События

Барысы да бүләк алды

20 декабрьдә Казанбаш мәктәбе базасында районның волейбол федерациясе призына ярышлар үткәрелде. Бәйгедә 2001 елда туган һәм аннан яшьрәк кызлар катнашты.

Спортчыларны федерация җитәкчесе Рафаэль Муллагалиев, мәгариф идарәсе җитәкчесе Зөлфәт Дәүләтбаев, мәктәп директоры Рамил Мөхәммәдияров тәбрикләде.

Кызыклы ярышта Яңа Кенәр лицее командасы беренчелекне яулады, Лесхоз мәктәбе — икенче, Курса–Почмак мәктәбе — өченче урында.

Ярышта катнашкан һәркем бүләк алды.

Арча Хәбәрләре