События

Район газетасы «Ел лидеры - 2023» исеменә лаек булды

"ТАТМЕДИА"да ел йомгакларына багышланган киңәшмә узды, агымдагы ел эшчәнлегенә нәтиҗә ясалды. Киңәшмә залына барлык филиал җитәкчеләре җыелган иде. 

"ТАТМЕДИА" Республика массакүләм һәм мәгълүмат чаралары җитәкчесе Айдар Сәлимгәрәев ел дәвамында аеруча яхшы эшләгән редакцияләрне атады. 

"Арча хәбәрләре" редакциясе 2023 ел нәтиҗәләре буенча "Ел лидеры" дигән исемгә лаек булды һәм иң яхшы эшләүче редакция дип танылды.

Айдар Сәлимгәрәев һәм "ТАТМЕДИА" акционерлык җәмгыяте генераль директоры Шамил Садыков редакциябезнең баш мөхәррире Исрафил Насыйбуллинга диплом һәм ноутбук тапшырдылар. 

Хезмәтегезне югары бәяләгән җитәкчеләргә олы рәхмәтебезне җиткерәбез

Тулырак: https://arskmedia.ru/news/rayon-yaalyklary/raion-gazetasy-el-lidery-2023-isemena-laek-buldy