципаль районы Иҗтимагый советының чираттагы утырышында мөһим темалар каралды.

Иҗтимагый совет районда барган һәр юнәлешне – мәдәният өлкәсеме ул, мәгариф, төзелешме, яшьләр тормышымы – контрольдә тота.

“Мәдәният” милли проекты кысаларында эш ничек тормышка ашырыла? Торак программасы буенча нәрсәләр башкарылган? Территория-җәмәгатьчелек үзидарәләре органна-рының үзара бәйләнештә алып барылган эшләре нинди нәтиҗә бирә?

Ул көчле кеше, аннан яшәү дәрте бөркелеп тора 10.09.2022 Ул көчле кеше, аннан яшәү дәрте бөркелеп тора
Яңа Кенәр авылында яшәүче Даяр Хөсәенов белән күптән таныш. Минем кебек табигать ярата, умартачы да.

Берәр кызыклы яңалык күрсә, я ишетсә, шалтыратмый калмый. Озак еллар газ хезмәткәре булып эшләде, кайгы-хәсрәтләр кичерергә дә туры килде үзенә. Әмма ул көчле кеше, аннан яшәү дәрте бөркелеп тора.

Олы бүләккә лаек булдылар 09.09.2022 Олы бүләккә лаек булдылар
Район башкарма комитеты җитәкчесе Ренат Гатиятовка "Татарстанның атказанган авыл хуҗалыгы хезмәткәре", Казанбаш авылы китапханәчесе Рүзилә Әүхәдиевага һәм Яңа Кырлай авылы китапханәсе җитәкчесе Наилә Әхмәтҗановага "Татарстанның атказанган мәдәният хезмәткәре" исемнәре бирелде, Илдус авылында яшәүче 7 бала анасы Гөлгенә Хәбибрахмановага "Ана даны" медале тапшырылды

Бүген якташыбыз, Татарстанның халык артисты, Гөлзадә Сафиуллинаның туган көне! 08.09.2022 Бүген якташыбыз, Татарстанның халык артисты, Гөлзадә Сафиуллинаның туган көне!
Бүген якташыбыз, Татарстанның халык артисты, М. Җәлил исемендәге бүләк иясе, Бөтендөнья төрки хатын-кызларының бердәмлек һәм теләктәшлек җәмгыяте президиумы әгъзасы, Гөлзадә Сафиуллинаның туган көне! Арча якташлыгы Сезне ихлас күңелдән туган көнегез белән тәбрик итә!

Арчадан бәйләү остасы Альбина Шакирова: «Дүрт яшемдә укырга, биш яшемдә инде бәйләргә өйрәндем» 07.09.2022 Арчадан бәйләү остасы Альбина Шакирова: «Дүрт яшемдә укырга, биш яшемдә инде бәйләргә өйрәндем»

Бәйләү остасы Альбина Шакирова бик күп һөнәргә ия. Ул – Арча кызы. Мәктәпне тәмамлаганнан соң, икътисад юнәлешен сайлый. Казан химия-технология институтында менеджмент белгечлеген ала. Соңрак Казан университетында укып, инглиз теле укытучысы һөнәрен үзләштерә.

Дүртенче курста укыганда ук банкка эшкә урнаша. Шул өлкәдә унбер ел эшләгәннән соң, Арчага әти-әнисе янына кайта.

“Беребез өчен беребез кирәк...” 06.09.2022 “Беребез өчен беребез кирәк...”

Арча станциясендә яшәүче Александра Васильевна һәм Николай Васильевич Левиннар зөбәрҗәт туйларын билгеләп үттеләр.

Бу көнне аларны район ветераннар советы җитәкчесе Рәмзия Хәмидуллина, хатын-кызлар советы рәисе Альмира Гатауллина котладылар, район башлыгы Илшат Нуриевның Рәхмәт хатын, истәлек бүләкләре тапшырдылар.

Арчада “Җиңү диктанты” яздылар 05.09.2022 Арчада “Җиңү диктанты” яздылар
3 сентябрьдә Татарстанның барлык шәһәрләрендә һәм районнарында “Җиңү диктанты” узды.

Кәче авылында яхшы юл өмет итәләр: «Батып йөрисе килми» 04.09.2022 Кәче авылында яхшы юл өмет итәләр: «Батып йөрисе килми»
«Ватаным Татарстан» редакциясенә Арча районының Кәче авылыннан борчулы хат килеп ирешкән. Аны чыгышы белән шушы авылныкы, бүген исә Казанда яшәүче Рәфкать Ибраһимов язган иде. Хатта: «Авылда халык юлсызлыктан тилмерә. Тимер юл кичүеннән авыл башына кадәр бер чакрым арадагы юлның юл дип әйтерлеге юк. Казанга яки Арчага баручы машиналар, электричка тукталышына җәяүләп баручылар язын-көзен сазлыкка әйләнгән юлда интегеп йөрергә мәҗбүр.

Киттек велосипедларга утырып 02.09.2022 Киттек велосипедларга утырып
1 сентябрьдә Арча шәһәрендә “Торак һәм шәһәр мохите” дигән илкүләм проектны тормышка ашыру кысаларында Совет мәйданы, зур урамны төзекләндерүнең бишенче чиратын ачу тантанасы булды. Анда район башлыгы Илшат Нуриев, Татарстан Республикасы Дәүләт Советы депутаты Лотфулла Шәфигуллин катнашты.

Дулкынланып көткән көн 01.09.2022 Дулкынланып көткән көн
Беренче сыйныф укучыларын тәбрикләү, аларның чыгышлары бәйрәмне тагын да ямьләндерде, беренче кыңгырау яңгырады.

Ни өчен Иске Җөлбидә? 29.08.2022 Ни өчен Иске Җөлбидә?

Мөмкинлегең бар икән – ярдәм ит

Узган атнада Иске Җөлбидә зур чара узды – төзүчеләр көнен билгеләп үттеләр. Шул уңайдан Казан төзелеш оешмалары җитәкчеләре бергәләп гаилә бәйрәме оештырдылар.

Ни өчен Иске Җөлбидә? Аның сәбәбе бар. Бу хакта авыл халкы белә һәм ниһаять, алар урамында да бәйрәм булуына куанып туя алмый. Чөнки 30 йортлы, 91 кеше яшәгән авылда мәктәп тә, клуб та, кибет тә, балалар бакчасы да юк. Бернинди чара үткәрелми. Ә балалар күп. Һәр гаиләдә 2-3 бала. Шуны күздә тотып, үзара салым акчасына быел балалар мәйданчыгы төзегәннәр.

Ике юбилей - бергә 28.08.2022 Ике юбилей - бергә
Арча Питомнигында яшәүче Саимә белән Салихҗан Зариповларның 70 яшьлек юбилейлары. Салихҗан "Арча" совхозында 40 ел чылбырлы тракторда эшләгән механизатор. Чыгышы белән Түбән Курсадан. Юбилярларны район авыл хуҗалыгы һәм азык-төлек бүлеге җитәкчесе Ленар Абдуллин котлады, Рәхмәт хатлары тапшырды.

Яңа Кырлай мәктәбен генә күрегез сез! 27.08.2022 Яңа Кырлай мәктәбен генә күрегез сез!
Яңа Кырлай мәктәбе коллективы ярминкәгә әкият геройлары белән бергә килгән. Ярминкә уен-көлке белән үтәргә тиеш тә! Шуңа да халык ярминкәсе бит инде ул!

Кечене кече итмәгән бездән түгел 26.08.2022 Кечене кече итмәгән бездән түгел

Беренче сыйныфка баручы балалар өчен уку әсбаплары тутырылган сумкалар тапшыру чаралары башланып китте.

Елдагыча бу изге эштән район мөхтәсибәте дә читтә калмый. Имам-мөхтәсиб Әмир хәзрәт Миннемуллин район башлыгы Илшат Нуриев белән  Социалистик Хезмәт Герое Стелла Габдрахманова исемендәге Яңа Кенәр урта мәктәбендә булдылар, беренче сыйныф укучылары өчен әзерләнгән сумкаларны тапшырдылар.

Бүген аңа 100 яшь тулган булыр иде 25.08.2022 Бүген аңа 100 яшь тулган булыр иде
Бүген, 25 августта РСФСРның атказанган укытучысы, Бөек Ватан сугышы ветераны Шәүкәт Җәләлович Шәмиевка 100 яшь тулыр иде.

Сайлап алынганнар гына килде 24.08.2022 Сайлап алынганнар гына килде

Узган шимбәдә Балтач районы Шода авылында үзешчән театр коллективларының төбәкара милли URAM ТЕАТРЫ фестивале үтте.

Табигать кочагында, Мирхәйдәр Фәйзи  музей-йорты ишегалдында оештырылган ул. “Халкым рухын киләчәккә илтер, Театр..." дип исемләнгән төбәкара милли URAM ТЕАТРЫ фестивалендә үзешчән театр колективлары катнашкан. “Арчаның “Җидегән чишмә” Арча халык театры да әлеге фестивальгә чакырылган. Бу хакта мәгълүматларны безгә театр җитәкчесе Рамил Мөхетдинов җиткерде.

Бәхетле кеше сез, Наил абый! 23.08.2022 Бәхетле кеше сез, Наил абый!
Наил абый 1932 елның 16 августында Әтнә районының Дусым авылында туа. “Әти белән әни күп итеп яшелчә үстерделәр, артыгын Әтнә базарында сата идек. 4–5 умарталары бар, сыер, үгез, каз-тавыклардан тыш күркәләр дә асрадылар. Әни, кечерәк гәүдәле булса да, аз сөйләшә, күп эшли торган тырыш һәм игелекле хатын иде. Килендәше Маһирә, Хәҗәр апалар белән иң оста уракчылар  булып танылдылар. Әни яшь бозаулар, сарыклар карады, җәй көннәрендә без, малайлар, аларны көтә идек”, – дип искә ала Наил абый.

Ярты гасырлык парлы бәхет белән уртаклаштылар 22.08.2022 Ярты гасырлык парлы бәхет белән уртаклаштылар

Еллар сынавына бирешмичә, олы мәхәббәтне саклап, иңне-иңгә куеп гомер итүчеләргә сокланмый мөмкин түгел. Илле еллык мәхәббәт тарихын һәм төпле нигезләрен булдыручы Фәттаховлар гаиләсе әнә шундыйлардан.

Роза һәм Лиюс Фәттаховлар алтын туйларын билгеләп үтте. Район ЗАГС бүлегенең гаилә бәйрәмнәре залында бу көнне әлеге парлар өчен иң якын кешеләр җыелган иде. Балалары, оныклары һәм якын туганнары Роза ханым белән Лиюс әфәнденең олы шатлыгын уртаклашты. Юбилярлар ЗАГС бүлегенең Дан китабына кул куеп, “Алтын туй” таныклыгын алды һәм тугрылык билгесе итеп, алдын балдаклар алмашты. 

Өмәгә килегез! 22.08.2022 Өмәгә килегез!

Авылдашлар рәхим итсеннәр!

27 августта иртән 8 сәгатьтә Хәтнә авылы янындагы беткән Үрнәк авылының Түбән Оч зиратын төзекләндерү буенча өмә үткәрелә.


Тулырак: http://arskmedia.ru/news/rayon-yaalyklary/omaga-kilegez

«Җидегән чишмә»нең тагын бер җиңүе 21.08.2022 «Җидегән чишмә»нең тагын бер җиңүе
"Җидегән чишмә" Арча халык театры Балтач районының Шода авылында булдылар. Алар биредә үзешчән театр коллективларының төбәкара милли фестивале кысаларында чыгыш ясадылар. Коллектив фестивальдә беренче урынны яулады.

Яңа Ашытта яңа мәчет 21.08.2022 Яңа Ашытта яңа мәчет

Узган якшәмбедә Яңа Ашыт авылында яңа сафка баскан “Әлминә” мәчетен ачу тантанасы булды.

Кечерәк кенә, әмма табигате белән бик матур бу авыл өчен көтелмәгәнчә күп халык килгән иде ул көнне. Көтелмәгәнчә, диюем шуңа, өлкәннәрнең кайсы белән сөйләшмә, “Кара, күпме халык җыелган бит, исең китәрлек”, – дип фикерен белдерде. Читтән дә бик күп кеше кайткан, күрше-тирә авылларда яшәүчеләр дә килгән.

Казанка авылында мәчет ачылды 20.08.2022 Казанка авылында мәчет ачылды

Бүген Казанка авылында мәчет ачу тантанасы булды. Авыл үзе кечкенә, йортлар да сирәк, кешесе дә аз. Әмма тантанага читтә яшәүче бик күп кеше кайткан иде. 

Тантаналы өлештән соң кызыл тасманы кисеп эчкә уздылар. Өйлә намазын яңа мәчеттә укыдылар

Белем иленә ачкыч биргән Укытучы 19.08.2022 Белем иленә ачкыч биргән Укытучы

Ташкичү авылында гомер итүче якташыбыз Мәүҗидә Камалиева Әлифба китабына эш дәфтәре чыгарган.

Әлифба... Тышлыгына кулына чәчәк букеты белән букча тоткан кыз мәктәпкә бара торган зәңгәр тышлы китапны кем генә хәтерләми дә, кем генә аның буенча хәреф танырга өйрәнмәде икән?!

Рәмзия Вәлитова белән Сәләй Вәгыйзов төзегән “Әлифба” китабы – татар балаларын белем иленә алып керүче беренче дәреслек. Әлифбаның бизәлеше, тышлыгы үзгәреш кичерсә дә, аның эчтәлеге үзгәрми.

Якташыбыз Наил Васыйл улы Касыймов бүген туган көнен билгеләп үтә 18.08.2022 Якташыбыз Наил Васыйл улы Касыймов бүген туган көнен билгеләп үтә
Наил Васыйл улы Касыймов 1955 елның 18 августында районыбызның Ашытбаш авылында туа.  1970 елда Ашытбаш сигезъеллык мәктәбен, 1972 елда Тукай-Кырлай урта мәктәбен тәмамлый. Ул 1972-1977 елларда Казан төзелеш институтында укый һәм 1992 елга кадәр төрле төзелеш һәм сәүдә оешмаларында өлкән инженер, директор булып эшли. 1992-97 елларда Наил Касыйм Татарстан дәүләт телестудиясендә редактор, өлкән редактор хезмәтендә, 1997-1999 елларда Казан шәһәр хакимиятенең мәдәният идарәсендә идарә башлыгының беренче урынбасары булып эшли. 1999 елдан хакимиятнең юллар төзү идарәсендә идарә башлыгы урынбасары вазифаларын башкара. 2005 елдан Татарстан Республикасы мәдәният министрлыгында бүлек мөдире булып эшли, бүгенге көндә лаеклы ялда

Якташыбыз Вакыйф Вәкил улы Нуриевны туган көне белән котлыйбыз! 17.08.2022 Якташыбыз Вакыйф Вәкил улы Нуриевны туган көне белән котлыйбыз!
17 август көнне якташыбыз Вакыйф Вәкил улы Нуриевның туган көне!

Вакыйф Вәкил улы Нуриев — татар язучысы, журналист, Татарстан Язучылар берлеге рәисе урынбасары (2007 елдан),Татарстанның атказанган мәдәният хезмәткәре, Татарстан Язучылар берлегенең А. Алиш ис. әдәби бүләк иясе.

1958 елның 17 августында Татарстанның Арча районы Сеҗе авылында дөньяга килә. Шушы авылда урта мәктәпне тәмамлый, 1975 елда Казан дәүләт университетының журналистика бүлегенә укырга керә.
5 курста укыганда «Яшь ленинчы» (хәзерге «Сабантуй») газетасы редакциясендә хезмәткәр булып эшли башлый. 1980 елда университетны тәмамлый. Бераздан «Яшь ленинчы»ның җаваплы сәркатибе, баш мөхәррир урынбасары була. 1987-1990 елларда Татарстан китап нәшриятының сәясәт редакциясе мөдире.

Тәгәри тормыш арбасы... 16.08.2022 Тәгәри тормыш арбасы...

Иске Ашыт мәдәният йорты хәзер ТАССРның атказанган мәдәният хезмәткәре, районның мактаулы гражданины, тыл ветераны Саяра Фәттерахманова исемен йөртәчәк.

Узган атнада биредә зур тантана булды – Саяра ханымның исемен мәңгеләштерү максатында мәдәният йорты стенасына мемориаль такта куелды.

Арча якларына килегез 15.08.2022 Арча якларына килегез

Агымдагы елда республикага килүче туристларның саны арткан. Туроператорлар мәгълүматларына караганда, Казанда ку-наклар озаграк вакытка туктала башлаган.

Татарстан Министрлар Кабинетында узган брифингта шул хакта сүз барды.

Гөлфирә Каюмова: "Дан өчен түгел, үзем өчен таптым" 15.08.2022 Гөлфирә Каюмова: "Дан өчен түгел, үзем өчен таптым"

Курса разъездында яшәүче 13 бала – 9 малай, 4 кыз (14 булган, берсе үлгән) анасы Гөлфирә Каюмова белән очрашу сүз белән генә аңлатып бетереп булмый торган тәэсирләр калдырды.

Тимер юл буенда ук урнашкан зур гына йортта яши бу гаилә. Кыйммәтле җиһазлар, затлы келәмнәр дә юк, әмма тынычлыгы, рәхәтлеге, хуҗабикәнең ачыклыгы белән бик бай һәм матур ул.

Күңелләрдәге авыл бетми ул! 14.08.2022 Күңелләрдәге авыл бетми ул!

Ашытбаш авылында яшәүче Сөләйман Галиуллин тормышның кайсы өлкәсенә генә кереп  китмә – барыннан да хәбәрдар кеше.

Тарих белән дә кызыксына, күп авылларның исемнәре килеп чыгышын да үзе белгәнчә аңлатырга тырыша. Көрәшче дә, шахматчы да әле ул, бөтен республиканы кузгатып төрле турнирлар оештырып йөри.

Шөгыльләре зур эшкә әверелгән 14.08.2022 Шөгыльләре зур эшкә әверелгән

Беркөн Арча станциясендә яшәүче Гөлназ Галимова өендә булдым һәм бу нәфис кенә гәүдәле, “булдырам”, дип янып торган ханымга сокланып туя алмадым.

Некрасовча әйткәндә, чабып барган атны туктата торган ханым бу. Эшкә килгәндә, кулында ут уйната, шул хакта күңелен биреп, тәмләп, тәфсилләп сөйли белә, йөзеннән елмаю китми. Кыскасы, сәгатьтән артык үзенә генә каратып торды ул. Юк, сөйләме белән генә түгел. Аның тырышлыгына, булганлыгына, ару-талуны белмәвенә, ут борчасы кебек көннәр буе бакчада бөтерелүенә сокланып утырдым.

Санаулы минутлар эчендә йорт күмергә әйләнгән 14.08.2022 Санаулы минутлар эчендә йорт күмергә әйләнгән

Узган атнада Наласада Резеда һәм Айрат Зариповлар хуҗалыгында янгын булып, йорт-җирләре, каралты-куралары янып бетте.

Гөрләтеп яшәп, эшләп яткан гаилә санаулы гына минутлар эчендә урамда калды. Мондый вакытта изге күңелле кешеләр ярдәменә өметләнәсең. Бу мәкаләне дә шуны күз алдында тотып язабыз. Хуҗаларның үзләренә мөрәҗәгать итәргә йөрәксенмәдек, авыл җирлеге авылда булганның барысы турында да хәбәрдар була, дип Илфира Шакирова белән элемтәгә чыктык. Һәм ялгышмадык та.

Яңа Ашытта яңа мәчет 14.08.2022 Яңа Ашытта яңа мәчет
Бүген Яңа Ашыт авылында мәчет ачу тантанасы узды. Аңа читтә яшәүче авылл халкы да күп кайткан иде, дәрәҗәле кунаклар да катнашты. Чараның тантаналы өлеше тәкъбир әйтеп тасма кисү белән тәмамланды. Өйлә намазын яңа мәчеттә укыдылар.

Иске-Йорт сулыгы бик хәтәр урын. Айнурның өч баласы ятим калды 13.08.2022 Иске-Йорт сулыгы бик хәтәр урын. Айнурның өч баласы ятим калды

Ир-атның гәүдәсен судан бүген генә чыгарганнар.

Рәсми булмаган мәгълүматлар буенча Иске-Йорт сулыгында бер кеше батып үлгән булырга мөмкин, дип хәбәр иткән идек. Әлегә гәүдәсе табылмаган булгач, күңел яхшыга өметләнсә дә, кызганыч, Утар-Аты авыл җирлегендә әлеге хәбәрнең дөрес булуын расладылар.

Айнурның әти-әнисе өчен дә зур кайгы. Өч бала да алар кармагында калды. Бәлки изге күңелле райондашларыбыз арасында аларга кулдан килгәнчә ярдәм итәргә теләүчеләр дә табылыр

Районыбыз көрәшчеләре бүләкләнде 13.08.2022 Районыбыз көрәшчеләре бүләкләнде
Спорт яратучылар көне уңаеннан дөньякүләм ярышларда җиңүче исемен яулаучы, район данын яклаучы көрәшчеләр бер урынга җыелды. Аларны район башлыгы Илшат Нуриев бәйрәм белән котлады һәм бүләкләр тапшырды. Шулай ук спорт өлкәсен үстерүгә өлешләрен керткән тренерлар да бүләкләнде.

"Кая гына барсам да, “Без Наласадан!” дип горурланып әйтәм” 13.08.2022 "Кая гына барсам да, “Без Наласадан!” дип горурланып әйтәм”
Рамил Мөхетдинов белән Арчада үткәрелгән “Әдәби Сабантуй”да очраклы рәвештә генә таныштык. Таныштык дип инде... Газетабызга бәйле берничә җөмлә алыштык. Аннары аны күп кенә каләмдәшләрем белүе ачыкланды. Миңа кызык булып китте: нишләп Рамилне (абый дип әйтергә башыма да килмәде, чөнки мин аны үземнән азга гына олырак дип уйладым) барысы да белә, ә мин – юк ("Шәһри Казан", Дания Нәгыйм).

Кушлавычта киленгә су юлы күрсәттеләр 12.08.2022 Кушлавычта киленгә су юлы күрсәттеләр
Бүген Кушлавычта киленгә су юлы күрсәттеләр. Юк, уйланылган күренеш түгел, килен дә, барысы да чын. Кушлавычка килен төште. Башкортстанның Әлмөхәммәт авылыннан башкорт кызы Зәлия белән Зөфәр өйләнештеләр. Килен токмачыннан соң "Мулла" чишмәсенә суга киттеләр. Аңа су юлы күрсәттеләр. 

12 балалы һәм 34 оныклы гаилә Арча стадионында бәйрәм итә 12.08.2022 12 балалы һәм 34 оныклы гаилә Арча стадионында бәйрәм итә
Кичке сәгать 5тән соң Арчаның Казансу паркына төшеп барыш. Арча тавыннан төшүгә юлымда бер көтү бала-чага белән "Казан арты" тарих-этнография хезмәткәре Гөлүсә Хаҗиева очрады. Янында таныш түгел ханымнар да бар. "Нишләп йөрисез? Берәр төрле чара оештырасызмы әллә?" -- дип сорадым Гөлүсәдән. Гөлүсә бик ачык кеше, елмаеп: "12 балалы Галәветдиновлар гаиләсе Сабантуй-гаилә бәйрәмен оештыралар. Мине дә дәшми калмыйлар. 12 баланың берсе -- Миләүшә белән бергә укыдык без", -- дип сөйләде. 

Ветераннар көч сынашты 11.08.2022 Ветераннар көч сынашты
10 февральдә Арчада ветераннар арасында шахмат һәм шашка буенча ярышлар булып узды. Анда Арча, Әтнә, Балтач, Биектау районнары спортчылары катнашты.

Хатын-кызлар арасында Әтнәдән Әлфия Закирова җиңү яулады. Аны юбилее һәм шундый уңышы белән котлыйбыз!

Арчадан Гөлшат Нотфуллина аннан азга гына калышты.

Түләсәң – эшлиләр! 11.08.2022 Түләсәң – эшлиләр!

Район авыл хуҗалыгы һәм азык-төлек идарәсенең финанс-икътисад бүлеге җитәкчесе Марат Абдуллин белән районның авыл хуҗалыгы тармагында эшләүчеләрнең хезмәт      хакларын барлап утырдык әле.

Гадәттә кеше кесәсендәге акчаны санама, диләр. Ә без кесәләргә кермичә генә рәсми саннарны карап утырабыз.

Ресторанда балалар өчен осталык классы 10.08.2022 Ресторанда балалар өчен осталык классы
Яруллина Ләйсән җитәкчелегендәге "ТатАрская усадьба" хезмэткәрләре , официант Миләүшә Арча районы "Өмет чаткысы” мөмкинлекләре чикле балалар һәм яшүсмерләр өчен тернәкләндерү үзәге белгечләренә һәм үзәккә йөрүче балаларга профориентация буенча экскурсия, мастер класс күрсәттеләр . 

Агитбригада - ындыр табагында 09.08.2022 Агитбригада - ындыр табагында
Туган ягыбыз кырларында урып-җыю эшләре бара, уңышны түкми-чәчми җыйнап алу өчен игенче-механизаторларыбыз ару-талуны белми хезмәт итә.

Һәр елны урып-җыю кампаниясе дәвамында районыбызның мәдәният хезмәткәрләре агитбригада төркеме булдырып, басу- кырларга, ындыр табагына концерт программалары белән чыга.

Иң югары уңыш – “Кырлай”да 08.08.2022 Иң югары уңыш – “Кырлай”да

8 августка район хуҗалыкларында 4181 гектарда  игеннәр урылды, 3462 гектарда суктырылды. Җыйнап алынырга тиешле мәйданнар – 55431 гектар.

Бер гектардан уртача уңыш – 33,2 центнер.

“Игенче” ширкәте 729 геактардагы игеннәрне суктырып алды. “Казанка”, “Игенче”, “Курса МТСы”, “Ватан” хуҗалыклары да урып-җыюга оешкан төстә кереште.

Бүләк алдылар 08.08.2022 Бүләк алдылар

Арча районы башлыгы Илшат Нуриев 7 августта басуларда кыр эшләренең барышы белән танышты.

Ул терлек азыгы әзерләүдә яхшы нәтиҗәләргә ирешкән өчен “Курса МТСы” ширкәте механизаторы Рәмис Шәрәфиевкә, “Төрнәле–Пошалым”  ширкәтеннән Илнур Әһлиевкә, “Ватан” ширкәтеннән Әмир Газимовка, “Северный” ширкәтеннән Азат Рәхмәтуллинга,  “Ашытбаш” ширкәтеннән Мансур Халиковка Рәхмәт хатлары, акчалата бүләкләр тапшырды.

Алар тормышка гашыйк 07.08.2022 Алар тормышка гашыйк

Кушлавыч клубында “Мин тормышка гашыйк” дигән әдәби-музыкаль кичә үтте. Анда районыбызның өлкән яшьтәге талантлы шәхесләре катнашты.

Зур булмаган авылдагы кечкенә, иске генә клуб гөрләп тора. Озак еллардан бирле эшләгән атказанган мәдәният хезмәткәре Фәния Хәнәфиева турында тынгысыз җан дияргә була. Чираттагы ялда булуына карамастан, җәйге эш өстендә дә ул чара оештырып авылдашларының күңелләрен күрә. Кырык эшләрен кырык якка ташлап клубка очрашуга килгәннәр бит.

Эш өчен янып йөргән укытучылары бар 06.08.2022 Эш өчен янып йөргән укытучылары бар

1 сентябрьгә бер айдан кимрәк вакыт калып бара. Мәгариф учреждениеләре балаларны кабул итәргә әзерме?

Ел да яңа уку елы алдыннан аларның әзерлеген тикшерү максаты белән  махсус төзелгән комиссия мәктәпләр, балалар бакчаларын йөреп чыга. Быел ул 21 июльдән башланып китте.

Наласа авылында зур янгын булды. Ярдәм кирәк... 05.08.2022 Наласа авылында зур янгын булды. Ярдәм кирәк...

Безгә татарча көрәш буенча Татарстан һәм Россия чемпионы Илшат Һидиятов борчылып шалтыратты.

- Көрәшче Фаяз Зариповның туган авылы Наласадагы туган йорты янды, - дип сөйләде ул. - Зыян бик зур. Ярдәм оештырырга кирәк.

Татарстан һәм Россия чемпионы Фаяз Зариповны яхшы беләбез. Яхшы көрәшче. Күптән түгел Сабада үткәрелгән ярышта дөнья чемпионы булды. Ул хәзер гаиләсе белән Биектауда яши. Наласада әтисе (Айрат) белән әнисе (Резедә) яшәгән йорт янган. Фаяз туып-үскән йорт. Кичә булды бу хәл. Бик авыр хәлләр. Безнең халыкта баш исән булсын, барысы да булыр, диләр. Иң мөһиме - үзләре исән-сау. Хөрмәтле райондашлар, сайтны укучылар, янгыннан зыян күрүчеләргә ярдәм итәргә кирәк. Мөмкинлектән чыгып. Бер рәхмәт мең бәладан коткарыр, ди. Эшлик без яхшылыкны. 

Өч Пошалым – өч игезәк 04.08.2022 Өч Пошалым – өч игезәк

Бу авылларны исемнәре генә түгел, уртак җырлары да берләштерә.

Малай чакта ук әтинең: “Арчага барып Пошалымнардан чана алып кайтам әле”, – дигәне хәтердә. Кул чанасы турында сүз бара инде. Чөнки ул елларда аерым кешеләргә ат асрау тыелган иде. Шуңа олысы, кечесе җәен “уфалла” арбасы, кышын кул чаналары тартты. Рәхмәт пошалымнарга, алар авыл кешесенең авыр хезмәтен күпмедер дәрәҗәдә җиңеләйтте, ул чорда әлеге “техника”сы булмаган хуҗалык булмагандыр да.

Күңелләргә үтеп керсен иде 03.08.2022 Күңелләргә үтеп керсен иде

29 июльдә Арчада зур тантана булды – Габдулла Тукай исемендәге рухи-мәгърифәт үзәге ачылды.

Быел Татарстан Республикасы олуг бәйрәм – Идел буе Болгар дәүләтендә Ислам дине кабул ителүнең 1100 еллыгын билгеләп узды. 30 июль – Яңа 1444 һиҗри ел башланган көн, мөхәррәм аеның беренче көне. Менә шундый ике истәлекле бәйрәм көннәренә туры килде әлеге тантана. Ул Коръән Кәрим уку (Чирмешән районы имам-мөхтәсибе Рамил хәзрәт Ибраһимов) һәм дога кылу (Татарстан Республикасы Баш казые Җәлил хәзрәт Фазлыев) белән башланып китте. Татарстанның халык артисты Фердинант Фәтхи мөнәҗәт башкарды. Мәдәният хезмәткәрләре тарафыннан Идел буе Болгар дәүләтендә ислам динен кабул итүгә 1100 ел тулуга багышланган кереш өлеше аны тагын да тулыландырды.

“Кемнәр кайда яшәсә дә, без бит Орнашлар" 02.08.2022 “Кемнәр кайда яшәсә дә, без бит Орнашлар"

Орнаш авылына ул көнне олысы-кечесе, яше-карты җыелды. Урамда казан асып, шунда корбан чалып, пылау пешерделәр, очраштылар, сөйләштеләр, истәлекләре белән уртаклаштылар.

Арча районында андый авыл бармыни, диярсез. Юк ул. Арчадан 17 километр ераклыктагы юкка чыккан авыл. Бары бер йорт моңаеп калган. Эшмәкәр Ядкәр Мөхәммәдиев тырышлыгы белән, авыл халкының бердәмлеге нәтиҗәсендә ел да җәйнең иң матур бер көнендә авылдашлар очраша. 2006 елга кадәр сабантуе оештырганнар, соңгы вакытта корбан чалалар, авыл зиратында күмелгән якыннары рухына багышлап дога кылалар. Туганнары каберен шул авыл зиратында эзләп тапкан Абдулкадыйр хәзрәт тә ел да шушы көндә Әрнәшкә кайта.

Раушания Нуриева : "Балаларга да, өйдәге эшләргә дә вакыт җитми иде. Әмма чәчәкләрне үстердем..." 01.08.2022 Раушания Нуриева : "Балаларга да, өйдәге эшләргә дә вакыт җитми иде. Әмма чәчәкләрне үстердем..."

Ишегалдына килеп кергәч, чәчәкләрне күреп бермәл югалып калдым. Һәркем чәчәкләр ярата, әмма барысы да мондый матурлыкны тудыра алмый. Күпме хезмәт, тырышлык, түземлек, вакыт кирәк аңа.

Арчадан өлкән яшьтәге бер ханым шалтыратып: “Сез чәчәк үстерүчеләр турында язасыз, Булгар урамы, 14нче йортка да барып килегез әле”, – диде. Телефон номерларын да бирде. Шалтыраттым. Бер ханым алды, үзен Раушания Нуриева дип таныштырды. Йомышымны әйткәч, көлеп җибәрде. “Минем әнидер инде ул. Безгә килә дә, чәчәкләрне күреп исе китә”, – диде.

Шушмабаш мәктәбеннән өйрәнергә була 30.07.2022 Шушмабаш мәктәбеннән өйрәнергә була

Шушмабаш урта мәктәбе коллективы ның  “Сәяхәтләр көндәлеге”  2022 елның  унөченче июль көнендә тагын бер биткә калынайды.

Җылылыгы, дымы мулдан булган, табигате яшеллеккә чумган  чып – чын җиләкле җәй. Күбебезнең яраткан ел фасылының нәкь уртасы, искитмәле матур көннәре.

Арчада рухи-мәгърифәт үзәге ачылды 29.07.2022 Арчада рухи-мәгърифәт үзәге ачылды
Бүген Арчада зур тантана булды - Г.Тукай исемендәге рухи-мәгърифәт үзәге ачылды. Дәрәҗәле кунаклар кайткан иде. Бүген Арчада Г. Тукай исемендәге рухи-мәгърифәт үзәге ачылды. 
Тантанада район башлыгы Илшат Нуриев, Татарстан Республикасы мөфтиенең мөхтәсибәтләр белән эшләү буенча урынбасары Равил хәзрәт Зөфәров, Татарстан Республикасының баш казые Җәлил хәзрәт Фазлыев, Дәүләт-конфессиональ мөнәсәбәтләр бүлегенең баш киңәшчесе Альберт Дирзизов, Татарстан Республикасы Аксакаллар шурасы рәисе Айрат хәзрәт Әюпов катнашты.

Уракка төшәр алдыннан 28.07.2022 Уракка төшәр алдыннан

Район авыл хуҗалыгы һәм азык-төлек идарәсе җитәкчесе Ленар Абдуллин техниканы иң яхшы әзерләгән хуҗалыкларга бүләкләр тапшырды.

27 июльдә “Игенче” ширкәте базасында игеннәрне урып-җыюга әзерлек, алда торган бурычларга багышланган семинар-киңәшмә булды.

Шушмабаш урамнарында эш гөрли 27.07.2022 Шушмабаш урамнарында эш гөрли

Бу турыда Шушмабаш мәктәбе директоры Рәзилә Шәймәрдәнова хәбәр итә.

Жэй башыннан Шушмабаш урамнары кырмыска оясын хәтерләтә.  Урамнарга  асфальт  юллар һәм дә шәһәрләргә, зур бистәләргә генә хас булган җәяүлеләр өчен тротуар җәю эшләре бара. Авылыбыз өчен горурлык хисләре  куңелне ашкындыра. Олылар : “Хай, балалар, моны да күрер көннәр бар икән”,-  дип куанса, яшь буын: “Шәһәрдән  кай җиребез ким,”- дип шатлана. Мәктәп, шифаханә, сәүдә үзәкләре, социаль объектлар -  барсының да каршысында парковка мәйданчыклары асфальтан булу исәпкә алынган.

“Канатны канатка куеп яшәр кешең булсын ул...” 26.07.2022 “Канатны канатка куеп яшәр кешең булсын ул...”

Яңа Кырлайдан Зәкия һәм Мансур Шакировлар бриллиант туйларын билгеләп үттеләр. Бу уңайдан Арчаның ЗАГС бүлегендә тантаналы чара узды.

Кулга-кул тотынып музыка астында балалары, туганнары, күршеләре, якыннары яныннан түргә үткәндә дә, алар турында матур сүзләр әйткәндә дә Мансур абыйның күзеннән яшь китмәде. “Шундый йомшак күңелле инде мин”, – диде ул сүз биргәч тә әйтә алмыйча урынына утырып һәм өмет белән хатыны Зәкиягә карап. Икесе дә шундый мөлаемнар, тыйнаклар. Бер мизгелдә күзләренә карап алып та бер-берсенең нәрсә әйтергә, эшләргә теләвен аңлап алалар. Алтмыш ел бергә – аз гомер түгел шул.

Балачак хатирәләре күңелгә сеңеп кала 25.07.2022 Балачак хатирәләре күңелгә сеңеп кала

Мирҗәм авылында тау астында, елга буенда, табигатьнең бик матур урынында балалар җыены гөрләп узды.

Нәкъ Корбан гаете көненә туры килде ул. Авыл халкы өчен икеләтә бәйрәм булды.

Бу авылның үзенә генә хас матур гореф-гадәтләре бар. Килен булып төшкән елларда аптырый да идем әле. Кечкенә генә авыл, ничек матур көн күрә! Бәйрәмнәр булса, кечкенә генә клуб яны шау итеп тора. Олысы-кечесе шунда җыела. Концертлар, кичәләр булса, ул клуб эче шыплап тула. Чын күңелдән бирелеп, уч төпләре арганчы алкышлап утырган тамашачы тагын кайда бар икән? Авыл яшьләре җыелып чишмә буенда да бәйрәм итәләр.

Эстрада йолдызлары балаларга шатлык бүләк итте 24.07.2022 Эстрада йолдызлары балаларга шатлык бүләк итте

“Өмет чаткысы” балаларны тернәкләндерү үзәгендә тәрбияләнүчеләр өчен ул көнне гади генә түгел, ә “йолдызлар яңгыры” яуды.

14 июнь көнне балалар белән очрашырга Казаннан бер төркем артистлар килде. Алар куйган концерт ике сәгать ярым барды. Балалар чыгышларны тын да алмый карады, артистларга кушылып җырлады, алкышларга күмде.

Беркөнне безгә “Өмет чаткысы” балаларны тернәкләндерү үзәгендә хезмәт белгече булып эшләүче Гөлнара Сәлихҗанова шалтыратты.

Амбардагысы икмәк 23.07.2022 Амбардагысы икмәк

Ә иң зур амбарлар – элеваторда. Басуда үстерелгән мул уңышның шактый өлеше шунда китереләчәк.

Анда бит әле башка районнарныкы да килә. “Арча районы хуҗалыкларыннан китерелгән ашлыкны кабул итүдә бернинди тоткарлыклар  булмаячак”, – ди директор Ләйсән Әһлиуллина.

Килегез, ял итегез, рәхәтләнеп күңел ачыгыз! 23.07.2022 Килегез, ял итегез, рәхәтләнеп күңел ачыгыз!

Узган җомгада “Казансу” паркында “Кичке уен” дип исемләнгән ачык җәйге күңел ачу кичәсе булды

Бу шундый форматта үткәрелгән беренче чара гына түгел. 1 июльдән башлап җомга саен оештырыла ул. Һәр авыл җирлеге үзешчәннәре катнаша, арчалар алдында чыгыш ясый. Һәм “Кичке уен”нар 26 августка кадәр дәвам итәчәк.

Һәр җомга. Кичке 7дә башлана, ике сәгать дәвам итә. Җырлы-биюле уеннарда катнашып, күңелле итеп ял итәсе килгәннәр өчен мөмкинлек бар әле.

Сабада медиасабантуй узды 22.07.2022 Сабада медиасабантуй узды

15 июльдә булды ул. Анда без дә – “ТАТМЕДИА” акционерлык җәмгыяте филиалы “Арск-информ” – “Арча хәбәрләре” газетасы һәм “Арча” радиосы хезмәткәрләре дә бәйрәм иттек.

Төнлә яңгыр яуды. Иртән дә көн болытлы иде. Өстән яңгыр явып торырга ошаган, өскә, аякка нәрсә кияргә икән, дип икеләндек.

Ташкичүдә «Сөлгеле капка» фольклор фестивале узды 21.07.2022 Ташкичүдә «Сөлгеле капка» фольклор фестивале узды
Арча районы Ташкичү авылында "Сөлгеле капка" фольклор фестивале узды. Фестиваль татар традицион мәдәниятен саклау, районыбыз халкына фольклор иҗаты чыганакларын, халкыбызның бай халык авыз иҗатын, рухи мирасын ирештерү, онытыла барган борынгы йолаларны, халык җыр-биюләрен саклап калу һәм киләчәк буыннарга җиткерү, катнашучы коллективларга иҗади тәҗрибә уртаклашу максатында уздырылган. ("Татар-информ")

Республикада аларга тиңнәр юк! 20.07.2022 Республикада аларга тиңнәр юк!
19 июльдә район башлыгы Илшат Нуриев республика бәйгесендә җиңү яулаган “Игенче” ширкәте ясалма орлыкландыру технологы Булат Гарәпшин белән Түбән Аты ветеринария участогы мөдире Фидәрис Фәйзрахмановка Рәхмәт хатлары, бүләкләр тапшырды.

Югары Пошалымга җырчылар Рөстәм Закиров, аның җәмәгате Люция ханым һәм Резедә Шәрәфиева кайтты 19.07.2022 Югары Пошалымга җырчылар Рөстәм Закиров, аның җәмәгате Люция ханым һәм Резедә Шәрәфиева кайтты

Чөнки Югары Пошалымда кичке авыл бәйрәме булды. Бу турыда безгә Гөлгенә Гыйниятова хәбәр итте.

Бәйрәмне клуб җитәкчесе Илдус Саттаров оештыра. Әтнәдә яшәүче авылдашлары Рамил Шәрәфиев бәйрәмне алып бара. "Бик күңелле булды, - дип сөйли Гөлгенә Гыйниятова. - Бөтен авыл халкы рәхәтләнеп ял итте. Коймаклар, шашлыклар пешеп, чәй кайнап торды. Казаннан мөхтәрәм артистлар Рөстәм Закиров, аның хатыны Люция һәм Резедә Шәрәфиева кайтты. Үзебезнең үзешчәннәр дә бик матур чыгыш ясадылар. Бөтен авыл халкы оештыручыларга рәхмәт әйтте. Киләсе очрашуларга кадәр!".

Питрау бәйрәмендәге ат ярышында Арча егете Рамил Рәхмәтуллин икенче урынны яулаган 19.07.2022 Питрау бәйрәмендәге ат ярышында Арча егете Рамил Рәхмәтуллин икенче урынны яулаган

Мамадыш районының Җөри авылындагы «Тырлау» аланында «Питрау» керәшен мәдәнияте бәйрәме узды

Әлеге бәйрәмдә Арча егете Рамил Рәхмәтуллин үзенең аты белән икенче булып килгән. Бу Рамилнең быел бишенче җиңүе. Котлыйбыз. Бүләкләрне дә муллан биргәннәр. Атчылар шуңа да канәгать.

Бөтенроссия мөселман балалары Сабан туенда Арча егете скутер белән бүләкләнгән 18.07.2022 Бөтенроссия мөселман балалары Сабан туенда Арча егете скутер белән бүләкләнгән
Балтач райнонының Бөрбаш авылында чираттагы Бөтенроссия мөселман балалары арасында Сабан туе узды. Бу юлы да төп мәйдан булып, мөгаен, көрәш мәйданы торгандыр. Балаларны, яшьләрне тарта бирегә Бөрбаш мәйданы. ("Шәһри Казан")

Бер очрашу – бер гомер 17.07.2022 Бер очрашу – бер гомер
Аларны дуслар – полкташлар, дип атасаң да ялгыш булмас. Сүзем Дәүләт автомобиль инспекциясе (элек ул шулай гади генә итеп атала иде) ветераннары турында. Һәр елны, июль аеның беренче якшәмбесендә һөнәри бәйрәмнәрен бергә җыелып, истә калырлык итеп билгеләп үтә алар.

Арча районыннан А.Сәләхов аты "Мисс Татарстан - 2022" призын отты 16.07.2022 Арча районыннан А.Сәләхов аты "Мисс Татарстан - 2022" призын отты
15 июльдә Казан ипподромында "Мисс Татарстана" призына ат ярышлары булды. Ярышта Арча районыннан "А.Сәләхов" фермер хуҗалыгы атына (Сарагоса Мун) тиңнәр булмады. Төп приз аңа эләкте. Тренеры Анатолий Александров. Җайдагы Николай Ухванов. Котлыйбыз!

“Ак барс” агрокомплексы” ширкәте үрнәк итеп куярлык 15.07.2022 “Ак барс” агрокомплексы” ширкәте үрнәк итеп куярлык

Яхшы агрономны көндез чыра яндырып эзләсәң дә табуы кыен, дип әйтәләр. Бу һәр өлкәдә шулайдыр инде, чөнки яхшы белгечтән башка ниндидер үсеш, алга китү турында сүз алып баруы кыен.

Бу яктан “Ак барс” агрокомплексы” ширкәте үрнәк итеп куярлык. Монда иң беренче чиратта җитәкчесе Шәйдулла Сәләховның роле зур. Бу хуҗалыкны кадрлар әзерләү мәктәбе, дип әйтсәк тә ялгыш булмас. Биредә чыныгу алган күпме белгеч район, хәтта республика күләмендә җаваплы урыннарда эшли.

Сабада журналистларның Сабантуе узды 15.07.2022 Сабада журналистларның Сабантуе узды

"Арча хәбәрләре" район газетасы һәм радиосы хезмәткәрләре дә рәхәтләнеп бәйрәм итте.

Бүген булды ул. Яңгыр әледән әле килеп явып китсә дә зыяны булмады. Чөнки Сабаның бик уңайлы сабантуе үткәрә торган урыны бар. Ышыкланырга мөмкинлек иркен.

Җәяүле сәяхәт 14.07.2022 Җәяүле сәяхәт
Ислам динен кабул итүнең 1100 еллыгы уңаеннан олуг мәгърифәтче Шәмсетдин Күлтәси, галим Рәхим Мөбәрәкшиннар туган һәм яшәгән Күлтәс авылындагы истәлекле урыннарда экскурсия, Әби патша юлы, Казансу елгасы башланган урыннар буенча җәяүле сәяхәт оештырдык.

Ирек хәзрәт Галиев: "Балалар тавышы ишетелеп тормаган мәчетнең киләчәге юк!" 13.07.2022 Ирек хәзрәт Галиев: "Балалар тавышы ишетелеп тормаган мәчетнең киләчәге юк!"
Зөлхиҗҗә аеның аеруча өстенлеккә ия беренче ун көнендә Яңа Кенәр мәчете каршында балалар өчен бәйрәм оештырылды. Мөселманнарның ураза тотарга, күбрәк дога укырга, игелекле эшләр кылырга тырышкан бу көннәрендә узган әлеге матур бәйрәм авыл балаларын Аллаһ йорты каршына җыйды.
https://www.youtube.com/watch?v=hHvnSczPGvM

Тиздән – урак өсте! 12.07.2022 Тиздән – урак өсте!

Вакыт тиз уза. Әле кайчан гына язгы чәчүне тәмамлаган идек, инде менә урып-җыю якынлаша.

Татарстан Республикасы авыл хуҗалыгы һәм азык-төлек министры урынбасары Рафаэль Фәттахов, район башлыгы Илшат Нуриев катнашында хуҗалыкларның урып-җыюга әзерлеген кабул итү башланды. Комиссия “Яңарыш”, “Курса МТСы”, “Заря”, “Северный”, “Кырлай” ширкәтләрендә, Арча элеваторында булды.

Чемпионнарны район башлыгы кабул итте 11.07.2022 Чемпионнарны район башлыгы кабул итте
Яңа Кенәр мәктәбенең регби тренеры Рәмис Хәйруллин: “Ярышларда катнашып торабыз, – дип сөйләде. – Районда 1нче, республикада 2нче урын алдык. Безнең мәктәптән Мәскәүгә ярышка Арча командасы составында ике укучы – Артем Карпов һәм Айдар Галимов барды. Командада барысы 8 бала”.

Олы тормышка – кызыл диплом белән! 10.07.2022 Олы тормышка – кызыл диплом белән!

Кабул ителгән традиция буенча Арча агросәнәгать һөнәри көллиятендә 1 июль – дипломнар тапшыру көне.

Быел да шулай булды.  Мәдәният йортына укуны тәмамлаган студентлар, аларның әти-әниләре, укытучылар, кунаклар җыйналды.

Арча районы авыл хуҗалыгы һәм азык-төлек идарәсенә яңа җитәкче сайланды 09.07.2022 Арча районы авыл хуҗалыгы һәм азык-төлек идарәсенә яңа җитәкче сайланды

Арча районы авыл хуҗалыгы һәм азык-төлек идарәсе җитәкчесе итеп Абдуллин Ленар Илсур улы билгеләнде.

Абдуллин Ленар Илсур улы 1985 елда Арча районының Урта Курса авылында туган, югары белемле, 2007 елда Казан дәүләт технология университетын кызыл дипломга тәмамлаган. Ул хезмәт юлын “Ак барс Агро” ширкәтендә баш икътисадчы ярдәмчесе булып башлый. 2011 елда баш икътисадчы итеп билгеләнә, 2016 елдан район авыл хуҗалыгы һәм азык-төлек идарәсендә өлкән белгеч, 2018 елдан район башкарма комитетының икътисад бүлеге җитәкчесе. 2019 елдан район авыл хуҗалыгы һәм азык-төлек идарәсе җитәкчесе урынбасары булып эшләде.

Шәүкәт Зәйнуллинга 90 яшь тулды 08.07.2022 Шәүкәт Зәйнуллинга 90 яшь тулды
Районда җаваплы урыннарда эшләгән Зәйнуллин Шәүкәт Сибагәт улына 90 яшь тулды. Район авыл хуҗалыгы һәм азык-төлек идарәсенең бүлек җитәкчесе Раил Шакирҗанов юбилярга авыл хуҗалыгы һәм азык-төлек идарәсенең Рәхмәт хатын, бүләк тапшырды.

Арча стадионында гаиләләр ярышты 07.07.2022 Арча стадионында гаиләләр ярышты
Арча стадионында гаиләләр белән матур чара үтте. Кичке сәгать 6да башланды ул. Район социаль яклау идарәсе, китапханә, яшьләр бүлеге оештырды аны. Гаиләләр Арчаның 6нчы мәктәбеннән килделәр. Әти-әниләр балалары белән төрле кызыклы ярышларды катнаштылар. "Форпост" командасы да бар иде. Ахырдан гаиләләргә Мактау грамоталары, истәлекле бүләкләр бирделәр.

Илфат Фәйзрахманов: "Кечкенәдән табиб булырга хыялландым" 07.07.2022 Илфат Фәйзрахманов: "Кечкенәдән табиб булырга хыялландым"
 “Алтын каләм” матбугат фестивалендә катнашкан яшь каләм тибрәтүчеләр танылган журналист, якташыбыз Илфат Фәйзрахманов һәм "Интертат" электрон газетасы хәбәрчесе Ләйлә Хәкимова белән түгәрәк өстәл артында сөйләштеләр. Очрашу барышында  кызыклы сораулар бирелде, төпле фикерләр әйтелде, осталык дәресе һәм мавыктыргыч биремнәр  башкардылар.

“Карап тормый ара еракка, дуслар килә безгә кунакка” 06.07.2022 “Карап тормый ара еракка, дуслар килә безгә кунакка”
Ташкичүгә Казанның Тынычлык бистәсе Мәдәният йортының “Җәүһәр” фольклор ансамбле, “Казан татарлары” клубы әгьзалары, Илдус авылыннан “Зөбәрҗәт” фольклор триосы килде.

“Бу очрашу кичәсе тәжрибә уртаклашу, халкыбызның элеккеге гореф-гадәтләрен саклау максатыннан оештырылды. Кунакларны кара-каршы җырлашып каршы алдык, Мәрҗани музеена алып бардык, татар халкының милли ризыклары белән сыйладык. Ә зур концерттан соң үзебезнең матур чишмәләребезгә сәяхәт кылдык”, – диделәр Ташкичү мәдәният йорты җитәкчесе Гөлфия Мәгъсумова һәм сәнгать җитәкчесе Тәнзилә Вәлиева.

Сәйдәгә ярдәм кирәк! 06.07.2022 Сәйдәгә ярдәм кирәк!

Арчада һәм Әлмәттә яңа креатив киңлекләр булдыру планлаштырыла 05.07.2022 Арчада һәм Әлмәттә яңа креатив киңлекләр булдыру планлаштырыла
Татарстанда креатив киңлекләр ясау буенча ике проект эшләнә. Аларның берсе Арчада булачак – монда традицион күн промыселы булдыру планлаштырыла. Ә Әлмәттә анимация һәм музыка мәдәнияте белән бәйле мәйданчык ясау күздә тотыла.

Бу хакта ТАСС агентлыгына биргән интервьюда республиканың мәдәният министры Ирада Әюпова сөйләде.

Иң осталар ярышты 05.07.2022 Иң осталар ярышты
5 июльдә “Курса МТСы” ширкәте базасында район сыер савучылары һәм ясалма орлыкландыру технологларының конкурсы үтте.

Ясалма орлыкландыру технологлары арасында беренче урынны “Казанка” ширкәтеннән Васил Низаметдинов яулады.

Җәяүле сәяхәт 05.07.2022 Җәяүле сәяхәт
Ислам динен кабул итүнең 1100 еллыгы уңаеннан олуг мәгърифәтче Шәмсетдин Күлтәси, галим Рәхим Мөбәрәкшиннар туган һәм яшәгән Күлтәс авылындагы истәлекле урыннарда экскурсия, Әби патша юлы, Казансу елгасы башланган урыннар буенча җәяүле сәяхәт оештырдык.

Дөньяда Татар кызы дигән горурлык бар! 04.07.2022 Дөньяда Татар кызы дигән горурлык бар!

Зиннур Хөсниярның “Хур кызлары” романы әнә шул җөмлә – фикер белән тәмамлана. Укыйсы киләме, килә, билгеле. Нинди татар кызы? Нинди горурлык ул?

Укырга кирәк бу китапны. Зиннур Хөсниярның әйтәсе килгән фикере бар, аның безне тәрбиялисе, милләтне саклыйсы килә. Булышыйк без авторга. Нияте изге...

Шурабаш мәчетендә яңа эшләр башланды 04.07.2022 Шурабаш мәчетендә яңа эшләр башланды
Райондашыбыз Таһир Әскәров фотолар җибәрде

"Шурабаш авылы мәчетенә газ, су, канализация кертелә. Аллаһка тапшырып тотындык",- дип язган ул фотолар астына


Новости 1 - 100 из 2875
Страницы: