События

Арча мәдәният йортында яңа сезон ачылышы 08.11.2023 Арча мәдәният йортында яңа сезон ачылышы
Узган җомгада Арча Мәдәният йортында яңа мәдәни сезонны ачу булды. Нәкъ узган елдагыча, быел да ул үзенчәлекле үтте. 
Моңа кадәрге бертөрлелектән туйган тамашачы көлде дә, арганчы кул да чапты, соңыннан артистларыбызны басып алкышлады. Чөнки моңа кадәр мәдәният хезмәткәре – җырчы, биюче, оештыручы буларак таныш кешеләр бөтенләй икенче яктан танылды. 

Якташыбыз Латыйпова Мөслимә Хәбри кызын туган көне белән котлыйбыз! 07.11.2023 Якташыбыз Латыйпова Мөслимә Хәбри кызын туган көне белән котлыйбыз!
Бүген, 7 ноябрь көнне, якташыбыз Латыйпова Мөслимә Хәбри кызының туган көне! Арча якташлыгы  Сезне туган көнегез белән тәбрик итә. 

Сезгә нык сәламәтлек, күңел тынычлыгы, кайгы-хәсрәтсез көннәр, ак бәхетләр, якыннарыгызның күңел җылысын тоеп, игелекләрен күреп, бәхетле озын гомер кичерүегезне телибез!

Якташыбыз Арча муниципаль район башлыгы Илшат Габделфәрт улы Нуриевны туган көне белән котлыйбыз! 06.11.2023 Якташыбыз Арча муниципаль район башлыгы Илшат Габделфәрт улы Нуриевны туган көне белән котлыйбыз!

Бүген, 6 ноябрь көнне, якташыбыз Арча муниципаль район башлыгы Илшат Габделфәрт улы Нуриевның туган көне!

Хөрмәтле Ильшат Габдельфартович! Арча якташлыгы Сезне ихлас күңелдән туган көнегез белән тәбрик итә. Сезгә нык сәламәтлек, күңел тынычлыгы, кайгы-хәсрәтсез көннәр, ак бәхетләр, якыннарыгызның күңел җылысын тоеп, игелекләрен күреп, бәхетле озын гомер кичерүегезне телибез. Туачак таңнар һәрвакыт нурлы, күк йөзе һәрвакыт аяз булсын. Гел шулай кешеләрне сөендереп яшәгез! Арча халкы Сез башкарган хезмәтегез өчен зур рәхмәтләр белдерә!

Бүген, 4 ноябрь көнне якташыбыз Шәйхиева Гөлназ Фирдинатовнаның (Гөлназ Шәйхи) туган көне! 04.11.2023 Бүген, 4 ноябрь көнне якташыбыз Шәйхиева Гөлназ Фирдинатовнаның (Гөлназ Шәйхи) туган көне!
Бүген, 4 ноябрь көнне якташыбыз Шәйхиева Гөлназ Фирдинатовнаның (Гөлназ Шәйхи) туган көне!
Арча якташлыгы Сезне чын күңелдән туган көне белән тәбрик итә! Сезгә нык сәламәтлек, күңел тынычлыгы, хәерле озын гомер, кайгы-хәсрәтсез көннәр,яңадан-яңа иҗади уңышлар тели! Һәрвакытта да шулай шат, көләч йөзле, изге күңелле булып калыгыз. Алга таба да шатлыкта, куанычта, бәхеттә яшәргә язсын Сезгә! 

Авылдашлар белән очрашуга ни җитә! 04.11.2023 Авылдашлар белән очрашуга ни җитә!
Күлтәс авылы клубында китапханә белән берлектә укытучылар һәм өлкәннәр көне уңаеннан оештырылган “Өлкәннәребез иҗаты” дип исемләнгән кичә булды. Авыл ветераннар советы рәисе Роза Кәлимуллина бәйрәмнәр белән котлады. Казаннан кайткан өлкән авылдашыбыз Гөлзада апа Шәяхмәтова да изге теләкләрен җиткерде. “Без бүгенге картлык көнебезгә кадәр яшәгәнбез икән, моның өчен Аллаһы Тәгаләгә рәхмәтлебез. Раббыбызның рәхмәтендә, бәрәкәттә, тыныч илебездә яшәсәк иде”, - диде. Амин!

Арча районы - җиңүче! 03.11.2023 Арча районы - җиңүче!

Арча районы  “Татарстанның мәдәни башкаласы” бәйге-фестиваленең Гран при иясе булды. Монда үзебезнең мәдәният хезмәткәрләре өлеше зур. 

Район Мәдәният йорты җитәкчесе Рамил Мөхетдинов, урынбасары Марат Котдусов, сәнгать җитәкчесе Ләйлә Хәкимова Татарстан Республикасы Мәдәният министрлыгы Мактау грамотасы бн бүләкләде.

Рәхмәтемнең иң олысы сезгә булсын! 02.11.2023 Рәхмәтемнең иң олысы сезгә булсын!
Өлкәннәр һәм Укытучылар көннәре уңаеннан үткәрелгән кичәләрдә алган куаныч, шатлыкларыбызны сезгә дә язарга булдык. Иң беренче бәйрәм Урта Курса мәктәбендә үтте. Биредәге үзгәрешләрне, матурлыкны, чисталыкны күреп сокландык. Балаларның чыгышларын карап, яңадан укыткан яшьлек елларына кайттык, күзләр яшьләнде. Радик Рәкыйпаович җитәкләгән колектив безне чәй өстәле әзерләп, тәм-томнар белән сыйлады.

Кәчедә хәйрия концерты үтте 01.11.2023 Кәчедә хәйрия концерты үтте
Кәчедә хәйрия концерты булды. Татар эстрадасынын танылган җырчылары тамашачыны яраткан җырлары белән сөендерде. Концерттан җыелган акча мобилизацияләнеп яки контракт белән махсус хәрби операция барган зонада хезмәт итүче егетләрнең гаиләләренә тапшырылачак. Моннан тыш авылы яшьләре дә бердәм булып акча җыйган. Аңа егетләр өчен яңа киемнәр алырга уйлыйлар.

Күптән көтелгән очрашу 31.10.2023 Күптән көтелгән очрашу
Укучыларны  һәм яшүсмерләрне патриотик  рухта тәрбияләү максатыннан, Д.Г.Хәкимов исемендәге Түбән Мәтәскә урта мәктәбендә махсус хәрби операциядә катнашучы, вакытлыча ялга гына кайткан авылдашыбыз, шушы мәктәпне укып тәмамлаган  патриот ир-егетебез –Саттаров Равил Гаптелхәй улы һәм аның тормыш иптәше Ракова Фәридә апа белән бик җылы очрашу булды. Очрашуда Иске Кырлай авылы җирлеге башлыгы  Лотфуллин Фәнил Фәнәвил улы да катнашты. 

Наласа авыл җирлегендәге тәҗрибәне өйрәнергә Пермь өлкәсеннән дә килгәннәр 30.10.2023 Наласа авыл җирлегендәге тәҗрибәне өйрәнергә Пермь өлкәсеннән дә килгәннәр

Район ветераннар советының (җитәкчесе Рәмзия Хәмидуллина) Наласа авыл җирлегендә күчмә утырышы булды. Утырышта урыннардан башлангыч ветераннар оешмалары рәисләре катнашты.

Кунакларны Наласа авыл җирлеге башлыгы Илфира Шакирова каршы алды һәм озатып йөрде. Иң башта ул безне яшь гаиләләргә төзелгән биш йорт янына алып килде. “Менә бу йортлар дәүләтнең махсус программасы нигезендә авыл хуҗалыгында эшләүче белгечләргә төзелде. Йорт бәясенең 30 процентын гына түләү программасы бу, – дип сөйләде Илфира Шакирова. – “Игенче” агрофирмасында эшләүче яшь белгечләргә төзелде бу йортлар. Менә тагын 5 йортка урын алып куйдык”.

Арчалар чыгышын тамашачы басып алкышлады 29.10.2023 Арчалар чыгышын тамашачы басып алкышлады
Арча Мәдәният йортында яңа сезонны ачу булды. Бу чара икенче ел рәттән инде үзенчәлекле үтә. Моңа кадәрге бертөрлелектән туган тамашачы бүген көлде дә, арганчы кул дә чапты, соңыннан артистларыбызны Басып алкышлады.

Таһир абыйга 95 яшь! 28.10.2023 Таһир абыйга 95 яшь!
Район авыл хуҗалыгы һәм азык-төлек идарәсе җитәкчесе Ленар Абдуллин Симетбаш авылында яшәүче Таһир Мифтаховны 95 яшьлек юбилее белән котлады, аңа Татарстан Республикасы Премьер-министры урынбасары – авыл хуҗалыгы һәм азык-төлек министры Марат Җәббаровның Рәхмәт хатын, бүләкләр тапшырды.

Гүзәл алтын медаль иясе булды. Спортта түгел... 27.10.2023 Гүзәл алтын медаль иясе булды. Спортта түгел...
Арчадан Гүзәл Валиева "Абилимпикс-2023" Бөтенроссия бәйгесендә алтын медаль иясе булган. Ул ыргак энә беләү бәйләү номинациясендә үз һөнәрен күрсәткән. Гүзәл сайлап алу турында җиңеп чыгып, республика буенча беренче булган һәм Татарстан командасы составына кергән. 

Җиңүле юлын дәвам итә 27.10.2023 Җиңүле юлын дәвам итә
Арча Мәдәният йорты каршындагы "Арча бизәкләре" халык уен кораллары ансамбле (җитәкчесе Филарит Гасыймов) җиңүле юлын дәвам итә. Ансамль яңадан дипломант исеменә лаек булган. Бу юлы инде республикадан читтә, Сверлау өлкәсендә. Аракай Мәдәният йортында үткән "Уйнагыз, гармуннар" төбәкара әйгесендә катнашкан якташларыбыз һәм анда районыбыз гына түгел, республиканың да данын яклаган.

Арчада шәҗәрә төзүчеләр осталык дәресе бирделәр 26.10.2023 Арчада шәҗәрә төзүчеләр осталык дәресе бирделәр
26 октябрьдә Россия күләмендә шәҗәрә мәдәнияте көне билгеләп үтелә. Шул уңайдан Арча үзәк китапханәсендә районыбыздан чыккан һәм биредә гомер итүче шәҗәрә төзү осталары, әлеге юнәлеш белән кызыксынучылар җыелды.

Арчада сугышчы Алишер белән хушлаштылар (ВИДЕО) 25.10.2023 Арчада сугышчы Алишер белән хушлаштылар (ВИДЕО)
Бүген Арчаның үзәк мәчете янында махсус хәрби операциядә һәлак булган сугышчы Ашимханов Алишер Амирханович белән хушлаштылар. Әнисе Марина, әтисе Амирхан. Бер сеңлесе бар. Бар да биредә: якыннары, туганнары, иптәшләре, сыйныфташлары...Арча районы мөхтәсибе Әмир хәзрәт Миңнемуллин догалар укыды. Район башкарма комитеты җитәкчесе Ринат Гатиятов, Татарстан Республикасы мәдәният министры урынбасары Ленар Хәкимҗанов, Арча һәм Әтнә районнары буенча хәрби комиссар Азат Вахитов, "Сугышчан дуслык" оешмасы җитәкчесе Сергей Баһаветдинов, мәрхүмнең якыннарының кайгысын уртаклашып,  хушлашу сүзе белән чыктылар.

Яңа Кырлай мәктәбендә агросыйныф ачылды 24.10.2023 Яңа Кырлай мәктәбендә агросыйныф ачылды

20 октябрьдә Яңа Кырлай урта мәктәбендә агросыйныф ачылу тантанасы булды.

Анда район авыл хуҗалыгы һәм азык-төлек идарәсе җитәкчесе Ленар Абдуллин, мәшгульлек үзәге җитәкчесе Гөлфия Гыйбадуллина, агросәнәгать көллияте директоры Зөлфәт Дәүләтбаев катнашты.

Тыныч йокла брат, Рәсүл... (ВИДЕО) 23.10.2023 Тыныч йокла брат, Рәсүл... (ВИДЕО)
Арчаның тагын бер улын алып кайтып җирләделәр. Ул - Рәис улы Рәсүл Яһудин. Әтисе Айваннан, әнисе Иске Иябаштан Тәнзилә. Рәсүл Арчаның Балык хуҗалыгы бистәсендә үсте. Шуннан контракт белән хәрби хезмәткә алынды. Ике тапкыр ялга кайтып киткән. Соңгысы әле август ахырында гына 14 көнгә ялга кайткан булган.

Кул көрәше буенча ярышлар 22.10.2023 Кул көрәше буенча ярышлар
 "Арча" спорткомплексында 2006-08, 2009-10 нчы елгы егетләр һәм кызлар арасында кул көрәше буенча ярышлар булып узды. Әлеге ярышта Арча районы мәктәпләреннән һәм уку йортларыннан 152 бала катнашты.
Ярышлар барлыгы 28 үлчәү категориясендә, уң һәм сул куллар буенча, декабрь аенда узачак Татарстан Республикасы беренчелегенә сайлап алу туры буларак үтте

Якташыбыз Батырлык ордены белән бүләкләнде 21.10.2023 Якташыбыз Батырлык ордены белән бүләкләнде
Ул яраланып бер ай госпитальдә дәваланганнан соң, тернәкләнү өчен бер айга өенә кайтты һәм үтенечебезне кире какмыйча, редакциягә килде.

Якташыбызның (куркынычсызлык максатында исемен әйтмибез, позывное “Дед”)  узган елның октябрь аенда үз теләге белән контракт төзеп махсус хәрби операция барган зонага китүе турында язган идек инде. “Мин анда булырга тиеш”, – дигән карар белән китә ул. Операция кичереп, тернәкләнү өчен кайткан вакытында очраштык аның белән. Гыйнвар ахырында ул яңадан китте. Һәм менә тагын...

Ташкичүдә хәйрия концерты 20.10.2023 Ташкичүдә хәйрия концерты
"Бергә булыйк бердәм булыйк,бердәмлекте көч диләр". Бик матур хайрия концерты үтте, якын тирә авылларда эшләүче, яшәүче хезмәттәшләребез, дусларыбыз белән бергәлектә, Яшел Үзән районы Күлбаш авылыннан, "Авылым җәүһәрләре" ансамбле ерак араларны якын итеп безнең белән бер сәхнәдә булып , бик зур концерт оештырдык. Килгән ,бу хәйрия концертына хезмәтләрен керткәннәрнең барчасына да зур рәхмәтләребезне белдерәбез, Кичәбездә кадерле ханым, Арча районы ветераннар оешмасының рәисе Рамзия Шарип кызы да катнашты.

Район ветераннар советының Наласа авыл җирлегендә күчмә утырышы булды 19.10.2023 Район ветераннар советының Наласа авыл җирлегендә күчмә утырышы булды

Кунакларны Наласа авыл җирлеге башлыгы Илфира Шакирова каршы алды һәм Наласа, Урта Бирәзә авылларындагы тормыш белән таныштырды.

Район ветераннан советы (җитәкчесе Рәмзия Хәмидуллина) әгьзалары, урыннардагы башлангыч ветераннар оешмалары рәисләре Наласа белән Урта Бирәзә авылларында социаль-мәдәни-мәгариф обьектларда булдылар. Мәктәп, балалар бакчасы, клуб, ФАПлар, мәчет, авыл халкы тормышы белән танышып, соңыннан нәтиҗә ясап, киңәшмә үткәрделәр. Ветераннар бу җирлектәге яңалыкларны күрреп, канәгать булып кайттылар.

Бүген якташыбыз Валиев Равил Шамил улының туган көне! 18.10.2023 Бүген якташыбыз Валиев Равил Шамил улының туган көне!
Бүген, 18 октябрь көнне якташыбыз Валиев Равил Шамил улының туган көне! “Арча якташлыгы” җәмәгать оешмасы Сезне ихлас күңелдән туган көнегез белән тәбрикли!

Сезгә нык сәламәтлек, күңел тынычлыгы, ак бәхетләр, якыннарыгызның күңел җылысын тоеп, бәхетле озын гомер кичерүегезне телибез. Туачак таңнар һәрвакыт нурлы, күк йөзе һәрвакыт аяз булсын.

Чулпан авылында яшәүче Нина Степановна белән Сергей Матвеевич Чаптаровлар алтын туйларын Арчаның ЗАГС бүлегендә билгеләп үтте. 17.10.2023 Чулпан авылында яшәүче Нина Степановна белән Сергей Матвеевич Чаптаровлар алтын туйларын Арчаның ЗАГС бүлегендә билгеләп үтте.

Матур пар. Алардан яктылык бөркелә. Ярты гасыр элек гаилә корган ир белән хатын димәссең дә. Күзләре яна, йөрәкләрендә мәхәббәт ялкыны дөрли.

Чулпан авылында яшәүче Нина Степановна белән Сергей Матвеевич Чаптаровлар алтын туйларын Арчаның ЗАГС бүлегендә билгеләп үтте.

Син – минем бәхет, мин – синең бәхет 16.10.2023 Син – минем бәхет, мин – синең бәхет

Арча ЗАГСында Арчадан Флюра һәм Булат Галиуллиннар зөбәрҗәт, уллары белән киленнәре Айрат һәм Гүзәлия фарфор туйларын билгеләп үтте. Бер көндә ике юбилей!

Зөбәрҗәт сирәк очрый торган асыл таш булган кебек, зөбәрҗәт туй да еш булмый. 55 ел бергә яшәгән парлар гына зөбәрҗәт кебек асыл юбилейларын билгеләп үтә. Флюра һәм Булат Галиуллиннар ярты гасырдан артык иңне-иңгә куеп гомер иткән парларның берсе.

Арчалар  "Хезмәт кешесен данлыйбыз!" конкурсына җиңү яулый 15.10.2023 Арчалар "Хезмәт кешесен данлыйбыз!" конкурсына җиңү яулый

Район авыл хуҗалыгы һәм азык-төлек идарәсе җитәкчесе Ленар Абдуллин хәбәр итә.

- Бүген Алексеевск районында "Хезмәт кешесен данлыйбыз!" конкурсына йомгак ясалды. Җиңүчеләрне Татарстан Республикасы авыл хуҗалыгы һәм азык-төлек министры Марат Җаббаров котлады. Арча районыннан "Иң яхшы теоритик белем" номинациясендә "Ак Барс агрокомплексы" ннан яшь комбайнчы Рамил Нуриев җиңүче булды. Котлыйбыз!


Беренче тапкыр ипи ашадым 15.10.2023 Беренче тапкыр ипи ашадым

Наласа авылында яшәүче Илдус Насыйбуллин үзенең 90 яшьлек юбилеен билгеләп үтте

Венгриядәге сугышчан хәрәкәттә катнашкан ул. Анда күргәннәрен берәүгә дә сөйләми, әмма шул куркыныч көннәр әле дә йөрәгендә саклана. 
Юбилеена туганнары, якыннары да кайткан иде.

Кунакларны Илдус абый үзе каршы алды. Күзләр генә тия күрмәсен, аңа бу яшьне биреп булмый әле. Бик күп авырлыклар күреп үссә дә, тормыш юлы шома гына бармаса да, бирешмәгән ветеран. Озак яшәвенең сере белән кызыксынгач, хәрәкәттә, дип әйтүен көткән идек. Юк, икенче төрле җавап ишеттек. “Хезмәттә. Гаиләмдәге тынычлыкта”, – диде 66 ел дәвамында ярдәмчесе дә, киңәшчесе дә, терәге дә булган хатыны Оркыя апага ымлап. 

Арчада агач утырту акциясендә район башлыгы Илшат Нуриев катнашты 14.10.2023 Арчада агач утырту акциясендә район башлыгы Илшат Нуриев катнашты
14 октябрьдә Татарстанда «Урманны саклау» акциясе бара. Арчаның Казансу паркында да агач утырталар. Район башлыгы Илшат Нуриев та агач утыртты. 1 метрлы чыршы агачлары. Чыршылар әйбәт. Алла боерса, үсеп китәрләр. Кичә дә монда студентлар нарат агачлары утыртканнар. Паркта һава тагын да яхшырак булачак. Арчада барысы 1600 агач утыртылачак.

Әтиләр көненә багышлап бик матур бәйрәм 13.10.2023 Әтиләр көненә багышлап бик матур бәйрәм

12 октябрьдә Арчаның “Сандугач“ балалар бакчасының кече төркемендә Әтиләр көненә багышлап бик матур бәйрәм үткәрделәр.

Утар-Аты мәктәбендә «Ком сәгате» тапшыруы узды 12.10.2023 Утар-Аты мәктәбендә «Ком сәгате» тапшыруы узды

11 октябрь көнне районыбызның Утар-Аты төп гомуми белем мәктәбендә төрле елларда укыткан укытучылар, җитәкчелек иткән директорлар бүген хезмәт куючы укытучылар һәм укучылар белән очрашты

Килгән кунакларны мәктәпнең ишек төбеннән үк укучылар кул чабып каршы алдылар.

Бәйрәм чарасын белем йортының директоры Руслан Низамов узган бәйрәмнәр белән котлап, мәктәпнең бүгенге торышы белән таныштырудан башлап җибәрде.

Бүген якташыбыз Габделфәт Сафинның туган көне! 11.10.2023 Бүген якташыбыз Габделфәт Сафинның туган көне!
Сафин Габделфәт Габдрахман улы 1962 елның 11 октябрендә Татарстан республикасы Арча районы Симетбаш авылында туган. Бөек шагыйрь яшәгән һәм иҗат иткән Тукай–Кырлайдан нибары биш чакрым ераклыкта гына аның туган авылы. Кырлай урта мәктәбен тәмамлаганнан соң Габделфәт Сафин Казан төзүче–инженерлар институтына укырга керә. 

Курса Почмак авылында яраткан җырчыбыз Фердинанд Фәтхи һәм Иске Ашыт Сәяра халык театры артистлары өлкәннәргә менә дигән ял бүләк иттеләр 11.10.2023 Курса Почмак авылында яраткан җырчыбыз Фердинанд Фәтхи һәм Иске Ашыт Сәяра халык театры артистлары өлкәннәргә менә дигән ял бүләк иттеләр
Искеашытлар, афәрин! Татарстанның халык җырчысы Фердинанд Фәтхи җырлап кына калмады, биетте дә. Иске Ашыт Сәяра халык театры артистлары классик әсәрләреннән өзекләр, шаян скетчлар да уйнадылар. Тамашачылар рәхәтләнеп ял итеп утырдылар. Рәхмәт. Тулырак итеп район газетасында язарбыз.

Мәдәният йортында районыбызның легендар шәхесе Тәнзилә Закированы хөрмәтләделәр 10.10.2023 Мәдәният йортында районыбызның легендар шәхесе Тәнзилә Закированы хөрмәтләделәр
Тәнзилә Закирова туган авылы Урта Бирәзәдән җәяүләп менеп поездга утырып Казанга бара, шуннан күтәреп фильмнар алып кайта. Моның өчен күпме тырышлык кирәк. Аның хезмәтен югары бәяләделәр – Татарстанның, Россиянең атказанган киномеханигы исемнәрен йөртүче кешеләр тагын бармы икән!

Күңелле очрашу 09.10.2023 Күңелле очрашу
Минем оныгым Эвелина Гыйльфанова Арчаның алтынчы мәктәбендә бишенче сыйныфта укый. Дүртенче сыйныфтан соң аларга сыйныф җитәкчесе булып Гөлсирә Гыйльметдинова килде. Әле яңа гына булса да, балалар аны бик тиз үз итте. Ул да укучыларын яратты. Өлкәннәр көне уңаеннан ул әби-бабайларны кунакка чакырды.

Гомере буе Лесхоз училищесында физика фәнен укыткан Рифат абый Гаттаровка 85 яшь тулды 08.10.2023 Гомере буе Лесхоз училищесында физика фәнен укыткан Рифат абый Гаттаровка 85 яшь тулды

ади, гадел, үз фәнен яхшы белгән укытучы ул

Чыгып киттек Үрнәккә! Укытучы кеше укытучы кеше инде, Рифат абый безне костюм-чалбар, ак күлмәктән каршы алды. Һәрвакыттагыча елмаеп сөйләшә. Тумышы белән Урта Пошалым авылыннан.  

“Күрше кызлары курчак белән уйнаганда без печәнлектә печән таптый идек“ 07.10.2023 “Күрше кызлары курчак белән уйнаганда без печәнлектә печән таптый идек“
Чиканас авылының төзеклегенә, матурлыгына сокланып кайттык. “Бу авылда тырыш кешеләр күп, – ди район авыл хуҗалыгы һәм азык-төлек идарәсенең финанс-икътисад бүлеге җитәкчесе Марат Абдуллин. – Булдыра алган һәркем нәрсә белән булса да шөгыльләнә“.

Өлкәннәр хөрмәтенә турнир узды 06.10.2023 Өлкәннәр хөрмәтенә турнир узды

Өлкәннәр ункөнлеге кысаларында районыбызды төрле чаралар дәвам итә.

5 октябрьдә район шахмат клубында ветераннар арасында шашка һәм шахмат турниры уздырылды.

6 октябрьдә ветераннар белән укучылар Укучылар сараенда шахмат буенча көч сынаштылар.

Айван авылында ветераннарны хөрмәтләделәр (ВИДЕО) 05.10.2023 Айван авылында ветераннарны хөрмәтләделәр (ВИДЕО)
Ветераннарны бәйрәмгә чакырып, авыл төркеменә язып элделәр. Теләгән кеше һәркем килә алды. Гомер буе мәдәният йорты җитәкчесе булып эшләгән Гөлзилә Миңнуллина, афәрин! Бүгенге мәдәният йорты җитәкчесе Ләйсән Ялаева, сәнгать җитәкчесе Гөлнара Гыйниятуллина, авыл китапханәсе мөдире Гөлнар Шәмсетдинова, авылның үзенең үзешчәннәре Светлана Хаҗиева, Резидә Газизова, Лилия Мангуткина, Гөлфия Рысаева, молодцы! 

Арчада Өлкәннәр ункөнлеге яшьлек җырлары белән башланып китте 04.10.2023 Арчада Өлкәннәр ункөнлеге яшьлек җырлары белән башланып китте

2 октябрьдә Арча район Мәдәният йортында өлкәннәр ункөнлеген ачу тантанасы узды.

Килгән кунакларны Мәдәният йортының ишек төбеннән үк тальян моңы каршы алды. Икенче катта кул эшләреннән күргәзмә, милли киемнәрдән тораган дефиле һәм йога белән шөгыльләнүче өлкән райондашларыбызның чыгышлары тәкъдим ителде.

Өлкәннәр көне уңаеннан Мөхәммәт Мәһдиев музеенда очрашу оештырылды 03.10.2023 Өлкәннәр көне уңаеннан Мөхәммәт Мәһдиев музеенда очрашу оештырылды
Өлкәннәр көне уңаеннан Гөберчәк авылының өлкәннәре белән Мөхәммәт Мәһдиев музеенда очраштык, - дип сөйләде музей җитәкчесе Халидә Габидуллина. -  "Яшәгез көлеп кенә, дөньядан ямь табып кына" исемле бәйрәм кичәсе хәер-догадан башланды. Өлкәннәребезне бәйрәм белән котладык. Аларның үткән гомер юлына күз салдык. Тормышларындагы иң үзәккә үткән һәм күңелле мизгелләрне дә искә төшердек.

Әниләрен тәрәзәдән алып чыгалар 02.10.2023 Әниләрен тәрәзәдән алып чыгалар

Кызылъяр авылында йорты янган Гөлсинә апа үлемтекләр, сандык калды, дип бик өзгәләнде... Ярдәм итик.

Бу арада янгыннар еш булды. Күпербашта башта мунча белән сарай янды, бер тәүлектән соң төнлә йортлары да янды. Кызылъяр авылында иртәнге якта агач йортка ут капты. Арчада Галактионов урамында бер йортта янгын чыгып, өй эченнән 1984 елгы ир кешенең мәетен табып алдылар. Янгыннарның сәбәбен тикшерәләр.

Арчадан Гаптелбәровлар гаиләсе финалга үтте 01.10.2023 Арчадан Гаптелбәровлар гаиләсе финалга үтте
Арчадан Гаптелбәровлар гаиләсе "Нечкәбил-2023" республика фестивалендә район данын яклый. Алар уңышлы чыгыш ясап, фестивалънең финалына үтте. Финал ярышларында дә уңышлар телибез үзләренә. Ноябрьгә дә күп калмады.

Район авыл хуҗалыгы һәм азык-төлек идарәсе үз ветераннарын онытмый 29.09.2023 Район авыл хуҗалыгы һәм азык-төлек идарәсе үз ветераннарын онытмый
Быел да Өлкән яшьтәге кешеләр көне уңаеннан 20дән артык ветеранга ашамлыклар тутырылган пакетлар өләштеләр. Бүләкләрне терлекчелек бүлеге киңәшчесе Роберт Хәйретдинов белән ветераннар советы рәисе Илгиз Бәйрәмов тапшырды. Район авыл хуҗалыгы идарәсендә озак еллар эшләп лаеклы ялга чыккан Мәгъсүмә Хәнәфиева юбилее уңаеннан Татарстан Республикасы Авыл хуҗалыгы һәм азык-төлек министрлыгының Рәхмәт хаты белән бүләкләнде.

Хәйрия концерты үтте 28.09.2023 Хәйрия концерты үтте
Хәйрия концертыннан җыелган акчаларны (барысы14600 сум) тапшыру өчен сәхнәгә Шәриповлар гаиләсен чакырдым. Аларның уллары Айзат мобилизацияләнде. Фирдия апа да, Рәфкать абый да елый-елый рәхмәт укыды. Ә алар аны Яңа Кенәрдән килгән волонтерларга тапшырды. “Минем балама гына түгел, бар кешенең дә газизенә булсын, – диде Фирдия апа.

Якташыбыз, Илназ Баһның юбилей концертына чакырабыз! 27.09.2023 Якташыбыз, Илназ Баһның юбилей концертына чакырабыз!
Татарстан Республикасының атказанган артисты, автор, башкаручы, композитор, шагыйрь, актер  - Илназ Бахның юбилей концерты.

Барыгызны да бәйрәм концертына чакырабыз! Баһны бергә котлыйбыз!

27 ноябрь 2023, Казан, Пирамида мәдәни-күңел ачу комплексы

Татарча көрәш буенча Татарстан беренчелеге узды 26.09.2023 Татарча көрәш буенча Татарстан беренчелеге узды
22-23 сентябрь көннәрендә Казан шәһәрендә көрәш буенча  көзге сезонның беренче рәсми турниры -19-21 яшьлек егетләр арасында Татарстан беренчелеге узды.

Әлеге ярышта Арча районы командасы да катнашты һәм 27 команда арасында 4 урынга чыкты.

Арча стадионында укытучылар, тәрбиячеләр һәм техник хезмәткәрләр йөгерде 25.09.2023 Арча стадионында укытучылар, тәрбиячеләр һәм техник хезмәткәрләр йөгерде
Арча стадионында Татарстан Республикасы профсоюзлар көненә багышланган кросс буенча ярышлар булды. Ярышларда район мәгариф хезмәткәрләре профсоюз әгьзалары (башлангыч профсою оешмалары) катнашты. Җитәкчеләре - Вакыйф Харисов. Педагоглар һәм техник хезмәткәрләр ярышты. 

Олыгайган саен күбрәк сагынасың 25.09.2023 Олыгайган саен күбрәк сагынасың

“Туган ил кайдан башлана?” Узган уку елы дәвамында мәктәпләрдә шул теманы үз эченә алган лекцияләр циклы үтте. Ул быел да дәвам итәме?

Бу хакта без район хатын-кызлар советы җитәкчесе Альмира Мидхәтовна белән сөйләштек. Ул алып барган лекцияләр “Гаилә кыйммәтләре. Әхлаклылык” темасын үз эченә алды.

Арчалар Казан яринкәсендә 24.09.2023 Арчалар Казан яринкәсендә
- "Возрождение" агрофирмасы, "Тукай" хуҗалыгы, "Кырлай" агрофирмасы, "Ашытбаш" хуҗалыгы, Галәветдинов Альберт фермер хуҗалыгы, районның төрле оешмалары, Иске Чүриле, Кәче, Утар-Аты, Яңа Кырлай авыл җирлекләре Казан шәһәрендә авыл хуҗалыгы продукциясе ярминкәсе оештырдылар.

Урманчылар эшли дә, бәйрәм итә дә белә 23.09.2023 Урманчылар эшли дә, бәйрәм итә дә белә

Ярышта җиңгән командалар
Беренче урынны Тукай участогы урманчылыгы командасы алды. Икенче – Мари Иле Бәрәңге районы урманчылары, өченче – Сурнар участогы  командасы. 
Иң яхшы капитаннар
Алар: Фәнил Мәгъсумов (Тукай участогы), Юрий Николаев (Сурнар), Рүзәл Мөхәммәтов (Мари Иле Бәрәңге районы “Габит” урман хуҗалыгы ширкәте бүлеге җитәкчесе), Фәргать Һадиев (Балтач  участогы). 
Һөнәр осталары да бүләкләнде
Алар: Рафис Исламов – Тукай произвоство участогы җитәкчесе, Илдар Нигъмәтҗанов – Мари Иле Бәрәңге районы “Габит” ширкәте филиалы җитәкчесе, Алмаз Миннебаев – Тукай участогы урман мастеры.


Тарихка уелып кала торган мизгелләр! 22.09.2023 Тарихка уелып кала торган мизгелләр!

Шураларга исем китте: күпме энергия, дәрт-дәрман, җырга, гармунга осталык! Аяклар үзләреннән-үзләре тыпырдап биеп китә, кушылып җырлап та җибәрәсең! 

Рәмзия Гайфуллина белән Кашаф Рәхмәтуллин рәхәтләнеп гармунда уйныйлар. Аларга кушылып Рафия Салихова, Нәкыйп Салихов, Люция Молчанова, Хәлисә Лотфуллина, Халидә Рәхмәтуллина, Люция Хәбибрахманова Мәүдүдә Муллагалиева, Клара Хөсәенова җырлыйлар. 

Бизәлгән җигүле атларда беренчелек - Курса-Почмактан Хәлил Хәсәновта 21.09.2023 Бизәлгән җигүле атларда беренчелек - Курса-Почмактан Хәлил Хәсәновта
Яңа Кырлайда “Ат көне” буласы алдан газетага бирелде, электрон челтәрләргә таратылды. Казаннан артистлар киләсе булгангамы, көн әйбәт иде – шуңамы, әллә ат ярышларын яратучылар бихисап – халык күп килде.

Бөтенроссия бәйгесендә беренче урынны яулады 20.09.2023 Бөтенроссия бәйгесендә беренче урынны яулады
Бөгелмә шәһәрендә "Милли моң" Бөтенроссия мөнәҗәтләр бәйгесе үтте. Анда Арча районыннан Халидә Вафина, Рая Фәтхуллина, Гөлгенә Хәбибрахманова катнашты. Искиткеч моңлы тавышлы Халидә Вафина  "Дин гыйлеме-татлы җимеш" мөнәҗәтен башкарып, беренче урынны яулады. Рая Фәтхуллина белән Гөлгенә Хабибрахманова да  уңышлы чыгыш ясап, сертификат белән бүләкләнде.

Күпербашта башта сарай белән мунча, бер тәүлектән соң йортлары янды 19.09.2023 Күпербашта башта сарай белән мунча, бер тәүлектән соң йортлары янды
Бүген төнлә сәгать 1 тулганда (00.54) Күпербаш авылында йорт янды. Алдагы көнне кичен сарай белән мунчасы янган иде. "Янгын сүндерүчнләр килгәнче күршеләре хуҗабикәсен һәм улын тәрәзәдән чыгарган. Пешмәгәннәр, әмма бик нык курыкканнар. Әлегә тикшерү бара", - диде район янгын часте җитәкчесе урынбасары Наил Бәйрәмов. Берүк сак булыйк!

Якташлар, кем ничек булдыра ала, ярдәм итәргә чакырабыз. 

Танылган әдип Гариф Ахунов тууына 98 ел! 18.09.2023 Танылган әдип Гариф Ахунов тууына 98 ел!
Гариф Ахунов (Гарифҗан Ахунҗан улы Ахунов) 1925 елның 18 сентябрендә Татарстан АССРның Арча районы Өчиле авылында крестьян гаиләсендә туган. Аның әтисе Ахунҗан абзый, авылның беренче коммунист-активистларыннан булып, күмәкләшү чорында ярлы крестьяннар арасында зур оештыру эшләре алып барган өчен 1931 елда кулаклар тарафыннан үтерелә. Әтисез калган дүрт баланы әниләре тәрбияләп үстерә. Күрше Казанбаш авылы мәктәбендә җиде класс белем алганнан соң, Гарифҗан 1940 елда Арча педагогия училищесына укырга керә, ләкин Бөек Ватан сугышы башлану сәбәпле укуын өзәргә мәҗбур булып, колхозда зшли, 1946 елда гына яңадан училищедагы укуын дәвам иттерә. 1947—1952 елларда ул В. И. Ульянов-Ленин исемендәге Казан дәүләт университетының татар теле һәмәдәбияты бүлегендә укый. Аның язучы буларак беренче иҗат тәҗрибәләре дә шушы студентлык елларына туры килә. 

Бүген Габдрахманова Гөлнара Зәкәрия кызының туган көне! 18.09.2023 Бүген Габдрахманова Гөлнара Зәкәрия кызының туган көне!
Бүген, 18 нче сентябрь көнне, якташыбыз Татарстан Республикасының Архив эше буенча дәүләт комитеты рәисе Габдрахманова Гөлнара Зәкәрия кызының туган көне!

Зөләйха Гыйззәтулла кызы Богданова тууына 137 ел! 18.09.2023 Зөләйха Гыйззәтулла кызы Богданова тууына 137 ел!
Бүген, якташыбыз, татар театрының беренче артисткаларыннан саналучы Зөләйха Гыйззәтулла кызы Богданова тууына 137 ел!

Зөләйха Гыйззәтулла кызы Богданова 1886 елның 18 сентябренда Казан губернасы Казан өязе (хәзерге Арча районы) Орнашбаш авылында туган. Татар театрының беренче артисткаларыннан. Буа татар театры җитәкчесе (1926-1947). 

“Балаларны яратмасаң, укытучы булып эшләп булмый” 17.09.2023 “Балаларны яратмасаң, укытучы булып эшләп булмый”
Дәресләр алып бара, шигырьләр, көйләр иҗат итә, дәрәҗәле бәйгедә җиңүчеләр исемлегенә керә – болар барысы да Арчаның алтынчы мәктәбе башлангыч сыйныфлар укытучысы Ришад Сәйфетдинов турында.

70 яшьлек юбилеен гөрләтеп үткәрәсе иде дә бит... 16.09.2023 70 яшьлек юбилеен гөрләтеп үткәрәсе иде дә бит...

Арча Мәдәният йортында гомер буе җитәкче урыннарда эшләгән Наил Габдрахмановны искә алу кичәсе узды. Анда аның гаиләсе, хезмәттәшләре, дуслары, туганнары, якын иткән кешеләр катнашты.

Соңыннан зиратка бардылар, аның рухына дога кылдылар

«Казан арты» музее хезмәткәрләре Балтачта китап тәкъдир итте 15.09.2023 «Казан арты» музее хезмәткәрләре Балтачта китап тәкъдир итте

«Казан арты» тарих-этнография музее хезмәткәрләре Балтач районы Чутай авылында “Тарихта калган еллар” исемле китапны тәкъдим иттеләр.

Китапның төп герое Хәкимов  Фәтхрахман Хәким улы Чутай авылында туып-үскән. Ул 1963нче елда Арча районында халыкка көнкүреш хезмәте күрсәтү комбинаты директоры итеп билгеләнә. Хәкимов  Фәтхрахман  Хәким улы  1982 елга кадәр, лаеклы ялга киткәнче бу вазыйфаны башкара.

Якташыбыз Рүзәл Абдуллаҗан улы Йосыповны 85 яшьлек юбилее белән котлыйбыз! 14.09.2023 Якташыбыз Рүзәл Абдуллаҗан улы Йосыповны 85 яшьлек юбилее белән котлыйбыз!

Бүген, 14 сентябрь көнне якташыбыз Рүзәл Абдуллаҗан улы Йосыповның туган көне! 

Хөрмәтле Рүзәл Абдуллаҗан улы Йосыпов! “Арча якташлыгы” җәмәгать оешмасы Сезне олы бәйрәмегез — 85 яшьлек юбилеегыз белән тәбрикли! 

Сезгә нык сәламәтлек, күңел тынычлыгы, кайгы-хәсрәтсез көннәр, ак бәхетләр, якыннарыгызның күңел җылысын тоеп, игелекләрен күреп, бәхетле озын гомер кичерүегезне телибез! Алга таба да шатлыкта, куанычта, бәхеттә яшәргә язсын!

Яңа Кишеттә яңа сафка баскан авыл җирлеге бинасы үз ишекләрен ачты 14.09.2023 Яңа Кишеттә яңа сафка баскан авыл җирлеге бинасы үз ишекләрен ачты
Республика буенча 78 авыл җирлеге бинасы төзелгән (шуларның икесе Арча районында), 248е (дүртесе безнең районда) ныклап төзекләндерелгән.

Шушы көннәрдә Яңа Кишеттә яңа сафка баскан авыл җирлеге бинасы үз ишекләрен ачты. Тантанада барлык авыл җирлекләре башлыклары катнашты, кунаклар да кайткан иде.

Алмаз Сәлахиев һәм Фирдүс Гарипов исемнәрен мәңгеләштереп, истәлек тактасы ачылды 13.09.2023 Алмаз Сәлахиев һәм Фирдүс Гарипов исемнәрен мәңгеләштереп, истәлек тактасы ачылды

Советлар Союзы Герое Гани Сафиуллин батырлыгында тәрбияләнгән егетләр яу кырында югалып калмый. Исән дә булсалар икән...

Яңа Кишет мәктәбендә махсус хәрби операция барган зонада һәлак булган Алмаз Сәлахиев һәм Фирдүс Гарипов исемнәрен мәңгеләштереп, истәлек тактасы ачылды.

“Инвестор“ җимерүне дәвам итә 13.09.2023 “Инвестор“ җимерүне дәвам итә

Складларны ватып-ишеп бетергәч ындыр табагына тотынганнар, “ЗАВ-10“ны кискәләгәннәр,  металлдан булган һәр нәрсәне ваталар, җимерәләр.

Бу башбаштаклыкны оештыручыларга карата ник чара күрмиләр, дип шалтыраталар безгә.

Районыбыз горурлыгы, алар! 12.09.2023 Районыбыз горурлыгы, алар!
12 сентябрьдә Арчада бик матур тантана булды – район хакимияте каршында Арча районының шәрәфле гражданнарының Мактау тактасы ачылды.

Районыбызда игътибар көтеп яткан ядкәрләр бар 11.09.2023 Районыбызда игътибар көтеп яткан ядкәрләр бар
Симетбаш авылында күп тапкырлар булган бар. Бу юлы район авыл хуҗалыгы һәм азык-төлек идарәсе җитәкчесе Ленар Абдуллин белән алдынгы комбайнчыларны бүләкләгәннән соң басу ягыннан килеп кердек. Шунда агач-куаклар арасында посып утырган кечерәк кенә бинага күз төште.

Яңа Кырлайда Ат көне 10.09.2023 Яңа Кырлайда Ат көне
Атлар 160км, 120, 100, 80 һәм 40 км.га чаптылар. Сәгать иртәнге 4 тулып киткәч, ике ат 120 км.га кузгалды. Озын арага барысы 19 ат чапты. Быел атлар азрак,диделәр. Чөнки Россия күләмендәге ярыш. Халыкара ярыш булса, катнашучылар да күбрәк булыр иде. Башта яңгыр явар дип куркыткан иде, яумады. Көндез кыздырып та алды.

Бүген, 9 сентябрьдә, Яңа Кырлайда «Ат көне» була 09.09.2023 Бүген, 9 сентябрьдә, Яңа Кырлайда «Ат көне» була
Ул үзе бер бәйрәм була. Ат ярышлары, төрле кызыклы уеннар, концерт... Кыскасы, килегез, күрегез бу бәйрәмне!

Бүген якташыбыз, Татарстанның халык артисты, Гөлзадә Сафиуллинаның туган көне! 08.09.2023 Бүген якташыбыз, Татарстанның халык артисты, Гөлзадә Сафиуллинаның туган көне!
Бүген якташыбыз, Татарстанның халык артисты, М. Җәлил исемендәге бүләк иясе, Бөтендөнья төрки хатын-кызларының бердәмлек һәм теләктәшлек җәмгыяте президиумы әгъзасы, Гөлзадә Сафиуллинаның туган көне! Арча якташлыгы Сезне ихлас күңелдән туган көнегез белән тәбрик итә!

Арчаның 6нчы мәктәбенең үз гимны бар хәзер 07.09.2023 Арчаның 6нчы мәктәбенең үз гимны бар хәзер
1 сентябрьдә республикабыз мәктәпләрендә, шау-гөр килеп, Белем бәйрәме узды. 
Мәктәптә уку еллары кеше гомерендә кабатланмый торган мизгелләре белән истә кала торган чор ул. Белгәнебезчә, Арча 6 нчы урта гомуми белем мәктәбе – шәһәребезнең Көнбатыш микрорайонында урнашкан гүзәл уку йорты. 868 укучысы, 35 сыйныф комплекты, 56 укытучысы булган белем йортында матур бәйрәм узды. Бу уку елында мәктәпкә 1нче сыйныфка  79 бала укырга керде.

Мин авылны яратам, моннан китәргә исәп юк... 06.09.2023 Мин авылны яратам, моннан китәргә исәп юк...

“Ашытбаш“ ширкәте җитәкчесе Рөстәм Мөбарәкшин әлеге хуҗалыкта яңа кеше. Әмма кешеләрне өйрәнергә өлгергән инде ул. Алар бик кадерле биредә.

“Җайларыннан гына торабыз, каты бәрелергә дә ярамый үзләренә, – ди ул. – Араларында алтынга тиңнәре бар. Менә Рамил Сибгатуллин – шуларның берсе. Бер үзенә ике комбайн, тракторы да бар

Бәхетле кешенең буш вакыты булырга тиеш түгел 05.09.2023 Бәхетле кешенең буш вакыты булырга тиеш түгел

Сәгыйдә Гаязова: “Мин әтигә охшаган – паровоздан алда барырга кирәк. Алдагы кешене куып җитеп узып китәргә, арттагысын уздырмаска”

Арчада яшәүче хезмәт ветераны Сәгыйдә ханым белән өендә очраштык. Соңгы елларда ул аеруча ачылып китте. Сәбәбен беләсе килде.

Ленар Шакиров: «Умартачылык җиңел хезмәт түгел, гел табыш кына китереп тормый» 04.09.2023 Ленар Шакиров: «Умартачылык җиңел хезмәт түгел, гел табыш кына китереп тормый»
Ленар Шакиров турында ел саен диярлек язып торабыз, “Курса МТСы“ ширкәтендә ясалма орлыкландыру технигы булып эшли. Район, республика конкурсларында җиңүләр яулап тора. Россия конкурсында республика данын яклады һәм тагын якларга әзерләнә.

Урта Пошалымда сыйныфташлар очрашты 03.09.2023 Урта Пошалымда сыйныфташлар очрашты
50 елдан соң класташлар очрашуы. Урта Пошалым мәдәният йортында 50 елдан соң класташлар очрашуга җыелды. "Бик күңелле булды. Балачагыбызны, укытучыларыбызны, мәктәп  елларын искә алыдык " -диеп үзенең сөенече бн уртаклашты Иҗау шәһәреннән кайткан апам Гөлфәния Гатиятуллина (фотода ак яулыктан). Оештыручыларга, мәдәният җитәкчесе Илсия Самигуллинага Аллаһның рәхмәте булсын, диде.

Беренче кыңгырау беренче тапкыр чыңлады 02.09.2023 Беренче кыңгырау беренче тапкыр чыңлады

Арчадагы Г. ЯКурсави исемендәге күппрофильле лицей кичә республика Рәисе Рөстәм Миңнеханов катнашында тантаналы төстә файдалануга тапшырылган иде. Бүген ул үзенең укучыларын кабул итте.

Лицейны ачу тантанасын район башлыгы Илшат Нуриев башлап җибәрде.

Лицей ишекләрен ачты! 01.09.2023 Лицей ишекләрен ачты!

Татарстан Республикасында яңа уку елында унбер яңа мәктәп төзелде. Шуларның берсе безнең районда.

31 август көнне Арчада Г. Курсави исемендәге күппрофильле лицейны файдалануга тапшыру тантанасы булды.

Ул видеоконференция режимында үтте. Анда Татарстан Республикасы Рәисе Рөстәм Миңнеханов катнашты. Ул барлык төзүчеләргә зур рәхмәтен белдерде, педагогларны яңа уку елы белән котлап, аларга уңышлар теләде, Белем көнен бүгенге вәзгыятьне истән чыгармыйча, югары дәрәҗәдә үткәрергә кушты.

Яңа Кырлайда “Ат көне“ үткәрелә 31.08.2023 Яңа Кырлайда “Ат көне“ үткәрелә
2023 елның 9 сентябрендә Яңа Кырлай авылында “Ат көне“ үткәрелә. Анда атлар белән күп төрле бәйгеләр уздырылачак. Төрле конкурслар да була. Рәхим итегез!

Арча стадионында Республика һәм Шәһәр көнен билгеләп үттеләр 30.08.2023 Арча стадионында Республика һәм Шәһәр көнен билгеләп үттеләр
29 август көнне кич Үзәк стадион җыр-бию, уеннардан гөрләп торды. Балалар мәйданчыгында нәни дусларыбыз өчен хәрәкәтле уеннар оештырылды. Милли йортларда иҗат коллективлары чыгыш ясады, халкыбызның "Наза", "Түбәтәйле", "Капка" һ.б уеннар уйнатылды.

Арчада бәйрәм концерты узды 30.08.2023 Арчада бәйрәм концерты узды
Район Мәдәният йорты сәхнәсендә үзешчән артистларыбыз белән бергә илебезнең төрле почмакларыннан килгән иҗат коллективлары да чыгыш ясады.

Яңа Кенәр, тирә-як авыллар халкына нинди генә рәхмәтләр әйтсәк тә аз булыр 29.08.2023 Яңа Кенәр, тирә-як авыллар халкына нинди генә рәхмәтләр әйтсәк тә аз булыр

Узган елның 2 ноябрендә эш башлаганнар. Шул вакыт эчендә гуманитар ярдәм белән сигез йөк озатканнар. Беренче машина 26 ноябрьдә китсә, соңгысы әле шушы көннәрдә генә барып кайткан.

Яңа Кенәрдән Фәния Шәрәфиева белән көтмәгәндә очраштык. Моңа кадәр аралашуыбыз сәлам бирү, хәл сорашудан үтми иде. Аның волонтерлар төркемендә икәнен белгәнгә, бу юлы шул хакта сорашырга булдык.

Подведены итоги республиканского конкурса «Лучшее землячество года Республики Татарстан» 28.08.2023 Подведены итоги республиканского конкурса «Лучшее землячество года Республики Татарстан»
Награждение лучших землячеств по итогам 2022 года состоялось сегодня в Совете муниципальных образований Республики Татарстан. Мероприятие прошло в рамках заседания Координационного совета землячеств Республики Татарстан.

Ачлыктан тилмерүче Хәмдия язмышын кино итү төнендә: «Алмаз абый, гыйбатрак сөйләш әле» 27.08.2023 Ачлыктан тилмерүче Хәмдия язмышын кино итү төнендә: «Алмаз абый, гыйбатрак сөйләш әле»

Кинорежиссер һәм журналист Александр Далматов Нурихан Фәттахның «Кырык дүртнең май аенда» повесте буенча тулы метражлы фильмын төшереп бетереп килә.

Съемкаларның соңгы көннәренең берсе Питрәч районының Чыты авылында иде. Эш барышын күрергә дип, Чытыга килдем. Тинчурин театры артистлары Алмаз Фәтхуллин белән Гөлчәчәк Хафизова Чытыга бара иде, мин дә алар машинасына сыйдым – рәхмәт Алмазга!


Һәр атнаның сишәмбесендә Арча районындагы төзелеш объектларында планлаштыру үтә 27.08.2023 Һәр атнаның сишәмбесендә Арча районындагы төзелеш объектларында планлаштыру үтә

Мәдәният өлкәсенә килсәк, быел Сөрде мәдәният йорты ныклап төзекләндерелә. “Гранд-Мастер“ ширкәте биредә эшләрне төгәлләп килә, тышта территорияне  төзекләндерү белән мәшгульләр. Шәп чыккан, балкып тора мәдәният учагы!

Шура авылында 46 урынга күп функцияле үзәк төзелеп бетеп килә, эчке эшләрне, территорияне төзекләндерүне төгәллисе бар. Ниһаять, авыл халкының хыялы тормышка аша. Шуралар бик лаек моңа!

Бәхетле картлыгына сөенеп яши 26.08.2023 Бәхетле картлыгына сөенеп яши

Арча мөхтәсибәте өлкәннәрне олылый, аларга үзенең хөрмәтен һәм ихтирамын күрсәтә.  

Мөхтәсиб Әмир хәзрәт Миңнемуллин Арча станциясендә яшәүче Дания апа Әсхетдинованы 91 яшь тулуы белән котлады, аңа чәчәк бәйләме һәм бүләк тапшырды.

Дания апа үз гомерендә ниләр генә күрмәгән. Малмыж районының Татар Кунбашы авылында туа ул. Гаиләдә өч кыз. Әти-әнисе колхозда. Шулай яшәп ятканда сугыш башлана. Өч карт белән өч кечкенә кызны урман кисәргә җибәрәләр. Ул вакытта Дания икенче сыйныфка күчкән генә була.

Съемки татарского фильма «В мае сорок четвертого» подходят к завершению 25.08.2023 Съемки татарского фильма «В мае сорок четвертого» подходят к завершению
В Пестречинском районе завершаются съемки татарского фильма «Кырык дүртнең май аенда» («В мае сорок четвертого») по одноименному произведению народного писателя Татарстана Нурихана Фаттаха. В фильме рассказывается история татарской девушки Хамдии, на плечи которой легли все тяготы войны.

Арчада мәктәп ярминкәсе гөрли 25.08.2023 Арчада мәктәп ярминкәсе гөрли
Бу көнне елдагыча Арча халкы көтеп алды. Чөнки мәктәп ярминкәсеннән арзан бәядән күп төрле яшелчә, җиләк-җимеш, кышка сакларга дип консервланган әйберләр һәм башка кирәк-яраклар туплап калырга була. Бүген дә халык бик күп килгән иде. Һәр мәктәп бик нык әзерләнгән. Сатыласы әйберләргә генә түгел, бизәлешкә, аларны, үзләрен тәкъдим итүгә дә зур урын биргәннәр. Нәкъ бәйрәм төсен алган ярминкә. Шунда гына концерты бара, паркта - чәчәкләр күргәзмәсе оештырылган. Андагы матурлыкка - исең китәрлек.

Балаларны сөендерә алуыбызга шатмын 24.08.2023 Балаларны сөендерә алуыбызга шатмын

“Бердәм Россия” сәяси партиясе быел да “Мәктәпкә әзерләнергә ярдәм ит!” акциясе игълан итте.

Шул уңайдан мәктәпләрдә төрле чаралар оештырыла, анда район оешмалары җитәкчеләре катнаша.  

Һәрвакыттагыча, быел да акция кысаларында күп балалы, аз тәэмин ителгән, мохтаҗ гаиләләрдәге, шулай ук әтиләре мобилизациягә алынган балаларгада уку кирәк-яраклары тутырылган букчалар тапшырыла.

«Кырык дүртнең май аенда» фильмының соңгы кадрлары Әтнә районында төшерелә 23.08.2023 «Кырык дүртнең май аенда» фильмының соңгы кадрлары Әтнә районында төшерелә

«Кырык дүртнең май аенда» фильмының соңгы кадрлары Әтнә районында төшерелә.

«Алдагы көннәрдә Питрәчтә һәм Юдинода төшердек. Ике көн Әтнәдә төшерәсе калды», – диде фильмның режиссёры Александр Далматов «Татар-информ» хәбәрчесенә.

Арчада мәктәп ярминкәсе көтелә 23.08.2023 Арчада мәктәп ярминкәсе көтелә
26 август, шимбә көнне Арчаның Җиңү паркы каршындагы мәйданда мәктәп ярминкәсе уздырылачак. Башлану вакыты - иртәнге сәгать 7.

Беренче сыйныфка баручы Нәфисәгә «ТАТМЕДИА»ның бүләге тапшырылды 22.08.2023 Беренче сыйныфка баручы Нәфисәгә «ТАТМЕДИА»ның бүләге тапшырылды
«ТАТМЕДИА» агентлыгы традиция буенча, быел да, редакция хезмәткәрләренең беренче сыйнфка баручы балаларына бүләкләр әзерләде

Арчалар Балык Бистәсенә «Бистә шәле» фестиваленә бардылар 21.08.2023 Арчалар Балык Бистәсенә «Бистә шәле» фестиваленә бардылар
Арчаның "Яшь йөрәкләр" ансамбле катнашты анда. Күргәзмәләр, чыгышлар карап, бәйгеләрдә катнашып, бүләкләр алып, чәйләр эчеп, күпме тәэсирләр алганнар, бик күңелле булган.  Йөреп, катнашып, җиңүләргә ирешергә язсын!

Кәче халкының зары бар 20.08.2023 Кәче халкының зары бар

Район башкарма комитеты җитәкчесе Ренат Гатиятов Кәче авылы кешеләре белән очрашты.

Очрашуда Экология министрлыгының Төньяк территория идарәсе, Арча сөт комбинаты, “Водоканал-Сервис“ ширкәтләре җитәкчеләре катнашты.
Кәче халкын иң борчыган мәсьәләләрнең берсе – авыл уртасыннан агучы Казансу елгасының пычрануы. Бу бүген генә туган проблема түгел. Сөт комбинаты, крахмал заводы аны дистә еллар буе пычратып килделәр, әле ул елларда елга мул сулы иде. Шуңа күрә елга бер-ике тапкыр шаулашып алалар да, шелтә-кисәтүләр ясап тынып калалар иде.

Төзегәннең киләчәге бар 18.08.2023 Төзегәннең киләчәге бар
15 августта район башкарма комитеты җитәкчесе Ренат Гатиятов белән шул объектларда булдык.
Мәдәният өлкәсенә килсәк, быел Сөрде мәдәният йорты ныклап төзекләндерелә. “Гранд-Мастер“ ширкәте биредә эшләрне төгәлләп килә, тышта территорияне  төзекләндерү белән мәшгульләр. Шәп чыккан, балкып тора мәдәният учагы!

Шәхесләр белән бизәлә туган як тарихлары 17.08.2023 Шәхесләр белән бизәлә туган як тарихлары
“Казан арты” тарих-этнография музее “Туган ягым - яшел бишек” проекты кысаларында оештырылган  “Шәхесләр белән бизәлә туган як тарихлары” исемле күргәзмәне  велоэкскурсиядә катнашучы яшьләргә тәкъдим итте. Күргәзмә районыбыз үсешенә зур өлеш керткән, күренекле Арча ягы шәхесләренә багышланган. Велоэскурсиядә катнашучылар , шулай ук оештыручылар күргәзмәне зур кызыксыну белән карадылар.

“Оялмыйча йөзгә кадәр яшә инде” 16.08.2023 “Оялмыйча йөзгә кадәр яшә инде”

Асия апаның күзләре күрә, колаклары ишетә, аяклары йөри, әлегә кадәр хәтердән зарланмаган, соңгы вакытта гәҗит укый алмый башлаган, шуның өчен борчыла.

Шекә авылында яшәүче Асия апа Шәйхиевага йөз яшь тулды. Олы юбилеен ул балалары, оныклары, оныкчыклары, туганнары арасында билгеләп үтте.

Бар бала да букчалы булды 15.08.2023 Бар бала да букчалы булды

Апаз урта мәктәбендә “Мәктәпкә әзерләнергә ярдәм ит!“ акциясе кысаларында матур кичә үтте.

Бирегә быел Апаз авыл җирлегендәге мәктәпләргә беренче сыйныфка керәчәк балалар, аларның ата-аналары чакырылган иде.

Киләчәктә дә бергә булыйк 14.08.2023 Киләчәктә дә бергә булыйк
2023 елның икенче яртыеллыгына “Арча хәбәрләре” район газетасына 3233 кеше язылды. Бу узган елның икенче яртыеллыгына караганда күпкә артык.

Арча стадионында физкультурачылар көне билгеләп үтелде 13.08.2023 Арча стадионында физкультурачылар көне билгеләп үтелде
Бу бәйрәм профессиональ спортчыларныкы гына түгел. Аны иртән йөгерүчеләр дә, гимнастика белән шөгыльләнүчеләр дә, велосипедта йөрүчеләр дә билгеләп үтә ала. Россиякүләм Физкультурачы көне быел 12 августка туры килде

Күлтәснең Күлтәсие бар! 12.08.2023 Күлтәснең Күлтәсие бар!
Татар халкының йөзек кашлары булган язучыларыбыз Габдулла Тукай, Галиәсгар Камал, Гомәр Бәширов, Сибгать Хәким, Гариф Ахунов, Мөхәммәт Мәһдиев, мәгърифәтчеләр Габделнасыйр Курсави, Шиһабетдин Мәрҗәни белән беррәттән атала торган тагын бер якташыбыз бар әле безнең. Сүз Шәмсетдин Күлтәси турында бара һәм, дөресен әйткәндә, аның кем икәнлеген белүчеләр аздыр.

Арчалар сәяхәттән кайтты 11.08.2023 Арчалар сәяхәттән кайтты
Укытучылар, тәрбиячеләр, техник хезмәткәрләр... Ташламалы юлламалар белән автобуста Мәскәүгә, Санк-Петербургка, Төньяк Кавказга, самолетта Абхазиягә, теплоходта Түбән Новгородка, әле яңа гына автобуста Чабаксарга бардылар.


Новости 201 - 300 из 3566
Страницы: