События

Арча педагогия көллиятендә чаңгычылар көне

14 февраль көнне Арча педагогия көллиятендә чаңгычылар көне уздырылды. Бу ярышларда уку группаларыннан 28 команда катнашты. Ярышлар шәхси һәм команда ара беренчелектә иң күп ара шууып узу буенча уздырылды. 

Кызлар арасында 36 км. нәтиҗә белән өченче курстан Дилә Ахметсафина җиңү яулады. Икенче, өченче урыннарда Айгөл Миндубаева (28,8 км.) һәм Чулпан Габдрахманова (28 км.).

Егетләр арасында иң яхшы нәтиҗәне Салават Шамсутдинов күрсәтте (52 км.). Икенче урында Андрей Степанов (44 км.), өченче урында Алмаз Нургалиев (41,6 км.).

Укытучылар арасында иң яхшы нәтиҗәне Ландыш Әфрәим кызы Яруллина күрсәтте (24 км.). команда ара беренчелектә 311 группа беренче урында (306 км.) группаның җитәкчесе Евгения Җәүдәт кызы Плотникова. Икенче, өченче урыннарда 341 һәм 142 группалар.

Укыту кафедралары арасында математика кафедрасы беренче урында (56,8 км.). Икенче, өченче урыннарда музыка (37 км.) һәм рус филологиясе (33 км.) кафедралары. Ярышларда 494 кеше катнашты. Җиңүчеләргә көллият администрациясенең һәм профсоюз комитетының бүләкләре тапшырылды.

Б.К. Бакиров

Ярышларның баш судьясы

Чыганак: http://arskmedia.ru/