События

27.03.2018 Яңа Кенәрдә балыкчылар ярышы булды
Шимбә көн булды ул. Ярый әле бардык, дидек. Балыкчылар дөньясын без аңлап бетермибез икән. Алар балык кына тотып утырмый икән…

26.03.2018 Наласада — Нәүрүз бәйрәме
Кичә Наласада кышны озату, язны каршы алу — Нәүрүз бәйрәме үтте. Олысы, кечесе  рәхәтләнеп ял итте. Аеруча балаларга күңелле булды. Соңыннан карга боткасыннан авыз иттеләр. Карачкы да яндырдылар.

25.03.2018 Арча районының “Кызыл китабы”на кергән табигый һәйкәлләре турында сөйләделәр
22 март – Бөтендөнья су ресурслары көне уңаеннан Арча үзәк китапханәсендә 2 нче номерлы мәктәпнең 9 нчы сыйныф укучылары өчен «Су – тормыш һәм сәламәтлек чыганагы» исемле экологик дәрес узды. Укучылар белән очрашуга Татарстан Республикасының биологик ресурслар дәүләт комитетына караган “Ашыт” дәүләт табигать тыюлыгы хезмәткәрләре Абдрахманова Г.И. һәм Әхмәтҗанов Р.З. чакырылды.

24.03.2018 «Кар мотоциклын кызык өчен ясадым»
Арча районы Наласа авылында яшәүче Фоат Гарипов, “Урал”ын үзгәртеп, менә шундый кар мотоциклы ясаган. Күптәнге хыялын тормышка ашыру өчен, аңа ике ай чамасы тимер-томыр арасында казынырга туры килгән.

23.03.2018 Айван авылыннан абыйлы-энеле Исхак һәм Исмәгыйль Минхәировлар 3 гектар мәйданда кыяр үстерә!
Абыйлы-энеле Исхак һәм Исмәгыйль Минхәировлар районда иң беренчеләрдән булып эшмәкәрлекне башлап җибәрүчеләр. Айван басуында буш урында үзе бер шәһәрчек - 3 гектар мәйданда теплица. Биредә эшләүче хезмәткәрләр өчен йорт, гараж төзегәннәр. Узган ел 1 гектардан 170 тонна кыяр үстереп саткан алар.

22.03.2018 Буыннар чылбыры өзелмәсен, үткәннәр онытылмасын!
Бу  дөньяда  яшәүче  һәркем  үзенең  гаиләсенең,белем  биргән  мәктәбенең,туган  һәм  яшәгән  җиренең  тарихын,тамырларын  һәм  туганнарын  белергә   тиеш.

21.03.2018 Арча сәнгать мәктәбе укучылары «Дулкыннар»дан бүләкләр белән кайтты
14-16 мартта Казан шәһәрендә «Идел» яшьләр үзәге тарафыннан оештырылган, татар халкының мәшһүр җырчысы Әлфия Авзалованың тууына 85 ел тулуга багышланган «Дулкыннар» Республика бәйгесе булып узды.

20.03.2018 Булат — Россия чемпионы!
Казанда көрәш буенча Россия беренчелеге тәмамланды.Бу ярышларда Татарстан данын яклап «Арча» спорт мәктәбендә шөгыльләнүче егетләр дә бил алышты. Моңа кадәр алар Татарстан беренчелегендә үз үлчәү авырлыкларында 1 нче урынны яулаган иделәр. 2002-2003 нче елгы егетләр арасында 75 кг га кадәрге үлчәү авырлыгында Урта Курса мәктәбе укучысы Нурисламов Раниф чемпион булды (тренеры Ахмадеев Марат Гусманович).

18.03.2018 Ләкләкләр китмәгән дә
Арча шәһәрендә яшәүче Әхмәт Хәкимҗановның ләкләкләре турында узган ел район газетасында язган идек инде. Бу юлы ул “кышкы бакчага” чакырды.

17.03.2018 Арчалыларны Нәүрүз бәйрәменә чакырабыз!
Иртәгә, 18 март көнне Арчаның Җиңү паркында Нәүрүз бәйрәме уза. Бәйрәм чарасында арчалылар өчен кышны озату — язны каршы алуга бәйле йолалар тәкъдим ителәчәк. Шулай ук программада җыр-бию, уен-көлке, спорт уеннары була һәм һәр кунак карга боткасыннан авыз итәчәк.

16.03.2018 Сорнар китапханәсендә күңелле очрашу узды
Элек тə əнилəребез, əбилəребез, буй җиткəн кызлар бергə җыелып кич утырганнар.

Бу кичлəрдə алар тегү-чигү, бəйлəү кебек кул эшлəре тотып кына калмаганнар. Халкыбызның матур җырларын көйлəгəннəр, бəетлəр чыгарганнар, хəл-əхвəл белешкəннəр. Шулай кайгы — шатлыкларын бүлешеп, моң-зарларын түгеп, бер-берсенэ терəк булганнар. Самовардан мəтрүшкəле хуш исле чəй, тəмле бəлеш кич утыруларны тагын да ямьлəндергəн.

15.03.2018 Арча батырларын олылады
14 мартта Арчада хезмәт алдынгылары слеты булды. Анда Татарстан Республикасы Премьер–министры урынбасары, авыл хуҗалыгы һәм азык–төлек министры Марат Әхмәтов, Россия Федерациясе Дәүләт Думасы депутаты Илдар Гыйльметдинов һ.б. катнашты.

14.03.2018 Якташыбыз Сабиров Рөстәм Наил улын юбилее белән котлыйбыз!
Сегодня отмечает свой 60-летний юбилей Генеральный директор ОАО "Холдинговая компания "Татнефтепродукт", депутат Государственного Совета РТ пятого созыва Рустам Наилович Сабиров!

14.03.2018 Арча кызлары «Арча гүзәле» исеме өчен көч сынашты
7 мартта Арчаның Мәдәният йортында «Арча гүзәле 2018» исеме өчен бәйге узды. Районыбызның һәм шәһәребезнең берсеннән-берсе чибәр 7 кызы шушы исем өчен көч сынашты.

13.03.2018 Якташыбыз Зөлфия Мансур китабын тәкъдим итү кичәсе узды
Казанда урнашкан Халыклар Дуслыгы йортында Зөлфия Мансур китабының презентациясе узды. 5 кызлы йорт дигән бренд эстрадабызда ныклы урын алды. Берсеннән-берсе чибәр кызларның анасы Зөлфия Мансурның "Мин көтәрмен, тик син... ашыкма" дигән яңа китабын зурлап тәкъдим иттеләр

12.03.2018 Арча якташлыгы зур концерт–тамашага чакыра!
Арча якташлыгы 6 нчы апрель көнне Кәрим Тинчурин исемендәге татар дәүләт драма һәм комедия театрында "Арчалылар кыздыра" дип исемләнгән зур концерт–тамаша оештыра. Бары бер генә көн!

11.03.2018 «Без бергә» зур гаилә ярышында курса почмаклар җиңде
Арчада ГТО нормаларын тапшыру буенча зур гаилә ярышлары булды. Анда район мәктәпләреннән 16 гаилә катнашты. Беренче урынны Курса Почмактан Шиһаповлар гаиләсе яулады. Икенче урында Яңа Кенәрдән Корбангалиевлар, өченче урында Яңасаладан (җиденче мәктәп) Сафиннар гаиләсе..

11.03.2018 Субаш Атыда хоккей турниры
11 нче мартта Субаш Атыда хоккей турниры узды. Анда хуҗалардан тыш, Яңа Иябаш, Түбән Аты, Утар Аты командалары катнашты. Зур булмаган әлеге авылда боз мәйданчыгы бушап тормый.Бу авыл командасы районда үткәрелгән ярышларда актив катнашып килә. Бу юлы үзләренә кунакка чакырганнар. Уенчылар өчен кайнар чәй дә әзер, күңелле көйләр дә уйнап тора. Авыл өчен менә дигән бәйрәм оештырган егетләр.

10.03.2018 Якташыбыз Фәрдия Сәфәргалиева иҗаты
Сәфәргалиева (Фәйзрахманова) Фәрдия Фәтхрахман кызы 1953 елның 10 мартында районыбызның Урта Бирәзә авылынды туа.

09.03.2018 Арча егетләре хәрби фестивальдә җиңеп кайтты
1 нче февраль көнне Казанда Татарстан беренчелегенә “Җиңү парады” проекты кысаларында хәрби-фестиваь уздырылды.

Бу ярышларда Арча районы данын педагогия көллияте студенлары Илназ Яруллин, Ранис Хакимов, Булат Сафин яклап чыгыш ясадылар. Ярышлар уздырылган 11 төр буенча да егетләребез призлы урыннарны биләделәр һәм гомум команда беренчелегендә җиңү яуладылар.

08.03.2018 Арчадан Фаяз Зарипов республика чемпионы булды
2-3 мартта Биектау районында билбау көрәше буенча республика беренчелеге узды. Ярышта 18-20 яшьлек егетләр көч сынашты. Әлеге бәйгедә Наласа егете Фаяз Зарипов көндәшен зур өстенлек белән отып, 90 кг үлчәүдә республика чемпионы исеменә лаек булды. Ул Россия чемпионатында катнашу хокукын да яулады. Фаязны зур җиңүе белән тәбрик итәбез!

07.03.2018 Арча районы көрәшчеләре Россия беренчелегендә катнашырга юллама алды
28 февральдән 2 мартка кадәр Мамадыш районының Түбән Ошма авылы спорткомплексында 17-18 яшьлек егетләр арасында «Татарстан яшьләре» газетасы призына Татарстан беренчелеге булды. Бил алышырга барлык Татарстаннан 41 команда составында 300 ләп көрәшче җыелган иде.

06.03.2018 Арчаның “Нур” телерадиостудиясе төшергән фильм алтын медальгә лаек булды
Арча  Укучылар  сарае каршында эшләп килгән “Нур” балалар  телерадиостудиясе  Дамир  Таҗиев  җитәкчелегендә  Киров  шәһәрендә  булып  кайтты.  Анда  алар  XV  Бөтенроссия  кыска  метражлы  фильмнар  фестивалендә  катнашты.

  

06.03.2018 Арча укытучылары семинарда язучы Рәфикъ Юнысның иҗаты белән якыннан танышты
Кәче төп гомуми белем мәктәбендә “Татар теле һәм әдәбияты дәресләрендә коммуникатив универсаль уку гамәлләрен камилләштерү” темасына район туган тел һәм әдәбияты укытучыларының семинары узды.

06.03.2018 Арча үзәк китапханәсендә Шиһабетдин Мәрҗанине искә алуга багышланган тарихи кичә узды
28 февральдә Арча үзәк китапханәсендә Г.Тукай исемендәге педагогия көллияте студентлары өчен якташыбыз, күренекле галим, тарихчы, фәлсәфәче, мәгърифәтче Шиһабетдин Баһаветдин улы Мәрҗанинең тууына 200 ел тулу уңаеннан “Шиһабетдин Мәрҗани: бөеклеккә юл” исемле тарихи кичә узды.

05.03.2018 Арчада кыяр өлгерде
Районда эшмәкәрлекне башлап җибәрүчеләрнең берсе Исхак Минхәиров менә җиде ел инде теплицада кыяр үстерү белән шөгыльләнә. Узган ел 360 тонна кыяр  җыеп алдылар. 2016 елда йөз тоннага артыграк булган.

04.03.2018 Арчада себерке тоттырып, кода–кодагыйны мунчага озаттылар
– Күп бәйрәмнәрдә коткаручы коллектив ул. Сокланабыз аларга, – диде Арча мәдәният идарәсе җитәкчесе Рамил Мөхетдинов. – Алар күрсәткән гореф–гадәтләрне мәктәп балаларына дәрес итеп бирергә дә була.

03.03.2018 Арчада шахмат ярышы бара

Бүген “Ладья” шахмат клубында предприятие, оешма, учреждениеләр командалары арасында шахмат ярышы башланды. Командада 2 ир–егет, 1 хатын–кыз көч сынаша

02.03.2018 Тукай премиясенә быелгы кандидатлар исемлеге билгеле булды, араларында якташларыбыз да бар!
Быел Г.Тукай премиясенә өч язучы, өч рәссам, бер театр коллективы, бер акционерлык җәмгыяте һәм танылган коллекционер Абдулла Дубин дәгъва итә.

01.03.2018 Якташ язучыбыз Рәфикъ Юнысны туган көне белән котлыйбыз!

Шагыйрь, журналист һәм публицист Рәфикъ Юныс (Рәфикъ Юныс улы Юнысов) 1943 елның 1 мартында Татарстанның Арча районы Кәче авылында крәстиян гаиләсендә туа. Кәчедә – җиде сыйныф, Арчада урта мәктәпне тәмамлагач, ике елга якын туган авылы колхозында төрле эшләрдә эшли, биш ай чамасы Казанда төзелештә була. 1962–1965 елларда ул армиядә – стратегик ракета гаскәрләре составында хезмәт итә.

28.02.2018 “Мөндеш Аренада” хоккей ярышы
Мөндеш авылында боз шугалагы кыш башында сафка басты.

Авыл халкыннан акчалата ярдәм, “Гарипов КФХ”  техника һәм төзелеш материаллары, Төһватуллин оешмасы төзелеш материаллары белән, шулай ук шәһси эшмэкэрлэр Ильшат Эсхәдуллин, Рөстәм Хөсәинов, Таһир Шәмсетдинов тарафыннан да акчалата ярдәм күрсәтелеп, авыл халкы көче белән тормышка ашырылды.

27.02.2018 Казанда якташларыбыз Фәрит Хатыйпов һәм Рабига Сибгатуллинаның иҗат кичәсе узды
К.Тинчурин исемендәге театр бинасында Татарстанның халык артистлары Фәрит Хатыйпов һәм Рабига Сибгатуллинаның иҗат кичәсе булып узды.

25.02.2018 Арчаның «Ятаган» ансамбле II дәрәҗә лауреат исеме алып кайтты
25 февральдә Киров өлкәсенең Малмыж шәһәрендә Россия Федерациясенең Атказанган мәдәният хезмәткәре Сахар С.Б. исемендәге XIII «Йолдызлык» Төбәкара фестиваль-бәйгесе узды.

24.02.2018 Мөрәле һәм Сеҗе балалары шагыйрә белән очрашты
Кышкы салкыннарда да күңелне җылытып, иркәләп торучы кадерле истәлекләр була. Арча районының Мөрәле балалары һәм Сеҗе авылы мәктәбе укучылары да дулкынландыргыч матур хисләр белән яшиләр бу көннәрдә. Абдулла Алиш исемендәге премия лауреаты, “Бәллүр каләм” иясе, Татарстанның атказанган сәнгать эшлеклесе, балалар шагыйрәсе Йолдыз Әдип кызы Шәрапова шундый тылсымлы очрашу бүләк итте үзләренә.

23.02.2018 Ватанны саклаучылар көне белән!
Хөрмәтле якташлар! Сезне Ватанны саклаучылар көне белән чын күңелемнән котлыйм!

22.02.2018 Арчага Фәрит Мөхәммәтшин килде
21 февральдә Татарстан Республикасы Дәүләт Советы Рәисе Фәрит Мөхәммәтшин Арча районында булды. Аны муниципаль район башлыгы Илшат Нуриев каршы алды.

22.02.2018 Алар бар да җиңүче
Район буйлап “хәрәкәт” иткән “Ир солтаны” бәйгесе ахырына якынлашты. Соңгысы узган атнада Арча станциясендәге күпфункцияле үзәктә үтте. Анда Иске Чүриле, Яңасала, Арча станциясе, Күпербаш, Айван, Кәчедән чын ир солтаннары булган ир-егетләр “бил алышты”.

21.02.2018 Арчаның “Сөембикә гөлләре” бию коллективы халыкара фестивальдән гран-при яулап кайтты
2018 елның 18 февралендә Казанда “Адмирал йолдызы 2018” иҗади проекты кысаларында балалар ,яшьләр һәм өлкәннәрнең иҗади коллективлары һәм “Vivat-Kazan” башкаручыларының халыкара фестивале булып узды. Бию номинациясендә гран-прига һәм 1 дәрәҗә лауреат исеменә безнең йолдызчыкларыбыз — Гыйлаҗиева Илхамия Мөбәрәк кызы җитәкчелегендәге “Сөембикә гөлләре” коллективы лаек булды.

20.02.2018 Урта Бирәзә клублы булачак
Республика программасы нигезендә төзелүче 50 урынга исәпләнгән клуб була бу, – диде Наласа авыл җирлеге башлыгы Илфира Шакирова. – Ул быелга программага кертелергә тиеш булмаган. Планлаштырылуы һәм төзелә башлавы белән без, беренче чиратта, авылдашыбыз, Татарстанның халык артисты Айдар Фәйзрахмановка рәхмәтле.

19.02.2018 Урта Курса мәктәбеннән Рәниф — көрәш буенча чемпион!
15-17 нче февраль көннәрендә Алабуга шәһәрендә 2002-2003, 2004-2005 нче елгы егетләр арасында Татарстан беренчелегенә көрәш буенча ярышлар узды. Бу ярышларда Арча районы командасы да катнашты.

18.02.2018 Рөстәм Галиуллин туган мәктәбенә кунакка кайтты
16 нчы февраль көнне Наласа урта мәктәбендә язучы, Муса Җәлил исемендәге Республика премиясе лауреаты , “Казан утлары” журналы баш мөхәррире Рөстәм Галиуллин белән очрашу үткәрелде.

17.02.2018 Арчада район башлыгы кубогына хоккей турниры узды
Бүген, 17 нче февраль көнне «Арча» Боз сараенда район башлыгы призына хоккей буенча ярышлар узды. Чемпион дип Тайд-Фойл командасы табылды.

16.02.2018 Ир солтаннары ярышу өчен күпфункцияле үзәккә җыелды
Кичә Арча станциясендәге күпфункцияле үзәктә Айван, Арча станциясе, Кәче, Күпербаш, Яңасала, Иске Чуриле авылларында яшәүче ир солтаннары ярышты. Бу авыл җирлекләрендә үткән ярышларның соңгысы иде. 23 февраль көнне Арча мәдәният йортына барлык ир–солтаннары җыелачак.

15.02.2018 Арчада язучы Гайсә Гатауллинны искә алу кичәсе узды
“Казан арты” тарих-этнография музеенда 14 февраль көнне үзенең әкиятләре, хикәяләре, повестьлары һәм шигырьләре белән безгә яхшы таныш булган якташыбыз, Татарстан Язучылар берлеге әгъзасы Гайсә Госман улы Гатауллинның 70 яше тулу уңаеннан искә алу кичәсе булды.

14.02.2018 «Татавтодор» Арча филиалы чаңгычылары республикада 1нче!
Искиткеч команда бу. Үзләренең аерым чаңгычы костюмнары бар. Аларның чаңгы шуганнарын күрсәгез сез! Араларында 55 яшьлек Илдус Солтанов Арчада үткән шимбә көнне үткәрелгән ярышта, хәтта кайбер тренерларны артта калдырып, финишка беренче килде.

13.02.2018 Казанда Морзалар йортында Арча зыялылары җыены узды

12.02.2018 Гыйнварда терлекчелек буенча «Сафиуллин А.В.» хуҗалыгы җиңүче
10 нчы февральдә район башлыгы катнашында үткән киңәшмәдә  гыйнвар аена терлекчелек буенча нәтиҗәләр ясалды. Гомумән алганда, ел башын уңышлы дип санарга мөмкин. Сөт һәм ит җитештерүдә узган елның шул чоры белән чагыштырганда бераз алга китеш бар. Әмма 2018 елга  үзләре килешеп алган йөкләмәләрне үтәп җиткермәүчеләр дә шактый әле. Бигрәк тә, «Тукай» ширкәте нык артка чиккән.Район авыл хуҗалыгы һәм идарәсе белгечләренә Илшат Габделфәртович  «кызыл» зонага кергән һәм районны артка сөйрәүче мондый хуҗалыкларның эшчәнлегенә аерым анализ ясарга, кимчелекләрне бетерү юлларын табарга кушты.

11.02.2018 Арча районында рус мәктәбендә укыган укучылар олимпиадада җиңеп кайтты
Рус мәктәбенең рус төркемендә укыган укучыларыбыз олимпиада да җиңүләр яулап кайттылар.

10.02.2018 «Ел хатын-кызы» конкурсыннан арчалар җиңү белән кайтты
«Ел хатын-кызы. Ел ир-аты: хатын-кыз карашы» республика конкурсының Балтачта узган зона турында Арча районыннан Рузалия Насыйбуллина, Раушания Закирова һәм Фәрхат Зыятов катнашты.

Рузалия Насыйбуллина белән Фәрхат Зыятов үз номинацияләрендә җиңүче дип табылды.

09.02.2018 Арча көрәшчеләре Биектауда Муса Җәлил призына көрәшә
Бүген Биектауда Муса Җәлил призына көрәш бәйгесе уза. Анда, составында 10 көрәшче булган Арча командасы да катнаша. Арчаның Яшьләр эшләре, спорт һәм туризм бүлеге җитәкчесе  Ильяс Габделгазизов хәбәр иткәнчә, хәзерге моментка безнең командадан Фаяз Зарипов, Дамир Әһлиуллин, Илшат Фазылҗанов, Нәсим Габидуллин, Зөлфәт Хәйруллин, Фәнгиз Мәннанов беренче көндәшләрен җиңеп, икенче турга уздылар.

08.02.2018 Мөндеш мәктәбендә “Мин һәм Кызыл китап”бәйгесе узды
Мөндеш башлангыч сыйныф укучылары “Мин һәм Кызыл китап” иҗади кул эшләре бәйгесендә катнаштылар. Бәйгене “Ашыт” тыюлыгы оештырды. Әлеге бәйгенең максаты экологик белемне популярлаштыру, Татарстан Республикасының табигый мирасына  сакчыл мөнәсәбәт  тәрбияләү аша Кызыл китапка кертелгән хайваннар һәм үсемлекләр дөньясын кул эшләрендә чагылдыру иде.

07.02.2018 Киләчәк бүгенге студентлар кулында
Соңгы елларда районда яшьләргә эшләү, ял итү, күңел ачу, спорт белән шөгыльләнү өчен яңа объектлар калкып чыга, төрледән-төрле кызыклы, мавыктыргыч чаралар оештырыла. Яшьләр тәкъдим иткән идеяләргә дә игътибар бирелә.

06.02.2018 Урта Курса мәдәният йортында урам концерты узды
3 февраль көнне Урта Курса авылы мәдәният йортына тирә-як авыл халкы, авылдашлары катнашуындагы «Җир бизәге — туган авылым белән, мактанырлык минем хакым бар» дигән исем астында урам концертын карарга җыелды.

05.02.2018 «Ятаган» махсус бүләккә ия булды

2 февральдә Казанда «Синең вакыт!» исемле II Бөтенроссия балалар, яшүсмерләр һәм өлкәннәр иҗаты фестиваль-бәйгесе узды. Бәйгедә уңышлы чыгыш ясап, «Ятаган» фольклор уен кораллары ансамбле (җитәкчесе Гайнетдинов Альберт Сәләх улы) «Халык традицияләрен саклаган өчен» дигән махсус бүләккә лаек булды.

04.02.2018 Арчада хоккей буенча район чемпионын ачыклыйлар
Алдан хәбәр иткәнебезчә, быел район башлыгы кубогы өчен 12 команда көрәшә. Алар 3 дивизионга бүленеп 2тур уйныйлар. 1 тур узган шимбәдә үткән иде.

03.02.2018 Арчада Сталинградчыларны искә алдылар
Кичә «Казан арты» тарих-этнография һәм Иске Кишет авылындагы Советлар Союзы Герое Гани Сафиуллин музей-йортында Сталинград сугышында катнашкан Арча каһарманнарын искә алдылар

02.02.2018 Арчада уку йортлары арасында килешү төзелде
Арча педагогика көллиятендә III Халыкара фәнни–практик конференция булды. Бу юлы ул “Белем бирү мәйданында толерантлык тудыру. Мәдәниятара коммуникация” дигән темага багышланды.

01.02.2018 Булачак укытучылар өчен Арчада «Кышкы мәктәп» эшләде
26- 28 гыйнварда Г.Тукай исемендәге Арча педагогика көллиятендә булачак укытучылар өчен «Кышкы мәктәп» уздырылды. Бу проект Татарстан Республикасы территориясендә вузларда педагогика юнәлешләре буенча укучы студентларга ярдәм буларак оештырылды. Бу хакта Татарстан Мәгариф һәм фән министрлыгы хәбәр итә.

31.01.2018 Арча зыялылары җыены

31.01.2018 Арчада Артур Тумаковның китабын тәкъдир иттеләр
27 гыйнвар көнне Арча Үзәк китапханәсендә якташыбыз, 1995 елда туган Артур Тумаковның «Арск. Новые подробности, факты и открытия» китабын тәкъдир итү кичәсе узды.

30.01.2018 Арчада район башлыгы призына көрәш булды
27 гыйнварда «Арча» спорт комплексында район башлыгы призына зурлар арасында татарча көрәш ярышлары булды. Ярышта Арча, Әтнә, Биектау, Саба, Теләче районнары, Казан көрәшчеләре  катнашты.Арча районыннан «Ак Барс Агро», «Игенче», Арча педагогика көллияте, Арча агросәнәгать көллияте филиалы командалары көч сынашты. Көрәшчеләр Арча, Күпербаш, Наласа, Түбән Мәтәскә, Масра, Урта Курса, Яңа Кенәр, Шурабаш, Өчиле, Иске Кишет, Иске Чүриле һ.б. авыллардан иде.

28.01.2018 «Балакайларым». «Җидегән чишмә» премьерага чакыра
«Җидегән чишмә» Арча халык театры тамашачыларын премьерага чакыра. Быел ул Әнгам Атнабаевның «Балакайларым» спектаклен тәкъдим итә. Театр үзенең эшен дә  шушы спектакль белән башлап жибәргән иде. 30 гыйнварда Арча мәдәният йортына премьерага рәхим итегез. Башлана кичке 7 сәгатьтә.  14+

27.01.2018 Аты якларында чын ир солтаннары яши
“Ир солтаны – 2018” бәйгесенең чираттагысы Түбән Аты мәдәният йортында узды. Биредә Урта Сәрдәдән Илдар Зарипов, Субаш Атыдан Айдар Исмәгыйлев, Утар Атыдан Руслан Хәкимҗанов, Кушлавычтан Раил Фәттахов, Урта Бирәзәдән Дамир Нуриәхмәтов ир солтаны исемен яулау өчен көрәште.

26.01.2018 Арчада “Яшь армиячеләр” сафы арта
Арчаның 2нче урта мәктәбендә “Яшь армиячегә багышлау” дип аталган тантаналы чара үтте. Анда ТР хәрби комиссариатының Арча һәм Әтнә районнары буенча бүлеге җитәкчесе Алмаз Борһанов, әфганчы–ветеран Рәфикъ Җамалиев, директор Гөлназ Гыйниятуллина катнашты. Алар укучыларны әлеге мөһим вакыйга белән тәбрикләделәр, уңышлар теләделәр.

26.01.2018 Путин «Таттелеком»ның генераль директоры Лотфулла Шәфигуллин белән очрашты
Россия Президенты Владимир Путин «Таттелеком»ның генераль директоры Лотфулла Шәфигуллин белән очрашты, дип хәбәр итә Кремльнең матбугат хезмәте.

25.01.2018 Арчада лаеклылар бүләк алды
19 гыйнварда “Лотфуллин З.Р.” ширкәте базасында терлекчелектә 2017 ел йомгакларына багышланган семинар–киңәшмә булды. Анда район башлыгы Илшат Нуриев, авыл хуҗалыгы һәм азык–төлек идарәсе җитәкчесе Ренат Гатиятов, хуҗалык җитәкчеләре баш зоотехниклар, ветеринария белгечләре, ферма фөдирләре, ясалма орлыкландыру техниклары катнашты.

24.01.2018 Иске Ашытта “Сәяра” халык театр ветераннарының иҗат кичәсе узды
Шимбә көн кич белән авыл халкы Иске Ашыт клубына “Сәяра” халык театр ветераннары Илшат Заһидуллин белән Галимулла Шәрәфиевның иҗат кичәсенә җыелды.

23.01.2018 Равил манаралар ясый
Күптән түгел генә Курса–Почмак авылына барып Мөнәзәхә әби Галимбәкованы туксан яшьлек юбилее белән  котлап кайттык. Бик авыр заманнарны кичергән буын бу, ачлы–туклы килеш бушка диярлек колхозда хезмәт иткәннәр, сугыш елларында  урман кискәннәр, окоп казыганнар. Мине иң тетрәндергәне әбинең: “Чана тартып басуга тирес түктек”, – дигән сүзләре булды. Күз алдына китерегез: 14–15 яшьлек кызлар карга бата–чума тирес төялгән чана тарта. Кышын чана, җәен “уфалла” арбасы…

22.01.2018 Сәнгать мәктәбендә рәсем күргәзмәсе ачылды
Арча сәнгать мәктәбендә рәсем күргәзмәсе ачылды. Тукай иҗатын чагылдырган бу галереяда сәнгать бүлегенә йөрүче балаларның рәсемнәре урнаштырылган.

21.01.2018 Казанбашта зур бәйрәм булды
Кичә Казанбашта зур бәйрәм булды. Шигърият бәйрәме. Гөлара Шәрипованың шигырьләр китабы дөнья күрде. Шул «Баллы көзләрем» дип аталган китабын тәкъдир итү кичәсе оештырылды. Үзешчән шагыйрәнең дуслары, туганнары, якыннары һәм аның иҗатын яратучылар җыелды ул көнне бирегә. Тулырак Гөлара ханым турында газетабыз битендә укырсыз.

20.01.2018 Корайван тарихында күптәннән булмаган хәл
Яңа ел каникуллары матур бәйрәмнәре, күңел ачу чаралары белән сизелмичә дә үтеп китте. Истәлекле вакыйгалары да күп булды. Шуларның берсенә генә тукталыйк әле. Корайван авылыннан Азат һәм Рузилә Фәттаховлар гаиләсендә дүртенче бала дөньяга килгән. Дүртенче бала табу бу авыл тарихында күптәннән булмаган. Рузилә Азатка әнә шундый Яңа ел бүләге ясаган. (Фото Ф.Бахтияровой)

19.01.2018 Фәнил Гарәфиев истәлегенә ветераннар арасында хоккей турниры үткәрелә
21 гыйнварда Арча Боз сараенда тууына 50 ел тулу уңаеннан Фәнил Гарәфиев истәлегенә  ветераннар арасында хоккей турниры үткәрелә. Анда Арча, Әтнә, Балтач, Кукмара, Саба, Мамадыш командалары катнашыр дип көтелә. Башлана 8 сәгатьтә Җанатарларны көтеп калабыз!

19.01.2018 Илдар Галәветдинов туганда белеп туган
Миңа эшем буенча авыл хуҗалыгы һәм азык–төлек идарәсенә еш керергә туры килә.Кайчан керсәң дә финанс–икътисад бүлегенең өлкән белгече Илдар Галәветдинов компьютерга чумган булыр. Яныннан кеше өзелмәс, сорауларга тиз генә җавап бирер дә, тагын экранга чумар.

18.01.2018 Румия Надршина җиңү яулады
17 гыйнварда район мәгариф хезмәткәрләренең профсоюз оешмасы киңәшмәсендәТатарстан Республикасы профсоюзлары Федерациясе рәисе урынбасары Татьяна Васильева профсоюз тормышын даими рәвештә  гадел яктыртканы өчен “Арча хәбәрләре” газетасы редакциясенә халык мәгарифе һәм фән хезмәткәрләре профсоюзы республика комитетының Рәхмәт хатын тапшырды.

17.01.2018 Шиһабетдин Мәрҗанинең тууына 200 ел!
Арчаның «Казан арты» тарих-этнография музеенда күренекле мәгърифәтче Шиһабетдин Мәрҗанинең тууына 200 еллыгын билгеләп үттеләр. Музейның фәнни хезмәткәре Ленар Гөбәйдуллин кичәне алып барды. Кичәдә район башкарма комитеты җитәкчесе урынбасары Рамил Гарифҗанов катнашты. Казаннан якташыбыз, журналист Риман Гыйлемханов, «Таттелеком» акционерлык җәмгыяте матбугат үзәге җитәкчесе Рөстәм Закуан кайтты. Очрашуда шулай ук хатын-кызларыбыз һәм ир-атларыбыз арасыннан дин әхелләре катнашты.

16.01.2018 Хатын-кызлардан волейболда кем көчле?
“Арча” спорт комплексында декабрьнең бер шимбә, якшәмбесендә – ике көн буе волейбол ярышлары булды. Беренче көнне район хатын-кыз командалары уйнаса, икенче көнне ир-атлар арасында ачык волейбол турниры үткәрелде.

15.01.2018 Шушмабашта бәйрәм гөрләде
Шушмабашта бәйрәм гөрләде: “Тормыш мәшәкатьләрен читкә куеп, рәхәтләнеп күңел ача алабыз икән, бу үзе зур бәхет!”

14.01.2018 Районның иң яхшы шахматчылары билгеләнде
“Ладья” шахмат клубында район беренчелегенә ярышлар булып узды. Анда районның иң көчле шахматчылары катнашты. Арчадан юрист Ленар Вахитов район чемпионы булды. Ленар Дамирович районда шахмат буенча бердәнбер спорт мастерлыгына кандидат. Районның ел чемпионы булып өч ел рәттән кала. Бик тыйнак кеше. Республикада үткәрелгән авыл шахматчылары арасында да 1нче урынны алды ул. Ә күптән түгел Зәйдә үткәрелгән ярышта безнең команда 4нче урынны алды.

13.01.2018 Район башлыгы призына татарча көрәш
13 гыйнварда Яңа Кенәр мәктәбе спорт залында район башлыгы призына татарча көрәш буенча ярышлар булды. 2002—2004нче елгы мәктәп укучылары бил алышты. Район башлыгы Илшат Нуриев яшь көрәшчеләрне сәламләп, аларга уңышлар теләде. Көрәштә барысы 80ләп яшүсмер көрәште. Район көрәшчеләр федерациясе рәисе Ринат Алиев: «Көрәшне үстерер өчен эшләргә кирәк, — диде. — Тренерларның эш нәтиҗәсе менә шушындый ярышларда күренә инде. Әнә, күрәсез бит тренерларның үзләрен дә, ничек җан атып йөри алар үз көрәшчеләре өчен. Әнә, Яңа Кенәр мәктәбе тренеры Зөлфәт Хәйруллин, Курса ягыннан Марат Әхмәдиев…

12.01.2018 Җиңүчеләрне котладык
2017 ел азагында мәктәп укучылары арасында  “Геройлар көне уңаеннан” үткәрелгән иншалар конкурсына йомгак ясап, нәтиҗәләрен газетага язып чыккан идек. Татарстан Республикасы хәрби комиссариатының Арча һәм Әтнә районнары буенча бүлегендә җиңүчеләрне котлау тантанасы булды. Район башкарма комитеты җитәкчесе урынбасары Рамил Гарифҗанов та катнашты. Арча ДОСААФ оешмасыннан да килделәр. Рамил Гарифҗанов җиңүчеләрне уңышлары белән котлады, ил-көнгә лаеклы уллар һәм кызлар булып үсүләрен теләде.

12.01.2018 Сикертән мәктәбендә III районара Мөхәммәт Мәһдиев укулары узды
Конкурска 200дән артык эш кабул ителгән һәм икенче турга шулар арасыннан 87се сайлап алынган, укучыларга чакыру җибәрелгән.

11.01.2018 «Кышкы уеннар» җанга рәхәт бирә!
Ап-ак карлары, могҗизалы бизәкләре, кызыклы уеннары белән Яңа ел килде. Яңа елны һәркем узенчә көтеп ала. Без – балалар –  кышкы каникулларны аеруча зарыгып көтеп алабыз. Шуңа күрә дә тимераякта шуабыз, кардан әкият геройлары һәм кар бабай ясыйбыз, чаналарда бер-беребезне узышабыз. Чаңгы юлы буенча шууы үзе бер күңелле!

10.01.2018 “Мин татар дип горур басып торам…” (бәйгегә нәтиҗә)
Ана телебезне, милләтебезне  саклау, үстерү, ватанпәрвәрлек хисе тәрбияләү һәм, әлбәттә, районның яшь каләм тибрәтүчеләрен барлау максатында, Арча үзәк китапханәсе, “ТАТМЕДИА” акционерлык җәмгыятенең “Арча–информ” филиалы, “Каурый каләм” әдәби иҗат берләшмәсе һәм Арча районы “Ак калфак” оешмасы “Мин татармын” дигән бәйге игълан иткән иде. Яңа ел алдыннан аңа нәтиҗә чыгарылды.

09.01.2018 Руслан Әгълиев — изге күңелле тылсымчы
Яңа ел алдыннан районга Казаннан Кыш бабай белән Кар кызы кайтты.  “Изге күңелле тылсымчы бул” акциясе кысаларында Татарстан Республикасындагы Бөтенроссия халык фронты вәкилләре ятим балаларга чын бәйрәм бүләк итте.

08.01.2018 Арча Укучылар сараенда шашка буенча район ярышлары уздырылды
4 нче январь көнне Арча Укучылар сараенда мәктәп  укучылары арасында шашка  буенча шәхси һәм команда  беренчелегенә район ярышлары узды-рылды. Ярышлар балаларның яшь аермаларын исәпкә алып,  4 төркемгә бүленеп үткәрелде: 1-2 нче сыйныфлар, 3-4 нче сыйныфлар, 5-7 нче сыйныфлар һәм 8-11 нче сыйныф укучылары арасында иң көчле уенчылар билгеләнде.

07.01.2018 Күпне күргән әбиләр
7 гыйнварда Арча шәһәрендә яшәүче тыл ветераны Кафия Гарифуллинага 90 яшь тулды. Ул үз гомерендә күпне күргән, сугыш еллары һәм аннан соңгы чорның авырлыкларын үз җилкәсендә татыган кеше.

06.01.2018 Мини-футбол буенча “Арча” спорт мәктәбе командасы 3 нче урында
6 нчы гыйнвар көнне Шәмәрдәндә Саба районының “Олимп” спорт мәктәбе беренчелегенә 2004-2005 нче елгы егетләр арасында мини-футбол буенча ярышлар үтте.

Ярышларда “Арча” спорт мәктәбе командасы да катнашты һәм 3 нче урын алды. Команданың тренеры – Насибуллин Ринат Рашшатович.

05.01.2018 2017 ел нинди табышлары һәм югалтулары белән истә калачак?
Узып баручы 2017 ел төрле вакыйгаларга бай булды. Аларның кайберләре тарих битләрендә аеруча зур урын алып торачагы бәхәссез. Шулай да әлеге ел нинди вакыйгалары белән истә калачак? Быел безнең нинди зур табышларыбыз һәм югалтуларыбыз булды? Аларны кабаттан хәтеребездә яңартыйк.

04.01.2018 Кыш бабай 3 миллион хат алган
2017 елда “Россия почтасы” Кыш бабай резиденциясенә халыктан килгән 3 миллионнан артык хат һәм открытка тапшырган.

03.01.2018 Район башлыгы сәләтле балалар белән очрашты
Яңа ел алдыннан район башлыгы Илшат Нуриевның сәләтле балалар белән очрашуы, чәй өстәле артында кара-каршы утырып аралашуы матур гадәткә кереп бара. Быел да ул 26 декабрьдә Арча Мәдәният йортында үтте. Анда шулай ук район башкарма комитеты җитәкчесе урынбасары Рамил Гарифҗанов, мәгариф һәм  мәдәният идарәләре җитәкчеләре Алмаз Ибраһимов, Рамил Мөхетдинов, яшьләр эшләре һәм спорт бүлеге җитәкчесе Ильяс Габделгазизов катнашты.

02.01.2018 2018 ел безгә нинди күчтәнәчләр әзерли
2018 ел безгә нинди күчтәнәч әзерләгән? Киләсе елдан гамәлгә керә торган кайбер үзгәрешләргә аерым тукталып китик.

01.01.2018 Яңа ел бәйрәме чаралары
30 декабрь, 2–9 гыйнварда 19 сәгатьтә Арча шәһәре стадионында “ТатАрча Кар бабайда кунакта” күңел ачу программасы.

31 декабрьгә кадәр Арчаның 1нче, 2нче, 3нче мәктәпләрендә, 5нче гимназиядә, 6нчы мәктәптә мәктәп яны лагерьлары эшли.

30.12.2017 «Мин татармын» бәйгесе җиңүчеләре бүләкләнде
Арча үзәк китапханәсе, «ТАТМЕДИА» акционерлык җәмгыятенең «Арск-информ» филиалы, «Каурый каләм» әдәби иҗат берләшмәсе, Арча районы «Ак калфак» оешмасы «Мин татармын» дигән бәйге игълан иткән иде. Ул өч номинациядә — проза, шигърият, публицистика — үткәрелде.

29.12.2017 Халык коллективы исемен алдылар
Арча Питомнигы клубы каршында эшләп килүче “Яшь йөрәкләр” вокаль ансамбленә (җитәкчесе Нәсимә Гарифуллина), Шурадан “Чордашлар” фольклор ансамбленә (Клара Хөсәенова) һәм Кышкардан “Нур” театр төркеменә (Ләйсән Шәфигуллина) халык коллективлары исеме бирелде. Аларны чын күңелдән котлыйбыз һәм иҗади уңышлар телибез.

Рәсемдә «Нур» халык театры коллективы, сулдан икенче Ләйсән Шәфигуллина

28.12.2017 Айнур Шәрәфиев уңышлы чыгыш ясады
24 декабрьдә Казанда «SFORZANDO» балалар башкару сәнгатенең Халыкара Олимпиада фестиваль бәйгесе үтте. Анда Арча балалар сәнгать мәктәбе укучысы Айнур Шәрәфиев уңышлы чыгыш ясады. «Халык уен кораллары» (гитара) номинациясендә ул III дәрәҗә лауреат исемен яулады (укытучысы Алеева Милеүшә Тәлгать кызы).

27.12.2017 Арчада Кыш бабай бүләкләрен югалткан?
Арча станциясендәге күпфункцияле үзәктә «Күңелле Яңа ел яки Кыш бабай ничек бүләкләрен югалткан» дигән чыршы бәйрәме булды. Балалар Кыш бабай белән дә очраштылар, бүләкләрне дә табарга булыштылар, күңел дә ачтылар.

26.12.2017 Арчада Казансу паркының икенче өлеше ачылды
23 декабрьдә кичке сәгать 7дә Казансу паркының икенче өлеше тантаналы шартларда ачылды. Район башлыгы Илшат Нуриев Арчада шундый уңайлы, матур ял итү паркы төзелүенә Татарстан Республикасы Президенты Рөстәм Миңнехановка рәхмәт белдерде, районда матур үзгәрешләр дәвам итәчәген әйтте, район халкын Яңа ел белән котлады һәм паркны саклап тотарга,  сәламәт тормыш рәвеше алып барырга чакырды.

25.12.2017 Арчаның Үзәк чыршысында утлар кабынды!
23 декабрь кичендә, Казансу паркының икенче өлешен тантаналы шартларда ачканнан соң, район башлыгы Илшат Нуриев Арчаның Үзәк чыршысы янына килде һәм халыкны киләсе Яңа ел  белән котлады. Район башлыгы Илшат Нуриев районда башкарылган һәм дәвам итәсе эшләр турында сөйләде.

25.12.2017 Кыш бабай һәм Кар кызы призына шашка буенча Арча районы беренчелеге булып узды
23 нче декабрь көнне “Ладья” шашка-шахмат клубында Кыш бабай һәм Кар кызы призына шашка буенча  Арча районы беренчелеге  булып узды. Ярышларда барлыгы 11 ир-ат һәм 4 хатын-кыз “Районның иң көчле шашкачысы” исеме өчен көрәште.

24.12.2017 2017-18 нче уку елының чаңгы сезоны ачылды
21 нче декабрь көнне Арча шәһәре стадионында чаңгы буенча эстафета ярышлары узды. Шулай итеп 2017-18 нче уку елының чаңгы сезоны ачылды. Ярышларда Курса Почмак, Иске Кырлай, Ашытбаш, Сеҗе, Кенәр, Лесхоз, Арчаның 6 нчы номерлы мәктәпләреннән 9 команда катнашты.