События

Сынаулы гомер юлы 07.02.2019 Сынаулы гомер юлы
Казанбашта гомер итүче Рауза Галимованың 90 яшьлек туган көненә йортта Коръән ашы укыттылар. Ашка үзеннән ике яшькә өлкән, Мамадыш районында яшәүче апасы да килгән иде. Сеңлесен котлап, аның тормыш юлын һәм изге теләкләрен чагылдырган шигырь дә язып килгән. Бу көнне аларда кунаклар күп булды. Юбилярны гомер бәйрәме белән котларга район башлыгы Илшат Нуриев та килде.

Рәйсә апа рухы укучылары күңелендә 06.02.2019 Рәйсә апа рухы укучылары күңелендә
Була шундый укытучылар. Алар туганда ук Җиргә укытучы булырга дип килә дә, шул сәләтен тулыландырып, гомере буе белгәннәрен балаларына өләшә. Һәр укытучының, яратып, аерып искә төшерә торган укытучылары була. Ә менә Рәйсә Насретдинованың, сагынып искә алучы укучылары бихисап.

Якташыбыз, язучы-прозаик Гөлчәчәк Галиева тууына 91 ел! 05.02.2019 Якташыбыз, язучы-прозаик Гөлчәчәк Галиева тууына 91 ел!
Бүген, якташыбыз, язучы-прозаик Гөлчәчәк Галиева тууына 91 ел. Гөлчәчәк Галиева (Яхина) 1928 елның 5 февралендә Татарстанның Арча районы Сеҗе авылында укытучы Яхин Кәрим гаиләсендә туа. Ул күренекле мәгърифәтче Таиб Яхин, бөек композитор Рөстәм Яхин белән бер нәселдән.

Түбән Мәтәскә мәктәбенә экологлар килде 04.02.2019 Түбән Мәтәскә мәктәбенә экологлар килде
2 нче февраль-Бөтендөнья Сулык-сазлык биләмәләре көне. Нәкъ шушы көнне, 1971 нче елда Рамсар шәһәрендә, барлык дөньяда тотрыклы  үсешкә ирешү чарасы буларак, сулык-сазлык биләмәләрен  саклау һәм рациональ файдалану  максаты белән  сулык-сазлык биләмәләре турында  конвенция  имзалана. Шул вакыттан бирле документ Рамсар конвенциясе атамасын йөртә.Ул конвенциянең Перспективалы исемлегенә Татарстан Республикасының да  сулык-сазлык   биләмәләре кертелгән.

Туган ягында рухы яши 03.02.2019 Туган ягында рухы яши
1 гыйнварда якташыбыз, язучы Рафаил Төхфәтуллинның тууына 95 ел тулды. Аны искә алу кичәсе Арча Үзәк китапханәсенең уку залында узды. Китапханә хезмәткәрләре искиткеч кичә әзерләгән.

Кичәгә язучының Әлмәт шәһәрендә яшәүче улы Рөстәм дә кайткан иде. Китапханәгә бүләккә дип үзенең әтисе турындагы истәлекләрдән тупланган китабын алып кайткан. Инде үзе дә Җиденче дистәне ваклаучы Рөстәм абый әтисен онытмаулары өчен арчалыларга рәхмәт хисләрен әйтеп бетерә алмый.

Аның районыбызда беренче генә булуы түгел. Кеше гомер көзенә атлый башлагач, еш кына үткәндәге хатирәләр белән яши. Рөстәм Төхфәтуллинны да читләп узмый ул хис. Арча, Кенәр яклары исенә еш төшеп, балачактан истәлекләрен барлый башлагач, кулына балачак дусты Ирек Исмәгыйлев язган открытка килеп керә. Шул открытка Рөстәмне Яңа Кенәр мәктәбенә дусты Ирек турында сорап хат язарга мәҗбүр итә. Хат китеп атна да узмый, кесә телефонында шалтырау: “Рөстәм, бу мин әле, Ирек, Арчадан, Яңа Кенәрдән…” Шул елны җәй Рөстәм абый Яңа Кенәргә кунакка кайта. Ә анда аны гадәти кунак итеп кенә каршы алмыйлар: әтисен искә алу кичәсе әзерләгәннәр! Шул вакыттагы кунакчыллык, ихласлык, хөрмәтне ул бүген дә күңеленең түрендә саклый. Шулай итеп 11 ел элек Яңа Кенәр белән Әлмәт арасына дуслык юлы салына. Аннары кайтулар еш кабатлана, гаиләсен дә алып кайта Рафаил абыйның улы.

Нәсел җебе белән бәйле тагын бер истәлек хәтеренә нык уелып калган. Яңа Иябашта элек әтисе, әби-бабайлары яшәгән нигезгә истәлек тактасы куйганда ул газиз кешесенең туган авылын күрә, ул йөргән авыл урамыннан үтә һәм кадерле ядкәр-бүләк белән китә. Укытучы Миләүшә Зарипова аңа нәсел рухын саклаучы Коръән бүләк итә. Ә анысының тарихы болай: Миләүшә ханымның туган нигезенең күршесендә Рөстәм абыйның әнисенең якын туганы, гыйлемле карчык яшәгән. Ул вафат булгач китаплары арасыннан Миләүшә ханымга да бер Коръән китабы насыйп була. Ә Миләүшә апа нәселне дәвам итүчегә тапшырырга ниятли һәм Рафаил Төхфәтуллинның туган нигезе янында изге китапны улына тапшыра.

Истәлекләр күп булды бу көнне. Улы гына түгел, язучының авылдашлары, иҗатын үз итүчеләр белгәннәрен җиткерергә ашыкты. Без дәреслекләре аша Рафаил Төхфәтуллинның берничә әсәре белән генә таныш. Мәсәлән, “Авылдашым Нәби”, “Йолдызым” һ.б. Ә аның күләмле әсәрләре генә дә өч дистәдән артык.

Язучының биографиясендә Арча районы зур роль уный. Ул Яңа Иябашта укытучы гаиләсендә туа. Укытучыларны еш кына башка мәктәпләргә күчереп йөрткәнлектән, аларның гаиләсенә дә Күлле-Киме, Кышкар, Олы Әтнә, Олы Мәңгәр, Яңа Кенәр авылларында яшәргә туры килә. Яңа Кенәр мәктәбенең 9нчы сыйныфын тәмамлагач, Рафаил Төхфәтуллин Донбасска китеп ФЗӨ мәктәбендә укый. Бөек Ватан сугышы башлангач, ул шахтада күмер чаба башлый. Аннан, эвакуацияләнеп, туган ягына кайта һәм 10 сыйныфта укый башлый, бер үк вакытта тракторчы һөнәрен дә үзләштерә. 1942 елда ул армиягә алынып, Брянск, Орша, Рига шәһәрләре янындагы каты сугышларда катнаша. Батырлыклары өчен Кызыл Йолдыз ордены һәм медальләр белән бүләкләнә, ике тапкыр каты яраланып, контузия алгач, армия хезмәтеннән азат ителеп, Яңа Кенәргә әйләнеп кайта. Башта укытучы булып, аннан район газетасында җаваплы сәркатип булып эшли. Аннан Әлмәткә китеп урнашып, озак еллар шунда яши. Очрашуда Рөстәм абый әтисенең бертуганнары Асия апа һәм Чарльз абый турында да сөйләде. Үзе белән бергә Роза апаның улы Айдар абыйны да алып кайткан иде.

Әлмәттә Рафаил Төхфәтуллин урамы бар, яшәгән йортына элмә такта куелган, тиздән шәһәрдә аңа багышланган музей ачарга җыеналар. Яңа Иябашның да үзәк урамы аның исемен йөртә, Арчада, Яңа Кенәрдә аның исемендәге урамнар бар. Язучының исеме онытылмасын, яшь буынга да җиткерелсен иде.

Розалия Зиннәтова

3 / 49

Иске Кишеттә халык бергәләп чаңгы шуа 02.02.2019 Иске Кишеттә халык бергәләп чаңгы шуа
Иске Кишет авыл китапханәсе һәм клубы авыл халкын сәламәтлегебез өчен бик тә файдалы булган бәйрәмгә,ягъни күмәкләшеп чаңгы шуарга дәште.

Ташкичүдә Мәрҗани укулары узды 01.02.2019 Ташкичүдә Мәрҗани укулары узды
2019 нче ел җитте. Ш.Мәрҗани елы тәмамланды. Шушы уңайдан мәктәптә  “Бәһа җитмәс кыйбат хәзрәт”  дип аталган районара укулар оештырылды. Укучыларга өч төрле юнәлештә фәнни-тикшеренү эшләре темалары тәкъдим ителде. Барлыгы 100 дән артык эш килде, шуларның 38е лауреат исеменә лаек булды. 2019 нчы елның 30 гыйнваренда шушы укуларның йомгаклау туры узды. Бу укуларны  Арча муниципаль районы башлыгы Нуриев Ильшат Габделфәрт улы   ачып җибәрде, Шиһабетдин Мәрҗанинең мирасын өйрәнүнең әһәмиятенә басым ясады.

Арчада яңа премьера аншлаг белән узды 31.01.2019 Арчада яңа премьера аншлаг белән узды
29 гыйнварда Арча Мәдәният йортында Гөлсинә Зәкиева пьесасы буенча куелган “Өйләнәм дигәч кенә” спектакленең премьерасы булды. Комедиянең күңелле дулкыны зал тутырып килгән тамашачыны елмайтып та, көлдереп тә тамаша ахырына кадәр үзенә бөтереп алды да, рух күтәренкелеге бүләк итте.

Бүген якташыбыз Айдар Фәйзрахмановның туган көне! 30.01.2019 Бүген якташыбыз Айдар Фәйзрахмановның туган көне!

Айдар Файзрахманов (Айдар Фәйзрахманов) 1955 нче елның 30 гыйнварендә Татарстан республикасының Арча районы Урта Бирәзә авылында туа. Кечкенәдән җырчы булырга тели. Мәктәпне бетерүгә, Айдар Казан дәүләт гуманитар-педагогика университетына укырга керә, 1976нчы елда аны уңышлы итеп тәмамлый. Соңыннан Казан Дәүләт кончерваториясенә кереп, аны 1981нче елда бетерә.

Якташыбыз Риман Гыйлемханов 70 яшьлек юбилеен туган ягы Арчада үткәрде 29.01.2019 Якташыбыз Риман Гыйлемханов 70 яшьлек юбилеен туган ягы Арчада үткәрде
Республиканың танылган журналисты Риман Гыйлемханов 70 яшьлек юбилеен туган ягы Арчада (ул Субаш Аты авылында туган) үткәрде.

Мәҗлесне халкыбызның юмор остасы Алмаз Хәмзин алып барды. Алмаз белән Риман булган җирдә күңелсез була алмый.

Арча укучылары республика фестиваленнән уңышлар белән кайтты 28.01.2019 Арча укучылары республика фестиваленнән уңышлар белән кайтты
Казанда узган Нәҗип Җиһанов исемендәге IV республика фестиваль-конкурсында Арча сәнгать мәктәбе укучылары да катнашты һәм “Фортепианода аерым башкару” номинациясендә Динә Закирова 3 урынга лаек булды (укытучысы Венера Асанова), Альбина Җәләева 1нче дәрәҗә дипломант (укытучысы Әлфия Баһаветдинова), шулай ук Камилә Кәримова 1нче дәрәҗә дипломант булып танылды (укытучысы Кадрия Галиева). “Инструменталь ансамбль” номинациясендә Риназ Шиһабетдинов һәм Диләрә Тәхәвиева 1нче дәрәҗә дипломант булып танылды (укытучысы Альмира Фәхретдинова).

Арча. Татарча көрәш. Нәтиҗәләр. 27.01.2019 Арча. Татарча көрәш. Нәтиҗәләр.
«Арча» спорт комплексында район башлыгы призына зурлар арасында татарча көрәш булды. Көчлеләр тиздән буласы республика күләмендәге М.Җәлил исемендәге приз ярышына барасылар. Көрәшчеләрне район башлыгы Илшат Нуриев сәламләде һәм көрәшне карап, җиңүчеләргә бүләкләрне дә үзе тапшырды.

Арчаның 1нче мәктәбе беренче! 26.01.2019 Арчаның 1нче мәктәбе беренче!
Профсоюзлар киңәшмәсендә район мәгариф идарәсе җитәкчесе Рамил Мөхәммәдияров В.Ф.Ежков исемендәге 1нче мәктәп коллективына Рәхмәт хаты тапшырды. Ни өчен дисезме? 2018—2019 уку елында Арчаның 1нче мәктәбе укучылары — олимпиадаларда иң күп  җиңү яулаучылар. Рәхмәт хатын тантаналы шартларда мәктәп директоры Эльмира Сафина кабул итеп алды. Афәрин, Эльмира Нәзыйховна, укытучылар һәм укучылар! Уңышлар! Р.Н.

Күргәзмәгә экскурсия 25.01.2019 Күргәзмәгә экскурсия

2019 елның 23 гыйнварында Арча » Мәрхәмәтлек үзәге» нең гаиләгә һәм балаларга социаль ярдәм күрсәтү бүлекчәсе социаль педагогы мөмкинлекләре чикләнгән балалар һәм ата-аналар белән берлектә « Хәрәкәтле гигант драконлар» дип исемләнгән күргәзмәне карадылар. Күргәзмә Арча шәһәренең тарихи-этнография музеенда оештырылды.

Арча районы Көек авылында йорт янды 24.01.2019 Арча районы Көек авылында йорт янды
Бүген иртәнге якта була бу хәл. Янгын күптән түгел төзелгән яңа йортның икенче катында чыга. Өйдәгеләр ниндидер тавышка уянып китәләр. Утны яндыралар, ут янмый. Урамга чыксалар, өске яктан төтен чыкканын күреп алалар.

Мөмкинлекләр зур 23.01.2019 Мөмкинлекләр зур

19 гыйнварда үткән киңәшмәдә район авыл хуҗалыгы һәм азык-төлек идарәсе җитәкчесе Ренат Гатиятов 2018 елда башкарылган эшләр турында хисап тотты.

Районда 20 авыл хуҗалыгы  предприятиесе, 70тән артык крестьян-фермер хуҗалыгы бар, аларда 2 меңнән артык кеше эшли.

Авыл яме – атларда 22.01.2019 Авыл яме – атларда
“Ак барс” агрокомплексы” ширкәте җитәкчесе Шәйдулла Сәлахов белән Курса-Почмак урамыннан барабыз. Берзаман болын ягыннан ат көтүе кайтып керде. Юлның ике ягыннан урам тутырып кайта болар, машинадан төшеп шактый вакыт әлеге гаҗәеп манзарадан аерыла алмый карап тордым. Без бит үзебезне белә башлаганнан ат көтүе көтеп үскән малайлар. Менә шунда балачакның шул матур мизгелләре чагылып үткәндәй булды.

Арчада Фәнил Гарәфиев истәлегенә хоккей турниры узды 21.01.2019 Арчада Фәнил Гарәфиев истәлегенә хоккей турниры узды
20 гыйнвар көнне «Арча-Арена» боз сараенда 8 нче мәртәбә Фәнил Гарәфиев истәлегенә ветераннар арасында хоккей турниры узды. Ул быел аеруча истәлекле, чөнки Фәнилнең тууына 50 еллыкка багышланган иде.

Тел стратегиясе: старт Арчада бирелде яки Тел Әлифбадан башлана 20.01.2019 Тел стратегиясе: старт Арчада бирелде яки Тел Әлифбадан башлана
Туган  телебез  булган  татар  телен  саклап  калу,  киләчәк  буыннарга  матур,  аһәңле  итеп  тапшыру  бүгенге  көннең  үзәк  мәсьәләсе.   Бөтендөнья  татар  конгрессы  шул  максатларда  бик  вакытлы  һәм  бик  кирәкле  эш  башлап  җибәрде.  Татар  телен  саклау  һәм  үстерү  стратегиясен  эшләүгә  старт  бирелде  Арчада. “Әлифба”  музее  да  бу  мөһим  эшкә  үзенең  лаеклы  өлешен  кертә  алуына  сөенәм  мин.  Тел  әнидән,  бишек  җырыннан  башланса,  белем  әлифбадан  башлана.  Нәкъ  менә  әлифбаны  үз  туган  телендә  укыган  кешеләр  телнең  булачак  сакчылары  дип  уйлыйм  мин.  “Алтыда  белгәнне  алтмышта  да  онытмас”, —  ди халык  мәкале.

Тиздән Арчада премьера була 19.01.2019 Тиздән Арчада премьера була
«Җидегән чишмә» Арча халык театры арчалыларга Гөлсинә Зәкиеваның «Өйләнәм дигәч кенә» пьесасы буенча яңа премьера тәкъдим итәргә җыена. Премьера 29 гыйнвар көнне 19 сәгатьтә була. Рәхим итегез!


Новости 81 - 100 из 1586
Страницы: