События

28.11.2015 Яңа Кенәрдә урам бәйрәмнәре гөрләде
Яңа Кенәр мәдәният йортында урам концертлары башланып китте. Киров, Стелла Габдрахманова, Ямаш урамнары моны бик җаваплы кабул иттеләр һәм көчле программа әзерләп, авыл халкын шатландырдылар. Тәүге чыгышлар да булды.

28.11.2015 Урта Бирәзә авылында әниләрне хөрмәтләделәр.
Кичә Урта Бирәзә мәдәният йортында «Ана-бөек исем» исеме астында авыл яшьләре һәм башлангыч мәктәп коллективы катнашында зур концерт булды. Концерт зур көч куеп әзерләнгән. Анда башлангыч мәктәп укучылары көче белән фольклор, югары класс укучылары тарафыннан аерым җырлар, биюләр, сәнгатьле сөйләм, скетч бар да бар иде.

27.11.2015 Арча егете "Татар моңы" конкурсында катнаша. Тавыш бирергә онытмагыз
ТНВ каналында "Татар моңы" яшь башкаручылар телевизион конкурсы дәвам итә. Яшь талантлар арасыннан безнең район данын яклаучы Үрнәк агрокөллияте студенты Раил Бакиевка тавыш бирергә онытмагыз. Раил 35 нче сан астында чыгыш ясый. 5065 номерына 035 дип язып тавыш бирә аласыз! Тавышлар санын www.tnv.ru сайтына кереп карый аласыз!

26.11.2015 Арчада кул эшләнмәләре күргәзмәсе булачак
27 ноябрь көнне Арча мәдәният йортында  кул эшләре күргәзмәсе булачак.  Башлана 9 сәг 30 минутта. Барлык катнашырга, күрергә теләүчеләрне дәшеп калабыз!

26.11.2015 Әниләр көне кайда һәм кайчан узачак?

Иртәгә Арча мәдәният йортында Әниләр көненә багышланган бәйрәм чарасы узачак. Башлана 10 сәгатьтә. Бәйрәмдә районыбызның иң күркәм, иң үрнәк гаиләләре катнашыр дип көтелә.

26.11.2015 Арча үзәк китапханәсендә бәйрәм чарасы узачак
27 ноябрь Әниләр көне уңаеннан Арча үзәк китапханәсендә » Әни — беренче сүз ,тормышта иң мөһим сүз» исеме астында бәйрәм узачак.  Чарада:  Арча районы башкарма комитеты җитәкчесенең социаль мәсьәләләр буенча урынбасары Рамил Илгиз улы Гарифҗанов , "Единая Россия" сәяси партиясе  җитәкчесе урынбасары Валентина Гаранина, ятим балаларны опекага алган әниләр, Арча педагогия көллияте студентлары катнашачак дип көтелә. Бәйрәмдә якын кешеләребез әниләребез өчен шигырьләр сөйләнәчәк, җырлар җырланачак.

26.11.2015 «Арча» телерадиокомпаниясе сезне дискотекага чакыра
28 ноябрь Яңа Кырлай мәдәният йортында » Арча» телерадиокомпаниясе  сезнең өчен  дискотека оештыра. Программада: дәртле җырлар, кызыклы конкурслар, шәп бүләкләр. Башлана 20.30 сәгаттә. Билет бәясе 100 сум. Рәхим итегез!  Шимбә ялларын бергәләп үткәрик

25.11.2015 Борчыган сорауларыгыз булса, депутатка җиткерә аласыз

26 ноябрьдә 10 сәгатьтә «Бердәм Россия»сәяси партиясе җирле бүлекчәсенең җәмәгатьчелекне кабул итү бүлмәсенә килегез. Анда Россия Федерациясе Дәүләт Думасы депутаты Марат Бариев гражданнарны кабул итә. Алдан язылу өчен телефоннар: 3-18-08, 3-28-80. «Мәрхәмәтлек үзәге» бинасы.

24.11.2015 Арча районында “Бозлы әкият” фестиваль-конкурсы узачак
1-6 декабрьдә Арча районында беренче тапкыр “Бозлы әкият” боз скульптурасы фестиваль-конкурсы узачак. Бу фестиваль Арча районының Яңа Кырлай авылында үтә һәм “Кыш Бабай һәм Кар Кызы резиденциясе” ачылышына багышлана. Конкурста катнашу өчен гаризалар 2015 елның 30 ноябренә 15:00 сагатькә кадәр Арча районының туризм үсеше бүлегендә кабул ителә.

24.11.2015 “Бизнес-десант” эшмәкәрләргә ярдәмгә килә
Татарстанда эшмәкәрлекне үстерүгә юнәлтелгән кызыклы проект башлангыч алды. Ул бөтен республиканы колачлар дип уйланыла. Үз эшен ачарга һәм җәелдерергә теләүчеләргә бушлай бизнес-идеяләр вәгъдә итәләр. Чаралар 17 ноябрьдән алып 17 декабрьгә кадәр дәвам итәр дип ниятләнә. 20 ноябрьдә семинарны Арча кабул итте.

23.11.2015 Рамил белән Дамир-өченче дәрәҗә лауреат булдылар
19-20 ноябрьдә Казанда «Ливадия шифаханәсендә Татарстан республикасы эшче һәм укучы яшьләренең үзешчән сәнгать 11нче республика профсоюз фестивале булды. Анда мәдәният хезмәткәрләренең Арча райкомы актив катнашты.

23.11.2015 Филология фәннәре докторы өченче мәктәптә укучыларга дәрес биргән
«Арчаның 3 нче номерлы башлангыч  мәктәбе — балалар бакчасы» базасында район укучылары Л.Толстой исемендәге Казан филология университетының татар теле һәм әдәбияты кафедрасы профессоры, филология фәннәре докторы Әлфәт Закирҗанов белән очраштылар.

22.11.2015 Алар каршында бернинди киртәләр дә юк

Бочче безнең районда ике ел элек кенә барлыкка килде. Гомерен спортка, дөресрәге, балаларны спорт белән тәрбияләүгә багышлаган, бик күп җиңүчеләр әзерләгән, туризмны югары дәрәҗәгә күтәргән Фәрит Минхәиров тырышлыгы белән оешты ул. Моның өчен кешеләрне ярату, зур йөрәкле булу кирәктер.

21.11.2015 Кадерләрен белегез
Сикертәндә әле күптән түгел генә ачылган мәдәни үзәк директорсыз калган. Кеше табып булмый, — ди Сеҗе авыл җирлеге башлыгы Гөлфия Гыйбадуллина.

20.11.2015 «Җидегән чишмә» тагын Казан сәхнәсендә уңышлы чыгыш ясады
Үзешчән халык театр коллективларының «Идел- Йорт» төбәкара фестивале ахырына якынлаша. Башта 116 коллектив арасыннан 45 , аннан 17 иң яхшысын сайлап алганнар иде. Шушы көннәрдә Дербышки бистәсендәге Саид Галиев һәм Казандагы Ленин исемендәге Мәдәният сарайларында финал чыгышлары бара. 18нче ноябрь көнне шул 17 коллектив арасына кергән «Җидегән чишмә» Арча халык театры (режиссеры Рафис Сәләхетдинов) чыгыш ясады.

19.11.2015 Күренекле шәхесләр – безнең якташларыбыз
Якташыбыз күренекле әдәбиятчы, галим, тәнкыйтьче һәм педагог Габделхәй Хисмәтулла улы Хисмәтуллинның тууына быел — 120 ел. Әлеге датаны Ашытбаш урта гомум белем бирү мәктәбендә зурлап билгеләп үтеләр.

18.11.2015 Гариф Ахуновның тууына 90 ел тулуга багышлап, Тукай клубында “Хәзинәле гомер” дигән әдәби-музыкаль кичә була
Әдәбият сөючеләрне, Г.Ахунов әсәрләрен яратып укучыларны, әдипнең якташларын чакырабыз, дип мөрәҗәгать итәләр ТР Язучылар берлегеннән.  
20 ноябрь сәгать кичке 5тә ТР Язучылар берлегенең Г. Тукай клубында (Казан ш., Мөштәри ур., 14 йорт) “Хәзинәле гомер” дигән әдәби-музыкаль кичә була.

17.11.2015 Имин булмаган һәм аз керемле гаиләләр проблемаларын чишүдә ярдәм күрсәтүчеләр фикер алышты
“Казан арты” тарихи–этнография музеенда имин булмаган һәм аз керемле гаиләләр проблемаларын чишүдә социаль хезмәткәрләр, педагоглар, психологлар тарафыннан ярдәм күрсәтү буенча республика семинары булды.

16.11.2015 Пенсионерлар өчен хокук белемнәре мәктәбе курслары ачылган
Арча үзәк китапханәсендә өченче буын Университеты базасында «Хокук белемнәре мәктәбе» курслары ачылган. Укучы пенсионерлар алдында районның пенсионерлар союзы рәисе Сания Камалетдинова һәм Пенсия фонды  җитәкчесе урынбасары Гөлназ Ибатуллина чыгыш ясаган.

15.11.2015 Тукаевларның Кушлавычтагы музей-йортта кичә булды
Кушлавыч авыл клубының "Сәйләннәр" фольклор берләшмәсенә йөрүче укучыларыбыз "Сәнгать төне" акциясе һәм "Халыклар бердәмлеге көне" уңаеннан Тукаевларның Кушлавычтагы музей-йортында әдәби-музыкаль кичәдә катнаштылар.

14.11.2015 Урта Курса мәдәният йортында үтергеческий көлкеле комедия була
14 ноябрь көнне Урта Курса мәдәният йортына рәхим итегез. «Җидегән чишмә» Арча халык театры сезгә Аманулланың «Сәхнә артында гауга» комедиясен тәкъдим итә.

13.11.2015 Тәртип һәм хокук сагында
Россия Эчке эшләр министрлыгының Арча районы буенча бүлеге ел да һөнәри бәйрәмнәре – Россия эчке эшләр органнары хезмәткәрләре көнен Мәдәният йортында зурлап үткәрә.

Кичә юлларда иминлек сагында торучы ЮХИДИ хезмәткәрләренең көндәлек эшләрен чагылдырган видеофильм белән башланып китте.

13.11.2015 Сарай-Чокырчада бәхетле кешеләр яши
Сарай-Чокырча фермасына килүгә андагы кешеләр күплегенә игътибар иттем.

— 31 кеше эшли монда, — диде ферма мөдире Рифат Гыйлаҗев. — Авылның үз кешеләре генә җитми, Курсадан да килеп эшлиләр.

12.11.2015 Арча мәчетендә җыелыш узды
11 ноябрь көнне Арча Үзәк мәчетендә район мәчетләрендә дини укулар алып баручы укытучылар семинары булды. Ошбу чарага “Мөхәммәдия” мәдрәсәсе мөгаллиме Камил хәзрәт Вәлиуллин һәм Диния нәзарәтеннән фән һәм мәгариф бүлеге җитәкчесе Айдар Карибуллиннар килгән иде. Шулай ук ошбу чарада күрше Саба районыннан килгән кунаклар да катнашты.

11.11.2015 Арчада бөтендөнья сыйфат көне узачак
12 ноябрь — бөтендөнья сыйфат көне. Әлеге көннең төп максаты — киң җәмагатьчелекнең игътибарын тәкъдим ителә торган продукция һәм күрсәтелүче хезмәткә игътибар юнәлдерү. 1995 елдан һәр ел саен Европа сыйфат атналыгы үткәрелә.

11.11.2015 Авылның киләчәге яшьләр кулында
Авылларыбызның киләчәген уйлап борчылмаган кеше аздыр. Аларны саклап калу өчен бүген нәрсә эшләп була? Бу сорауны районыбыз җитәкчесе Илшат Нуриев төрле очрашуларда еш бирә.

4 ноябрьдә ул югары уку йортларын тәмамлап районыбызда эшләүче яшь белгечләр белән очрашты.

11.11.2015 Көрәштә безнең егетләр бирешми
Биектауда 13 тапкыр Татарстан республикасы, 8 тапкыр Россия чемпионы булган Данил Галиев истәлегенә үткәрелгән спорт көрәше буенча ачык турнирда 12 команда катнашкан.

10.11.2015 Бассейнда ярышлар үтте
Арча” балалар һәм яшүсмерләр спорт мәктәбендә 2002 елгы һәм яшьрәк яшүсмерләр арасында суда туп уйнау (водное поло) буенча турнир үткәрелгән. Ярышлар ахырында балалар өчен кече бассейнда “Күңелле стартлар” булган.

10.11.2015 Мини–футболда Арча мәктәпләре көчлерәк булды
Каникул көннәрендә “Арча” балалар һәм яшүсмерләр спорт мәктәбендә 2004–2005 елгы һәм яшьрәк яшүсмерләр арасында мини–футбол буенча турнир булган. Анда биш мәктәп командасы катнашкан.
Беренче өч урынны Арчаның беренче, икенче, җиденче мәктәпләре командалары яулаган.

10.11.2015 10 ноябрь-полиция хезмәткәрләре көне
Россия Эчке эшләр министрлыгының Арча районы бүлеге хезмәткәрләре дә район мәдәният йортында 9 ноябрьдә үткәрелгән тантаналы чарада үзләренең һөнәри бәйрәмнәрен билгеләп үттеләр, анда эчке эшләр органнары хезмәткәрләре, ветераннары чакырылган иде. Тантаналы чара концерт номерлары белән үрелеп барды.

09.11.2015 Майфәрвәз Миннебаеваның иҗат кичәсенә рәхим итегез!
Арчаның «Казан арты» тарих-этнография музеенда 11 ноябрь көнне 10 сәгатьтә «Тормыш,яшәү-үзе бәхет» - дип аталган кичә үткәрелә. Әлеге чарада Майфәрвәз Миннебаева иҗаты белән танышырга мөмкин булачак.

Кичәдә Татарстанның атказанган артисты Люция Хәсәнова да катнаша. Әдәбият сөючеләрне көтеп калабыз.

09.11.2015 Кушлавычта бәйрәм узды
Кушлавыч авыл клубының «Сәйләннәр» фольклор берләшмәсенә йөрүче укучылар «Сәнгать төне» акциясе һәм «Халыклар бердәмлеге көне» уңаеннан Тукаевларның Кушлавычтагы музей-йортында әдәби-музыкаль кичәдә катнаштылар. «Сәйләннәр» монда «Җиләк җыйганда» дип исемләнгән фольклор күренеш белән дә чыгыш ясаган.

08.11.2015 «Кызлы йорт» янәдән Арчада
5 ноябрь көнне Арча мәдәният йортында Шушмабашта туып-үскән бертуган Ганиуллиналар концерты булды. Биш кызны тәрбияләп үстереп, сәхнәгә чыгарга ярдәм иткән Зөлфия ханым да ул көнне җырламый түзеп тора алмады. Концертны арчалылар бик яратты, соңыннан якташларын аягурә басып алкышлады.

08.11.2015 Илнур җиңү белән кайтты
30 октябрьдән 1 ноябрьгә кадәр Тверь өлкәсенең Конакова шәһәрендә Бөек Ватан сугышы герое В.В. Васильковский истәлегенә «Дуслык Кубогы» исеме астында унөченче бөтенроссия «Б» класслы турнир боксы узды.

07.11.2015 Ашытбашлылар-җиңүче!
2 ноябрь көнне Арча укучылар сараенда район гомумбелем бирү мәктәпләре арасында шахмат ярышлары үтте.Монда җиңгән командалар алга таба Рәсәйкүләм Спартакиаданың регион этабында катнашачак.

07.11.2015 Каникулда укучылар актив ял итә
7 нче ноябрь көнне » Арча » спорткомплексында 2004-2005 елгы яшьләр арасында мини-футбол ярышы булып узды. Биредә 5 команда: Арчаның 1 нче, 2, 7 нче номерлы мәктәбе укучылары һәм Лесхоз , Носы командалары катнашты.

06.11.2015 Лесхоз мәктәбенә – 55 ел!
Районда, республикада гына түгел, Россиядә күренекле урын тоткан мәктәпнең ике “5”ледән торган юбилеена килгән кунаклар шактый иде. Алар арасында беренче чыгарылыш сыйныфы укучылары, ветеран укытучылар, төрле һөнәр ияләре бар.

06.11.2015 Татарстан Республикасы Конституциясе көне белән!
Татарстан Республикасы Президенты Р.Н. Миңнехановның Татарстан Республикасы Конституциясе көне уңаеннан мөрәҗәгате

05.11.2015 Кыш Бабай резиденциясенә балалар хат юллый ала
5 декабрьдә Татарстанның Арча районында төп Яңа ел герое – Кыш Бабай резиденциясе үз эшен башлап җибәрә. Казанлыларның тылсым иясенә кунакка эләгү юллары һәм балаларның теләкләр язылган хатларын нинди адреска юлларга кирәклеге турында Кыш Бабай катнашында үткән матбугат конференциясендә Туризм буенча ТР Дәүләт комитеты һәм “Тревел-Эндвок” туристлык компаниясе вәкилләре сөйләде, диелә Казан мэриясе хәбәрендә.

05.11.2015 23 ноябрь көнне Наиль Касыйм юбилей концертына чакыра
23 ноябрь көнне Наиль Касыйм юбилей концертына чакыра

04.11.2015 Наласада эшләр гөрли
Наласа авыл җирлегендә 2 авылга үзара салым акчасына 1600м таш салынган. 3 урамның юлы яңартылган. Урта Бирәзә зиратында матур йорт та эшләнгән. Бу хакта безгә авыл җирлеге башлыгы Илфира Шакирова хәбәр итте.

04.11.2015 «Арча кичләре»ндә булдыгызмы?
Чыннан да, Арчаның үзәгендә оештырылган «Арча кичләре» бәйрәмендә булдыгызмы сез? Булмасагыз, хәзер сөйлим.

03.11.2015 Айбулат Харисов Гран–при алды
Казанда халык этник инструментларында уйнау буенча «Мира–Велла» беренче республика фестивале үткәрелде. Арча сәнгать мәктәбеннән Айбулат Харисов курайда уйнап, аерым башкаручылар арасында Гран–прига ия булды. Курайчылар триосы (Айбулат Харисов, Рамил Гыйлаҗиев, Булат Ситтиков) шундый иң югары бүләк алды.

02.11.2015 Шушмабаш авылы мәчетенә 10 ел
2 ноябрь көнне Шушмабаш авылында тарихи истәлекле көн-мәчетнең ачылганына нәкъ 10 ел. Шул уңайдан мәчеттә зур вәгазь кичәсе уздырылды. Шушы чарага күп кунаклар килгән иде.

01.11.2015 Арча мәдәният йорты яңа сезонын ачты
Арча мәдәният йортында яңа иҗат сезоны ачылу уңаеннан зур, искиткеч матур концерт булды.

31.10.2015 «Арча хәбәрләре» газетасы юбилей кичәсе үткәрде
30 октябрьда «Тургай» ресторанында «Арча хәбәрләре» газетасына 85 ел тулу уңаеннан юбилей кичәсе булды.

30.10.2015 Яңа Кырлай музеенда «Сәнгать төне» узачак
3 һәм 4 нче ноябрь кичендә Яңа Кырлай авылында урнашкан Габдулла Тукай исемендәге музейда «Сәнгать төне» дип аталган күркәм чара узачак.

30.10.2015 Иҗат эшләре кичәсе
«Казан арты» тарих — этнография музее 3 ноябрьдә 17 сәгатьтән 21 сәгатькә кадәр Арча районы осталарының иҗат эшләренә күргәзмә — сату оештыра. Бу кичтә районда яшәүчеләр үзләренең авторлык эшләрен күрсәтә алалар.

29.10.2015 Шушмабашта вәгазь кичәсе
1 ноябрь көнне сәг.10:00 Шушмабаш авылында яңа мәчет ачылуга 10 ел булу уңаеннан зур вәгазь кичәсе оештырыла. Чарада ТР баш казые Җәлил хәзрәт Фазлыевның катнашуы көтелә.

29.10.2015 Арча мәктәпләрендә көзге каникуллар башлана
2015 елның 2 ноябреннән республика мәктәп укучыларының көзге каникуллары башлана. Каникул 8 ноябрьгә кадәр дәвам итәчәк.

29.10.2015 ГТО фестивале
“Арча” спорт комплексында мәгариф учреждениеләрендә укучылар арасында Бөек Җиңүнең 70 еллыгына багышланган “Хезмәткә һәм илне сакларга әзер” (ГТО) фестивале булды. Аның максаты яшьләрне спортка тарту, сәламәт тормыш рәвешен пропагандалау иде.

28.10.2015 Бүген Әбиләр һәм бабайлар көне
28 октябрь – Халыкара әби-бабайлар көне. Бу бәйрәм гаиләдәге иң өлкән кешеләргә багышланган һәм төрле буын кешеләрен, якыннарны берләштерергә ярдәм итә.
Бүген әби-бабайларыгызны бәйрәм белән котларга онытмагыз, аларның үтенечләренә аеруча уяу булырга тырышыгыз. Алар игътибарны бигрәк тә ярата.

28.10.2015 Татарча дәреслекләр авторлары Арчада
Россия Федерациясендә игълан ителгән Әдәбият елы уңаеннан басма китапка, китап укуга, бүгенге көн әдәбиятына игътибарны арттыру максатыннан, “Татмедиа” республика матбугат һәм массакүләм коммуникацияләр агентлыгы һәм бер гасыр тарихы булган Татарстан китап нөшрияты республика районнарында “Китап бәйрәме” дип аталган әдәби-мәдәни чаралар үткәрә.

27.10.2015 Арча көрәшчеләре – дүртенче
Казанда Авыл хуҗалыгы һәм азык–төлек министрлыгы призына үткәрелгән авыл батырлары бәйгесе тәмамланды. Бу ярышлар быел егерменче тапкыр оештырылган. Анда 55 командадан 355 көрәшче чыгыш ясаган. Иң сөенечлесе–безнең арчалылар дүртенче урынны яулады. Узган ел безнекеләр бишенче булган.

26.10.2015 Меңе белән әйләнеп кайтыр
Яңа Кырлай мәчетендә шундый бәйрәмнәрнең берсендә булганым бар иде инде. Аңа бөтен авыллары белән әзерләнәләр, дисәң дә ялгыш булмастыр. Шул көннән күңелдә биредә бердәм халык яши икән, дигән фикер калды. Бу юлы шуңа тәмам инандым.

24.10.2015 Җиңү паркы өлкәннәрдән бигрәк балаларның яраткан урынына әверелде
Җиңү паркы өлкәннәрдән бигрәк балаларның яраткан урынына әверелде. Балалар мәйданчыгы куелганнан бирле анда балаларның күңелле тавышлары тынмый. Төрле чаралар үткәрү өчен дә уңай урын булды ул.

22.10.2015 Арчалылар уңышлы чыгыш ясады
17 октябрдә Мамадышта мәгариф хезмәткәрләре арасында 3 нче республикакүләм җәйге спартакиада уздырылды. Безнең район данын яклаучы команда ярышларга зур әзерлек белән барды.

22.10.2015 "Мөхәммәт Мәһдиев иң әүвәл галим-мөгаллим иде"
Казан федераль университетының Лев Толстой исемендәге филология һәм мәдәниятара багланышлар институтының Г.Тукай исемендәге татар филологиясе һәм мәдәнияте бүлеге, татар әдәбияты кафедрасы “Телләрне һәм мәдәниятләрне саклау һәм үстерү”  IV Халыкара форумы кысаларында зур галим һәм  остазны искә алу уңаеннан студентлар, мәктәп укучылары катнашында “Мәһдиев укулары” дип исемләнгән фәнни-гамәли конференция игълан итте

21.10.2015 Арчада Гариф Ахуновның тууына 90 ел тулуга багышланган республика фәнни — гамәли конференциясе узды
21 октябрь көнне районыбызда Гариф Ахуновның тууына 90 ел тулуга багышланган республика фәнни — гамәли конференциясе узды. Чара Габдулла Тукай исемендәге Арча педагогия көллиятендә  Гариф Ахунов китапларыннан оештырылган күргәзмәдән һәм » Әлифба» музее белән танышудан башланып китте.

20.10.2015 Республика күләмендәге зур ярыш
Үткән якшәмбедә Арча стадионында чаңгычыларның республика күләмендәге шәхси беренчелеккә ярышы булды. Ярышта Казан, Арча, Чувашстан, Мари Иле, Киров өлкәсе, Кукмара, Саба, Балтач, Әтнә, Яшел Үзәннән барысы 118 спортчы катнашты. Спортчыларны район башкарма комитеты җитәкчесе урынбасары Рамил Гарифҗанов сәламләде һәм уңышлар теләде.

20.10.2015 «Чордашлар»да «Башваткыч» тапшыруында булып кайттылар
Шура мәдәният йортында эшләп килүче «Чордашлар» ансамбле солистлары бик актив. Шушы көннәрдә алар ТНВ каналында баручы «Башваткыч» тапшыруында булып кайттылар.

19.10.2015 Үрнәк өстендә салават күпере
16 октябрьдә Үрнәк авылында 50 урынлы балалар бакчасы ачылды. Тантанада Арча муниципаль районы башлыгы урынбасары Любовь Осина катнашты.

16.10.2015 Бар нәрсә кешеләргә яхшы булсын өчен эшләнә
Һәр ел октябрь аенда юлчылар үзләренең һөнәри бәйрәмнәрен билгеләп үтә. Бу көндә алар өчен еллык башкарган эшләренә нәтиҗә чыгарырга җирлек тә җитешә. 2015 ел “Татавтодор” акцио- нерлык җәмгыятенең Арча филиалы өчен ничек булды икән?

14.10.2015 Сикертәндә районкүләм Мөхәммәт Мәһдиев укулары башлана
Мөхәммәт Мәһдиев тормыш юлын һәм аның иҗатын өйрәнүче хәзерге заман галимнәренең иҗатын тирәнтен өйрәнү; сәләтле укучыларны ачыклау; укучыларда фәнни белемнәрне актуальләштерү; халкыбызның тарихы, милли үзенчәлекләре белән кызыксындыру, фәнни стильдә фикер йөртү эшчәнлегенә ия булган иҗади шәхес тәрбияләү максатыннан 22 нче октябрь көнне Сикертән төп гомум белем бирү мәктәбендә районкүләм Мөхәммәт Мәһдиев укулары үткәреләчәк.

13.10.2015 Шура һәм Шурабашлылар «Башваткычта» чыгыш ясады
Шура һәм Шурабаш авылы үзешчәннәре 10 октябрь көнне ТНВ каналында баручы «Башваткыч» уенында катнашып кайттылар.

11.10.2015 Бүген якташыбыз Габделфәт Сафинның туган көне
Сафин Габделфәт Габдрахман улы 1962 елның 11 октябрендә Татарстан республикасы Арча районы Симетбаш авылында туган.

09.10.2015 Кызыклы очрашулар
Шушы көннәрдә спортчы ветеран укытучылар, районыбызның «легендар «спорт шәхесләре, ТР атказанган физик культура хезмәткәрләре Ягъфәр Шәмиев һәм Бари Бакиров Ашытбаш, Шушмабаш урта мәктәбе, Носы төп гомуми белем бирү мәктәбе укучылары белән очраштылар.

07.10.2015 Симетбаш халкына бүләк
— Симетбаштагы яңа ат абзарын күрдеңме әле? — дигән иде бер танышым. — Хәзер ат тотучылар күбәйде, монда гаҗәпләнерлек нәрсә бар? — дим.
— Юк, бу кызык өчен генә түгел, бөтен авыл халкы өчен хезмәт итә торган ат абзары, — ди бу. — Бакча тырмаларга, сукаларга, печән алып кайтырга ат кирәк икән — киләсең дә аласың.

06.10.2015 Арчада укытучылар бәйрәме узды
Укытучы көне–үзенчәлекле һәм халыкара бәйрәм. Чөнки аны, кем һәм кайда булмасын, мәктәп бусагасын атлап кергән һәркем билгеләп үтә. 2 октябрь көнне Арча мәдәният йортында да укытучылар көне уңаеннан бик матур чара булды.

01.10.2015 Бәйрәм белән сезне, өлкәннәребез!
Сезне көзге якты бәйрәм — Халыкара өлкәннәр көне белән котлыйбыз! Бу — безнең барыбыз өчен дә үзгә бәйрәм. Өлкән буын кешеләре зирәклек чыганагы, уникаль белем һәм тормыш тәҗрибәсен саклаучылар булып тора һәм менә шуңа күрә дә яшь буын өчен алар кыйммәтле байлык санала.

28.09.2015 Атлар 80 чакрым ераклыкка узышты
Яңа Кырлайда бүген Россия күләмендәге зур атлар ярышы булды. Узган ел сабантуйлардан соң ул Татарстанда беренче тапкыр Яңа Кырлайда үткәрелде. Менә хәзер икенче тапкыр. Мондый атлар ярышы безнең өчен яңалык.

25.09.2015 Арчаның Җиңү паркында балалар мәйданчыгы барлыкка килде
Шәһәребезнең “Үзәк” территориаль җәмәгатьчелек үзидарәсе (җитәкчесе Рәмзия Хәмидуллина) “Татарстан Республикасының иң яхшы ел территориаль җәмәгатьчелек үзидарәсе” республика бәйгесендә икенче урынга һәм акчалата бүләккә лаек булган иде. Әлеге балалар мәйданчыгы шул акчага эшләнгән булып чыкты.

23.09.2015 Арчада уникаль спорт мәйданчыгы ачылды
23 сентябрь көнне арчабызның №5 гимназиясендә универсаль спорт мәйданчыгы ачылу тантанасы булып узды. Чарада республика кунаклары һәм шәһәр җитәкчелеге катнашты.

21.09.2015 Арчада район башлыгы сайланды
Бүген (21 сентябрьдә) өченче чакырылыш  Арча район Советының чираттагы беренче утырышында депутатлар Илшат Габделфәрт улы Нуриевны район башлыгы итеп сайладылар.    Билгеле булганча, 13 сентябрьдә Президент сайлаулары белән беррәттән җирле Советларга да сайлаулар узды. 17 сентябрьдә авыл җирлекләре,ә 21 сентябрьдә Арча шәһәр Советының оештыру утырышлары үткәрелде. Аларда муниципаль берәмлек башлыклары һәм район Советына депутатлар сайланды.

18.09.2015 Бүген якташыбыз Гариф Ахуновның тууына 90 ел
Танылган әдип һәм җәмәгать эшлеклесе Гариф Ахунов (Гарифҗан Ахунҗан улы Ахунов) 1925 елның 18 сентябрендә Татарстан АССРның Арча районы Өчиле авылында крестьян гаиләсендә туган.

14.09.2015 Алар даны мәңгелек
12нче сентябрь көнне Алан авылында Бөек Ватан сугышында һәлак булганнар истәлегенә куелган һәйкәлне ачу тантанасы булды.

11.09.2015 Арча районы Мөндеш авылында балалар бакчасы ачылды
11 сентябрьдә Мөндеш авылында республика президент программасы кысаларында төзелгән 50 урынлы балалар бакчасы ачылды. Тантанада муниципаль район җитәкчесе Илшат Нуриев катнашты.

11.09.2015 Тиздән Гариф Ахуновның тууына 90 ел
18 сентябрьдә киң җәмәгатьчелек якташыбыз,татар халык язучысы Гариф Ахуновнын тууына 90 ел тулуны билгеләп үтәчәк. Шул уңайдан 10 сентябрьдә язучының кызы Наилә Ахунова Арча җирлегендә булды. Арча белән язучыны күп нәрсә бәйли,ул әсәрләрендә якташларының язмышын сурәтли.

10.09.2015 Арчада иң чибәр татар кызлары
Бүген (10 сентябрь) Арча Мәдәният йортында «Татар кызы–2015» Бөтенроссия конкурсының зона сайлап алу бәйгесе үтте. Анда Арчадан эшмәкәр Җәмилә Яруллина, Сабадан балалар бакчасының музыка укытучысы Миләүшә Рамазанова, Әтнәдән Арча педагогия көллиятенең 5 курс студенты Айсылу Гарипова, Югары Осланнан рус телле балаларга татар теле укытучысы Гөлфия Абдуллина һәм Кукмарадан укытучы Регина Хәкимҗанова катнашты

10.09.2015 Балалар шагыйрәсе Мәрзия Файзуллина Арчада.
9 сентябрь көнне якташыбыз,балалар шагыйрәсе Мәрзия апа Фәйзуллина Арча әдәбият һәм сәнгать музеенда булып биредәге күргәзмәләр, аның эшчәнлеге белән танышып китте. Әлеге очрашуны Казан арты тарих- этнография музее директоры урынбасары Шәфигулла Гарипов оештырды

09.09.2015 Көзге муллык
8 сентябрьгә булган мәгълүматлардан күренгәнчә, район хуҗалыклары 45115 гектардагы игеннәрне урып-җыйдылар. Бу барлык мәйданнарның 87 проценты

03.09.2015 Арчада яңа балалар бакчасы һәм Җиңү паркы ачылды
Арчада бер көндә балалар бакчасы һәм Җиңүнең 70 еллыгы паркы ачылды.

01.09.2015 Казанбаш мәктәбе ярты гасырдан соң
Белем көнендә Казанбаш мәктәбе укучылары мәктәпкә аяк баскач танымый торганнардыр, мөгаен. 1967 елда ишекләрен ачкан мәктәп быел өр–яңа сулыш кичереп, яңартылып, укучыларын кабул итте.

25.08.2015 Арчада ат чабышлары үткәрелә
29 август көнне шәһәр көне уңаеннан Арча ипподромында ат чабышлары үткәрелә. Теркәлү иртәнге 8 сәгатьтән 10 сәг.30 минутка кадәр дәвам итә.Ат чабышы 11 сәгатьтә башлана.

18.08.2015 Арчада "Әдәби мәйдан" узды
17 август Арчаның Свердлов урамында районның үзешчән сәнгать осталары катнашында «Әдәби мәйданчык» дип исемләнгән кичә узды.

07.08.2015 Кытай татары Арча төбәгендә туганнарын эзли
Арча педагогика көллиятендә “Безнең мирас” журналы хезмәткәрләре кунакта булды. Ә иң кызыгы — очрашуда Кытайдан килгән милләттәшебез Гыйззәтулла Хәсән белән аралашу булды.

03.04.2015 Событие 8
Кичә (26 март) Кәрим Тинчурин исемендәге татар дәүләт драма һәм комедия театрында “Арча якташлыгы” җәмәгать оешмасының чираттагы очрашуы булды. Анда безнең районнан чыккан бик күп күренекле кешеләр катнашты.

27.03.2015 Кичә (26 март) Кәрим Тинчурин исемендәге татар дәүләт драма һәм комедия театрында “Арча якташлыгы” җәмәгать оешмасының чираттагы очрашуы булды
Кичә (26 март) Кәрим Тинчурин исемендәге татар дәүләт драма һәм комедия театрында “Арча якташлыгы” җәмәгать оешмасының чираттагы очрашуы булды. Анда безнең районнан чыккан бик күп күренекле кешеләр катнашты.

Арча якташлыгының чираттагы очрашуы булды
Бүген, 5 нчы апрель көнне,  Кәрим Тинчурин исемендәге татар дәүләт драма һәм комедия театрында “Арча якташлыгы” җәмәгать оешмасының чираттагы очрашуы булды. Быел Казандагы традицион очрашу Театр елына багышланды.

Гөлзадә Сафиуллинаның иҗат кичәсендә арчалылар да катнашты
5 нче декабрьдә Кәрим Тинчурин театрында Татарстанның халык артисты, Муса Җәлил бүләге лауреаты, Кырым Республикасының атказанган сәнгать эшлеклесе Гөлзадә Сафиуллинаның иҗат кичәсе булды.

Арча районының алдынгы игенчеләре
“Игенче” ширкәтеннән Нияз Йосыпҗанов “Класс Тукано” комбайны белән 10729 центнер ашлык суктырды.

“Венета” ширкәтеннән Рәлиф Ильясов “Акрос” комбайны белән 7775 центнер ашлык суктырды.

“Северный ширкәтеннән Кадыйр Шәкүров “КЗС–812Т” комбайны белән 7223центнер ашлык суктырды.

“Ватан” ширкәтеннән Илмир Заһидуллин “ДОН–1500Б” комбайны белән 3827 центнер ашлык суктырды.

“Мәрҗани” ширкәтеннән Наил Садриев “Макдон” комбайны белән 785 гектарда игеннәр урды.

“Северный” ширкәтеннән Ринат Нәбиуллин “Челенджер” комбайны белән 631 гектарда игеннәр урды.

“Северный” ширкәтеннән Фәнис Вәлиуллин “Нью-Холланд” тракторы белән 2445 гектарда җир эшкәртте.