События

Арча егете Алмаз Дубайда 2000 спортчы арасында көч сынашты

Алмаз Дубайда 2000 көндәше арасында 9 нчы урын яулап кайтты.

31 гыйнвар – 2 февраль көннәрендә Берләшкән Гарәп Әмирлекләренең Дубай шәһәрендә таэквондоның G-2 категориясе буенча Фуджейро ачык чемпионаты узды. Анда дөньяның төрле илләреннән 2000 көчле спортчылар көч сынашты. Райондашыбыз, “Арча” спорт мәктәбенең данын еракларга алып китүче Алмаз Закиров Франциядән килгән көндәшеннән бераз гына калышып, 9 нчы урынга лаек булды.