События

Арчаның көнбатыш өлешендә бәйрәм

Арчада территориаль җәмәгатьчелек үзәкләренең очрашулар оештырулары күңелле вакыйга. Әле менә бүген Арчаның көнбатыш өлешендә  8 мартка туры китереп бәйрәм оештырдылар. 

Мондый бәйрәмнәр халык өчен кирәк ул. Бала—чаганы алып, кеше күреп, үзеңне күрсәтеп кайтасың. Чыннан да, шулай. Үзара аралашу аз заманда бер җыелып, күрешеп алуга ни җитә?! Арчаның территориаль җәмәгатьчелек үзәкләре әзерләгән бәйрәмнәрнең һәркайсына хас үзенең кабатланмас ягы була. Көнбатыш территориаль җәмәгатьчелек үзәгенең җитәкчесе Ирек Минзин лоторея уенына кадәр оештырган иде. Һәм һәркайсы отышлы!

Уеннар, җырлар белән бик күңелле үтте бәйрәм. Бу турыда газетага тулырак язарбыз. Хәер, фотолар да күп мәгълумат бирә.

Чыганак: http://arskmedia.ru/